YEREMIA 39:6 - Biblía Axweesantá Hhohho' ar Mungú 2004

⁶ Didár kilár Riblawo, waawutmoó Babuloni daaqoó Sedekia guna tsuú/ geeraá baabuúín wa alé, sleeme geeraharuusér Yuda sleémeero gana tsuú/.

YEREMIA 39:6 Iomraidhean Croise

IIMU/UUNGW 21:16

Inós iri adorqí surúk, har saweemá mahaangw iwa hardihi, iri iwít, asma inós ina baraá muunaáwósí ó', «Aníng adór na/aay ir gwagwa'an mawa ga/áw.» Nee na/aay iri tseé' /aa/eewo.

IIMU/UUNGW 44:34

Adór ki/imaá amór baabuúeé' ngir aleeslaw, bar nee garmaawí ti alkoomanaaká? Aníng qitla u aleeslawaaká slahh'amuudá' baabuúeé' gu sláw nguwa ar.»

2 WAAWITÁ 22:20

Gawaá adoorihe, ga/aaweek kuúng a adór hhoóár gwá', turi qaas bihhaá baabi'iiwók ar wayda, ilaawók slasla/aruwí aníng ni huuw yaamuuká' i alé ngu ariaaká.› » Kaangwí kuri ooár áy dír waawutmo Yosia.

2 WAAWITÁ 25:7

Aluuwo daaqaywós kuri tsuú/ dír ilaawós wa alé, inós sleeme kuri ila' tu/ún, alhhe'eesayhe nguri daba' tseegiyé' ar piíngu, nguri huwiyé' ay Babuloni.

2 QOM'I 34:28

Ga/aawek kuúng bar aga gwá', tun foól ar wayda, tari haraagwá' amór baabi'iiwók, slahh'amuuwí ni huuw baraá yaamuuká' nee dír yaamuuloouuseerós ilaawók ngu ariiaaká.› » Naagáy mukdá' taa ya/aáw kaangwí nguri ki/ís amór waawutmo Yosia.

ESTA 8:6

Asma adór nir qiitl slahh'amuú amór muk'eé' káw nguwa ga/aw? Adór qitla ngur aleeslaw qwanoó mar'eefooeé' ngur ga/aw?»

ISAYA 13:16

Na/ii'ín awa qaweero kin xooro qwaarees dír ilaaín wa alé, maray'ín kin hayoh, nee tlaaway'ín kuri uhín ar /uuru.

ISAYA 34:12

Yaamuudae tari ooi, «Waawutmo i kaahh tam geeraharusmoó daadáw i kaahh.»

YEREMIA 20:4

Asma AAKOÓ MUNGÚ i kaahi, ‹Qaytsiít aníng kuúnguú kilá' u de'eérí tleés, mulqeerók kari dae tláq. Inooín kin tsuu/ ar paánga, nee wakuuser'ín dír ilaawók wa alé. Múk Yuda sleémeero un haniís baraá dabaá waawutmoó Babuloni, inós bahh'ale gin loohatis ay Babuloni, nee bahh'ale gin tsuu/ ar paánga.

YEREMIA 21:7

Anuú AAKOÓ MUNGÚ an kah, «Aluuwo kuúng Sedekía, waawutmoó Yuda, sagadiyuuseerók nee múk baraá gixsarí diriia, kudá' pu/i a meetís nee qwari nee slaqwara, aníng in haniís baraá dabaá waawutmo Nebukadnesa oo Babuloni, nee baraá dabaá wakuuserhúng, tidá' kuungá' nu slakaat. Kuungá' Nebukadnesa nun tsuu/ ar paánga, nee nu baloó gurtlayká, laqaá nu geemayká, laqaá nu ilamuruutiiká, anuú AAKOÓ MUNGÚ tí an káh.»

YEREMIA 34:3

Kuúng a baloó kotsoqotká dirose, ala looeemaawo, kuúng tu oh, turi baraá dabaawós i qaas. Iltók nee tós ti doogiyá', nee tari axwesá' nee inós, aluuwo kuúng turi ar tláy ay Babuloni.›

YEREMIA 38:23

Tlaawaywók sleémeero nee daaqaywoge ki huuw amór múk Kaldayo, nee kuúng sleeme a /uuraaká. Kuúng tun ar tláy nee waawutmoó Babuloni, nee gixsarí kari daa/ ar asla.› »

YEREMIA 52:10

Baraá Riblawo waawutmoó Babuloni daaqoó waawutmo Sedekia guna tsuú/ dír geeraá Sedekia wa ale. Sleeme geeraharuuse sleémeero ar Yuda gari tsuú/.

ESEKIELI 23:24

Múk /iikú daáhh ni hardah ar gardaá slaqwara nee awa huwa loohisoro. Inooín múk yaariír ngun geerahariyá'. Kiíng in harweeriyá' bihhe sleémeero ar gaambudaá uren nee awa ninakwe nee kifiyadaá muqsla. Aníng aleesleemuú kiíng iwa sakwasleemutiyá' ugwa haniís, inooín kiíng tin sakwasleemuut ar daber'ín.

ESEKIELI 24:5

Fu'unaá hhohho' awa bee/ír slaqwa hhoo' tleehheek, gufteeri qaaseek baraá asla, fu'unaay nee fadu dinkwárí humiimeek, sleémeero humro hhe'eeseek.›

SEFANIA 1:8

AAKOÓ MUNGÚ i kaahi, «Baalaadár ilahhooar'eé' ar muruú ta tsu/i aníng geeraharuuse nee na/aá waawitá in muúx, tam kudá' tlabaá xoordaá hatlá' ngi tsitaatitá' sleeme.

DABE 28:34

Sagók iri hhituruut as muruudá' ta ara'aan ilaawoge.