YEREMIA 39:5 - Biblía Axweesantá Hhohho' ar Mungú 2004

⁵ Ala slaqwaruusér Kaldayo mukwí guri aluú wa eehát, Sedekia nguri aleeslayé' baraá xatsatá Yeriko. Ala nguwa oohiyé', nguri huwiyé' dír Nebukadnesa waawutmoó Babuloni, amór Ribla baraá yaamaá Hamati. Inós guri sakwasleemuút.

YEREMIA 39:5 Iomraidhean Croise

2 SAMUELI 8:9

Qoomár Toi, waawutmoó Hamati ngiwa axaás adór Daudi Hadadeseri nee mukós kuduú slaqwaraaro ngira baál,

2 WAAWITÁ 17:24

Naagáy waawutmoó Ashuru muu guna Babuloni wa ar tláy, nee Kuta, nee Afa, nee Hamati nee Sefarfaimu guri huúw baraá gixsaadaá Samaria, didá' múk Israeli kuwa loohatís. Yaamuká' ngina kooín tleehhiyé' nee niri baraá gixsaaduuín wa hootiyé'.

2 WAAWITÁ 23:33

Inós kuri óh nee Farao-neko, kuri tseék baraá gixsár Ribla ar yaamaá Hamati as miwa baraá Yerusalemúr wa waawuti'ín. Farao-neko Koódi gari ohín ar kilór kume tám nee tsiire tsiyáhh ar peésa nee kilór mibeeri tám nee tsiyáhh ar sahaábu.

2 WAAWITÁ 25:6

Naagáy waawutmo nguri oohiyé' ngway huwiyé' amór waawutmoó Babuloni dir Ribla, inós guri sakwasleemuút.

2 QOM'I 33:11

Gawaá adoorihe, AAKOÓ MUNGÚ geeraharuusér waawutmoó Ashuru gana ya/aáw amór múk Yuda. Manase nguri oohiyé' gway daba' tseegiyé' ar piínguduú muqslár sirda/aten, nguri huwiyé' ay yaamaá Babuloni.

ISAYA 22:3

Geeraharuuserhúng sleémeero tana al/akumiít, dír kira tlaqutiiká kina uhín, mukók sleémeero kudá' taa harasliqiít kuna ar tláy, tam naa guwii'i amór saáwí alé.

YEREMIA 21:7

Anuú AAKOÓ MUNGÚ an kah, «Aluuwo kuúng Sedekía, waawutmoó Yuda, sagadiyuuseerók nee múk baraá gixsarí diriia, kudá' pu/i a meetís nee qwari nee slaqwara, aníng in haniís baraá dabaá waawutmo Nebukadnesa oo Babuloni, nee baraá dabaá wakuuserhúng, tidá' kuungá' nu slakaat. Kuungá' Nebukadnesa nun tsuu/ ar paánga, nee nu baloó gurtlayká, laqaá nu geemayká, laqaá nu ilamuruutiiká, anuú AAKOÓ MUNGÚ tí an káh.»

YEREMIA 24:8

«Anuú AAKOÓ MUNGÚ a kah, ‹Adoodá' /aantsír aa hhiturut /ayma ngir ya/aandaaká, an adoodá' ni tleehh dír waawutmo Sedekia oo Yuda, nee geeraharuusedár hatlá' dinkwa nee mukdá' sleémeero aa meet baraá yaamaá Yerusalemu, tam nee kudá' taa loohatisi baraá yaamaá Misri.

YEREMIA 38:18

Ala kuúng bar aga ya/andiiká tiwa hanis gawaá dabaá geeraharuusér waawutmoó Babuloni, gixsarí kan haniis dír múk Kaldayo, ngiri da/iyá' ar asla nee kuúng ti /iská baraá dabaaine.»

