YEREMIA 39:1 - Biblía Axweesantá Hhohho' ar Mungú 2004

¹ Qoomár slahhángw mibaangw oo kurkú gwaleél iimír waawutmo Sedekia waawutmoó Yuda, waawuti'iima ngiwa iimu/ún, waawutmo Nebukadnesa waawutmoó Babuloni nee slaqwaruseerós gixsár Yerusalemu kana i haraatláy, kari haraaweél.

YEREMIA 39:1 Iomraidhean Croise

2 QOM'I 36:17

Gawaá adoorihe, AAKOÓ MUNGÚ waawutmoó Kaldayo guri amor'ín i tleés. Inós masoombar'ín gari tsuú/ baraá guruú dooín kudá' hhoohhoó' i aleeró, slám hee tumu wák oo taa gurtláy i kaahh, tam dasi laqaá garma, laqaá heé aa din, laqaá oo liitlakusmo. AAKOÓ MUNGÚ muu sleémeero guna haniís gawaá dabaá waawutmoó múk Kaldayo.

YEREMIA 32:1

Yeremia axweesantá AAKOÓ MUNGÚ gana axaás qoomár Sedekia waawutmoó Yuda kureeriiwós tawa mibaangw baraá waawuti'iimaro. Kurkudá' an kurkú mibaá nee dakaát oo waawuti'iimár Nebukadnesa.

YEREMIA 34:1

Qoomár waawutmo Nebukadnesa oo Babuloni nee slaqwaruuseerós, nee slaqwaruusér xoordaá hatlá', kudá' inós aa baál, tawa slaqwi nee Yerusalemu nee gixsadaá iisaapaydá'. Axweesantá AAKOÓ MUNGÚ Yeremia gana axaás, i kat,

YEREMIA 34:22

Anuú AAKOÓ MUNGÚ a kah, ga/aaweek, aníng inooín i ádbáw as gixsarí ngiwa malé inki/iya' slaqwaraaro, nee gixsarí ngiri hayoohiyá', nee ngiri da/iyá' ar asla. Aníng gixsadaá Yuda i xaanxay tleéhh, tam múk gi hoót iri qwaar.»

YEREMIA 42:18

«Anuú AAKOÓ MUNGÚ Aleesleemusmo, Munguú Israeli a kah, ‹Adoodá' buhhtaaeé' nee adoodá' nira qa/iít dír yaamuloouusér Yerusalemu an adoodá' nir buuhh dír kuungá', barnaxes aga tleeré' baraá yaamaá Misri. Kuungá' tari adór gár taa ló'wa aáhh, nee ar dae tlaaq, nee ar ta lu'umisi nee ar ta niqisi. Kuungá' yaamuuká' i baloó malé aanda'aaká.› »

YEREMIA 52:1

Sedekia waawuti'iima ngiwa iimu/ún kureeriiwós a mibeeri tsár nee wak. Inós kureeraá waawuti'iima baraá Yerusalemu ngaa /aáy a mibaá nee wak. Aayoorós umuuwós a Hamutali dasír Yeremia, yaamuuloousmoó gixsár Libna.

YEREMIA 6:6

AAKOÓ MUNGÚ Aleesleemusmo i kaahi, «Xaaiwós tsataak, koo/ír Yerusalemu ka hhapeérí ki/isá' bihhe sleémeero. Gixsarí i hariín kawa sakwasleemuti, asma gár aa hats baraawose a /ayta.

ESEKIELI 33:21

Slahhángw mibaangw bál tawa kooán kurkú mibaá nee tsár iimír atén tiwa loohatís, heeko wák naa Yerusalemúr wa kotsqoot nina dir'eénií hardáh i kaahi, «Gixsár Yerusalemu kaa hayóh.»

ESEKIELI 4:3

Naagáy hhartá muqsli taataahheek ka sihhtís adór koo/ír kuúng nee gixsa nu paraatl. Daqaní guruuwók ku amór gixsarí ta harweér xu'ús, ka laqaán adór gixsarí kara harweér. Layár kawa harweeri tleehheek. Gaarí a laya dír xoorór múk Israeliwo.

ESEKIELI 40:1

Bál slahhángw geera tawa mibaangw, kurkú mibeeri tsár nee kooán iimír tiwa loohatís, /uuruú AAKOÓ MUNGÚ una ár. Qoomaarí an kurkú mibaá nee tsiyáhh iimír gixsár Yerusalemu kawa hayóh.

ESEKIELI 5:2

Ala gixsár Yerusalemu barka hhe'eés harweeraro, ufuú wák oo se'eengók, baraá ufeedá' tame, da/eek baraá gixsár i alé. Ufuú hatlá' paángaro tlaaqeek, gixsa tir harwet. Ufuú tám kuduú alhhe'eesáy ku tsiyayaáx ar fur'a. Aníng paángar'eé' a aluú wa geeleéhh as nguwa diyaa/.

SEKARIA 8:19

«Gwaawitór slahhángw tsiyáhh, nee ar slahhángw kooán, nee ar slahhángw faanqw, nee slahhángw mibaangw, a deelór tawa naagisi qwala/ nee bar/uuwo, nee a deelór ur dír múk doó Yudawo, gawaá adoorihe looeema nee wayda sla'aak.»

DABE 28:36

«AAKOÓ MUNGÚ kuúng, dinkwa nee waawutmoowók kudá' kuúng taa tsawdi, nun huuw ay baraá xoorór kuúng ta baloó xu'uká, laqaá baabi'iiwók sleeme. Nee amodaádae kuúng munguaá hatlá' awa xaai nee awa tlaa/e kiri sagadiyús.