YEREMIA 39:9 - Biblía Axweesantá Hhohho' ar Mungú 2004

⁹ Naagáy Nebusaradani geeraharusmoó xuumuuse mukdá' sleémeero aa meet baraá gixsár Yerusalemu guri huúw baraá yaamaá Babuloni, nee kudá' sleémeero naa amoorós i haragwaaiye' dinkwa nee kudá' sleémeero naa meetiye'.

YEREMIA 39:9 Iomraidhean Croise

IIMU/UUNGW 37:36

Ala mukduú yaamaá Midiani oo Yosefu gwaa tlaaxw kuna weeriís baraá yaamaá Misri, kuri tlaáxw nee heeko ta babay Potifa. Inós a geeraharusmoó úr oo askaárír Farao, waawutmoó yaamaá Misri.

2 WAAWITÁ 20:18

Slám na/iiwók bahh'alé kinar tláy nee kiri karmuumúy, niri baraá doó waawutmoó Babulonír wa gadiyuusiyá'.»

2 WAAWITÁ 25:11

Nebusaradani, geeraharusmoó xuumuusér waawutmo, muu sleémeero kudá meet baraá gixsa, nee kudá' sleémeero daber'ín ngaa haniisiye' dír waawutmoó Babuloni, guna loohatís.

2 WAAWITÁ 25:20

Nebusaradani mukwí guna ar tláy, guri huúw amór waawutmoó Babuloni baraá Ribla.

ISAYA 5:13

Gawaá adoorihe, muk'eé' ku loohatis asma sagawasler'ín. Mukhúng kudá' ta ilaiwawa/i qwari gu tsuu/, múk yaariír waxe gu tsú/.

YEREMIA 10:18

Asma AAKOÓ MUNGÚ i kaahi, «Ga/aawaak, qoomaarihe aníng yaamuloouusér yaamuuká' an tsee/áy kwaáhh ar kukumaayi. Aníng i slahh'amií huúw as inooín tawa slahhaahhai.

YEREMIA 16:13

Gawaá adoorihe, aníng kuungá' baraá yaamuukae nun kwaáhh ay yaamaá kuungá' nee baabi'ihúng ta baloó xua'aaká. Nee amoodaádae munguaá hatlá' kiri sagadiyusá', xweera nee tlaatla/aango, aníng kuungá' nu baloó wa hhooawaaká.»

YEREMIA 24:8

«Anuú AAKOÓ MUNGÚ a kah, ‹Adoodá' /aantsír aa hhiturut /ayma ngir ya/aandaaká, an adoodá' ni tleehh dír waawutmo Sedekia oo Yuda, nee geeraharuusedár hatlá' dinkwa nee mukdá' sleémeero aa meet baraá yaamaá Yerusalemu, tam nee kudá' taa loohatisi baraá yaamaá Misri.

YEREMIA 38:19

Waawutmo Sedekia Yeremia guri báy, «Aníng mukduú Yahudi aa haragwaa' amór múk Kaldayo u daimiít, wané aluuwo aníng ti dir'ín i haniis, tiri slahh'eemiis.»

YEREMIA 40:1

Axweesantá AAKOÓ MUNGÚ Yeremia gana axaás qoomár Nebusaradani geeraharuusmoó xuumuusér waawutmo, Yeremia nguwa ya/aamár i haniís iwa tlay baraá Ramaro. Geeraharusmoowí Yeremia guri ar tláy, qoomaarihe Yeremia dabaawós kaa tseék ar piíngu dinkwa nee múk hatlá' oo Yerusalemu sleémeero nee oo Yuda kudá' taa huúw baraá loohaay.

YEREMIA 40:7

Qoomár geeraharuuse sleémeero ar slaqwaruuse tidá' baraá aya dinkwa nee muu sleémeero ngiwa axaasiyé' adór Gedalia garmoó Ahikamu kura ga/aawusmoó wa qaás nee waawutmoó Babuloni, daanduú muu sleémeero kudá' aa meet oo hhawaate, nee /ameena nee na/iiwo, nee mukduú narkuute oo baraá yaamudá' taa huwiiká baraá loohó Babuloni,

YEREMIA 52:26

Nebusaradani geeraharusmoó xuumusér waawutmo, mukwí guna huúw ay dír waawutmoó Babuloni baraá Ribla.

YEREMIA 52:27

Waawutmo Nebukadnesa oo Babuloni mukwí guna muúx, guri tsuú/ baraá Ribla tidár baraá yaamaá Hamati. Gawaá adoorihe múk Yuda kuri loohatís baraá yaamuuine.

DANIELI 2:14

Naagáy Danieli Ariokoduú geeraharusmoó xuumuusér waawutmo guri i axweés ar sagalooa nee fur'ár tsa', asma inós kunguna ya/aáw múk sageeloén sleémeero oo yaamaá Babuloni nguwa tsu/i.

TLAHHOÓ LAÁWI 26:33

Nun tsiyayaáx baraá tla/ángw xoordu, nee nuri paangadúr ayá', yaamuuhúng niri darma tleehhiyá' nee gixsaduhúng niri hhituruutiyá'.

DABE 4:27

AAKOÓ MUNGÚ kuungá' nun diyaa/ baraá tla/ángw xoordaá hatlá', nee múk niiná dirhunge iri meet amoodá' AAKOÓ MUNGÚ nay guusi.