YEREMIA 38:6 - Biblía Axweesantá Hhohho' ar Mungú 2004

⁶ Naagáy Yeremia nguri /aytisiyé' baraá hhalángw Malkia garmoó waawutmo, hhalangwdú baraá doó xuumuuse, Yeremia kuri baraadá i /aytiís ar him'e. Baraá hhalangwdae ma'aay i kahhiyá', a har baa/í kilós. Yeremia iri /eét baraá baa/i.

YEREMIA 38:6 Iomraidhean Croise

IIMU/UUNGW 37:24

Nguna oohiyé', ngway kwahhiyé' baraá hhalángw kaahaár, oo ma'aá koomaaká.

WARA'AMI 109:5

Hhooeemaeé' kin tlakweemaaín ar bu'ún, nee sla'aarir'eé' kan aahhir'ín ar bu'ún.

WARA'AMI 40:2

Ina duúx baraá tsaxwaá baa'ár wa ale, baraá tsal'ír buunqa. Iri sihhtís gawaá daanduú tlaa/a, niri hi'imiít ar amohhooa.

WARA'AMI 69:2

A /ee/etiím baraá buunqár yaariír i ale, dír sihhtano iwa baloó ya/aandaaká, aga hardáh baraá iltá ma'aay, gwaanduú ma'aay in ar tlatláy.

YEREMIA 32:2

Qoomaarihe askaárír waawutmoó Babuloni gixsár Yerusalemu gana harwét, nee aarusmo Yeremia kwaa ilaá/ baraá matla/ángw doó xuuma, kuduú baraá doó waawuti'iimár Yuda.

YEREMIA 36:26

Aluuwo wawutmoodá' Yerame'eli garmoó waawutmo, nee Seraya garmoó Asrieli, nee Shelemia garmoó Abdeli, giri ya/aáw as goousmo Baruku nee aarusmo Yeremiawo kiwa ohin, ala AAKOÓ MUNGÚ inooín gina luú/.

YEREMIA 37:16

Yeremia kuwa tseék iri baraadií meét deelór yaariire,

YEREMIA 37:21

Waawutmo Sedekia hara'aya gari oó', Yeremia kuwa tseegi dír afeenidá xuumuuse i xumxaaxuun, nee kuwa mikaátér i hanimisi umuú deelooro nee mukdá' mikaátér tlehhahhiít ay dír mikaatedá' ii fak baraá gixsaadae. Naagáy Yeremia iri dír afeenidár xuumuusér wa hotaatín ay qoomár gixsár Yerusalemu kawa hayóh.

YEREMIA 38:13

Yeremia nguri uuruxiyé' ar him'e, nguri duuxiyé' baraá hhalángw wa alé. Alaá tihe Yeremia iri hoót dír afeenidár xuumuusér wa ale.

YEREMIA 38:22

ga/aaweek, /ameena sleémeero tidá' taa geexáy baraá doó waawutmoó Yuda, kana huúw ay amór geeraharuusér waawutmoó Babuloni, i kat, ‹Waawutmo kwa al/aáy nee mulqeerós ar kilá' nee kuri baál, hám daxta inós aa /eét baraá buunqa, mulqeerós gwa baraadá' i geexeér.

DANIELI 6:16

Aluuwo waawutmo Dario hara'aya gari oó', Danieli kuri kwaáhh baraá mar'ír direeri. Danieli kuri báy nee waawutmo, «Munguúwók kudá' ta sagadiyumaamis umuú daqto u tu/i.»

SEKARIA 9:11

Anuú AAKOÓ MUNGÚ a kah, «As tseerér alqador'eé' tidá' taa axweesaán nee kuungá', mukdá' taa tsegiít ngu baraá hhalángw ma'aá koomaaká wa duúx.

Tlehhema'aá ya/Abuuse 16:24

Inós tí kwaa báy ngiwa axaás, giri kwahha hhe'eés baraá qul/ír baraá do', giri ya'a' tsegiít ar peehhoó iló'.

Ebrania 10:36

Kuungá' gár tunduwa hariím an qiqtliindá', as adoodá' Mungú aa slaá' kawa tlehhita', nee gadaádá' inós aa oó' baraá al'axweesantose kawa sleera'.