YEREMIA 39:11 - Biblía Axweesantá Hhohho' ar Mungú 2004

¹¹ Nebukadnesa waawutmoó Babuloni Nebusaradani kuduú geeraharusmoó xuumuuse, daanduú Yeremiawo guri báy,

YEREMIA 39:11 Iomraidhean Croise

YOBU 5:15

Ala Mungú panaay gun ba/amis as munguwa tsu/iyé', narkuute gan dír dabaá múk /uuruú koóm wa wangexwaar.

YOBU 5:16

Gawaá adoorihe, narkuute harahhifo ga koón, múk tlákw ku xasltis.

YOBU 5:19

Umuú daqto inós kuúng u ba/amis baraá slahh'amuwo, Tam slahh'amu ni sagáwa magá' wá ki/i a gaarooká.

YEREMIA 1:8

Kuúng inooín mi da'ayumitaar, aníng a dinkwa nee kuúng as uwa ba/amis. Anuú AAKOÓ MUNGÚ tí ngina oó'.»

YEREMIA 15:11

AAKOÓ MUNGÚ, axáy lo'or'ín án i /ak, barnaxes aníng kuúng ugwa sagadiyuusiiká ar muunuú /awaák, nee barnaxes aníng kuúng ugwa tsuwa firiimiiká as wakuuser'eé', qoomár kiwa baramaanuusi nee iwa baraá slahh'amií dirii'iya'.

YEREMIA 15:20

Dír mukwihe, aníng kuúng un koo/ír gawit tleéhh ar taa tleéhh ar muqslír sirdaa/aat. Inooín kuúng un mak i slaqwarárí ayá', ala u baaliaaká. Asma aníng nee kuúng a dinkwa as uwa /iis nee uwa ba/amis. Anuú AAKOÓ MUNGÚ tí ngina oó'.

YEREMIA 15:21

Aníng kuúng un ba/amís baraá dabaá múk tlakwe nee un tuú/ dír múk xaraasla.»

YEREMIA 37:2

Ala Sedekia nee geeraharuusér hatlá' dinkwa nee yaamuuloouusér ayaá Yuda axweesantá AAKOÓ MUNGÚ tidá' Yeremia aa káh ngaa iiárií qaasi'iiká.

YEREMIA 40:1

Axweesantá AAKOÓ MUNGÚ Yeremia gana axaás qoomár Nebusaradani geeraharuusmoó xuumuusér waawutmo, Yeremia nguwa ya/aamár i haniís iwa tlay baraá Ramaro. Geeraharusmoowí Yeremia guri ar tláy, qoomaarihe Yeremia dabaawós kaa tseék ar piíngu dinkwa nee múk hatlá' oo Yerusalemu sleémeero nee oo Yuda kudá' taa huúw baraá loohaay.

YEREMIA 40:4

Ga/aaweek, aníng kuúng ugwa gweér, daxta kuúng bara aán i qoón tawa tlawaan ay Babuloni, gimáy daxta ti alkoomaán, aníng kuúng un amohhe'eemiís. Barnaxes kuúng a sla'aká tiwa alkoomaan ay Babuloni, ala ma daqawaar. Ga/aaweek, yaamu sleémeero i dír geeraawók, amór ta keemuúwa sla' kaweek.

YEREMIA 52:12

Bál slahhángw kooán tawa mibaangw oo kurkú mibaá nee gwaleél iimír Nebukadnesa, waawutmoó Babuloni, waawuti'iima ngiwa iimu/ún, Nebusaradani geeraharusmoó úr oo xuumuuse, kudá' waawutmoó Babuloni sagadiyuús, ina dáh baraá gixsár Yerusalemu.

Tlehhema'aá ya/Abuuse 24:23

Aluuwo Felisi geeraharusmooduú askaári guri báy, «Paulo xuumaak, ala mu ak xuumara', tam mulqeerós ma ila/aamara' bar ngu sagadiyús.»