YEREMIA 39:3 - Biblía Axweesantá Hhohho' ar Mungú 2004

³ Qoomár gixsár Yerusalemu kawa hayóh geeraharuuse sleémeero ar waawutmoó Babuloni tari dáh nee tari iwiít dír afkú tla/aangw. Umer'ín a ti: Nergal-sharesa, nee Samgar-nebo, nee Sar-sekimu heedaádá' úr oo mukdá' taa karmuumúy nee Nergal-sharesa geeraharusmoó xu'utuusér tsatse/ dinkwa nee geeraharuusér hatlá' ar aa met ar waawutmoó Babuloni.

YEREMIA 39:3 Iomraidhean Croise

2 WAAWITÁ 17:30

Múk Babuloni slaqsoó Sukot-benoti nguna tleehhiyé', nee múk Kuti slaqsoó Nergali, nee múk Hamati slaqsoó Ashima nguna tleehhiyé'.

YEREMIA 1:15

Asma aníng waawuti'iima sleémeero ar bihhaá /iya nee tlahhi'ii'ine ngi tleés. Waawitaáwós sleémeero nin hardah, umuú waawutmowo kitaangós oo waawuti'iima guri qaas dír afér gixsár Yerusalemu, koo/irós badu sleémeerowo kari harweer nee gixsadaá Yuda sleémeero kiri harweer.

YEREMIA 21:4

AAKOÓ MUNGÚ, Munguú múk Israeli, i kaahi, ‹Sedekía, xosluudá' tar slaqw nee waawutmoó Babuloni nee múk Kaldayo, kudá' ugwa harweeriye' tsee/aá gixsaro, ngin amoorók xu'ús. Aníng xooslaá slaqwarár slaqwaruuserhúng in burumbuúr baraá tla/ángw gixsarí.

YEREMIA 38:17

Yeremia Sedekia guri báy, AAKOÓ MUNGÚ Aleesleemusmo, Munguú Israeli i kaahi, «Kuúng bar aga ya/aán tiwa hanis baraá dabaá geeraharuusér waawutmoó Babuloni, daqaní slafiingók u tú/, nee gixsarí ka da/iiká ar asla, kuúng nee múk do'oge tundu tsu/iiká.

YEREMIA 39:13

Naagáy Nebusaradani geeraharusmoó xuumuuse, nee Nebushani geeraharusmoó múk taa karmuumúy, nee Nergal-sharesa geeraharusmoó xu'utuusér tsatse/, dinkwa nee geeraharuusér waawutmoó Babuloni muu nguri ya/aawiyé' as Yeremia kuwa duuxi baraá afeenidár xuumuusero.

ESEKIELI 26:10

Farsuú waawutmo Nebukadnesa ku ló'wa úr, nee teeri birnga gáwtí tleesiyé' iri tuuntúk. Koo/i iri daaraxát as kududuhoó slaqwaruusér faras gwaa i tsa/aan, nee gaardaá slaqwara nee kudá' huwaá koomá', qoomár bir darah afkú gixsaroge a adór múk daráh baraá gixsa ar dír aa fee/it.