YEREMIA 38:23

Tlaawaywók sleémeero nee daaqaywoge ki huuw amór múk Kaldayo, nee kuúng sleeme a /uuraaká. Kuúng tun ar tláy nee waawutmoó Babuloni, nee gixsarí kari daa/ ar asla.› »

YEREMIA 4:12

Ala a fur'ár ló'wa fukukuu' ar amor'eé' daahh. A anuú AAKOÓ MUNGÚ oo sakwasleemarí ga tleéhh daanduuín.»

YEREMIA 44:30

AAKOÓ MUNGÚ i kaahi, «Ga/aawaak, Farao Hofra waawutmoó Misri un qaás baraá dabaá wakuuseerós tidá' slafiingós leelehhiit, adoodá' Sedekia waawutmoó Yuda ngura qaás baraá dabaá Nebukadnesa waawutmoó Babuloni, wakusmoowós, kudá' slafiingós gwaa leelehhiit.»

YEREMIA 49:23

Axweesantí an tidá' aa oó' daanduú Damaskoro. Gixsár Hamati nee Arpadi bayta gaa óh, asma kángw tlákw kwaa axaás. Munér muk'ín aa weeqaawéq as dae, inooín taa amoqwaqwadín adór tlawtá aa /eeraagwa', tidá' xasliitaaká.

WA/AA/I 1:3

Múk Yuda kwaa loohatís as slahh'eemis nee lawali'iimár xaraasl, inooín tan baraá tla/ángw xoorduú wa hoot, ala amohhooár ta slaslay i káhh. Inooín kaa ohín nee mukdá' gi eeharahár qoomár iwa baraá slahh'amuín i dirii'iya'.

WA/AA/I 4:20

Kuduú iimu/úngw slafingwrén, kudá' taa iimbalaáx ar di/i nee AAKOÓ MUNGÚ, nguna baa'ar'ín ar oohiyé', kudá' tawa kaahaan, «Baraá xuumarose atén a tla/ángw xoordu un wa hootaán.»

ESEKIELI 23:24

Múk /iikú daáhh ni hardah ar gardaá slaqwara nee awa huwa loohisoro. Inooín múk yaariír ngun geerahariyá'. Kiíng in harweeriyá' bihhe sleémeero ar gaambudaá uren nee awa ninakwe nee kifiyadaá muqsla. Aníng aleesleemuú kiíng iwa sakwasleemutiyá' ugwa haniís, inooín kiíng tin sakwasleemuut ar daber'ín.

HABAKUKI 1:7

Mukwí a múk tlií/ nee oo dae tlaáq ló'wa alé, mukwí a sager'ín gan /aay baraá kwasleemaduuine nee baraá uray'ine.»

FAARO 13:21

Naagáy, mukdá' iri tláy, yaamuudá' kiri tsawtsawuusár áy iimír xaanxoó Sinír wa tleemu ay Rehobu, isaapoó loohír dahmuú aw Hamati.

YOSHUA 13:5

Bihhaá da/aawe yaamu sleémeero awa Gebali nee awa Lebanoniro ay Ba'al-gadi afaá tloomár Hermoni, tay ti'itá' ay Lebo-hamati.

YOSHUA 4:13

Mukdaádá' xooslár slaqwarár koóm a kume mibeeri tsiyáhh, niri geeraá AAKOÓ MUNGÚ ar waaraahhiyé' ay baraá xatstá iisaapoó Yeriko, taa amohhe'eesiyé' slaqwaraaro.

YOSHUA 5:10

Qoomár múk Israeli xafay'ín nguwa tleehhiyé' amór Gilgali dír xatstá bihhaá Yeriko, deelór Pasaáka ngay tleehhiyé' tsiindoowo bál slahhaangw tawa mibaá nee tsiyáhh.

HAR'OHUUSE 3:3

Xoorduudá' taa máy an kuká': Ayeemaá kooán awa waawituú Filisti nee múk Kana'ani sleémeero, nee múk Sidoni, nee múk Hifi, kudá' baraá tlom'aá Lebanonír hootá', iimír tloomár Ba'al-hermonír wa tleemu ay Lebo-hamati.