YEREMIA 38:3 - Biblía Axweesantá Hhohho' ar Mungú 2004

³ AAKOÓ MUNGÚ i kaahi, «Ar tsuwa ló' gixsarí ka dabaá slaqwaruusér waawutmoó Babuloni i haniis, nee gari hayoh.»

YEREMIA 38:3 Iomraidhean Croise

YEREMIA 21:10

Aníng aga ístí tsaát gixsarí ngiwa amotlakweérí huuw, ala a hhooeemáy tleehhaaká, anuú AAKOÓ MUNGÚ an kah. Gixsarí an haniís baraá dabaá waawutmoó Babuloni, inós gari hhaamiis ar asla.»

YEREMIA 21:4

AAKOÓ MUNGÚ, Munguú múk Israeli, i kaahi, ‹Sedekía, xosluudá' tar slaqw nee waawutmoó Babuloni nee múk Kaldayo, kudá' ugwa harweeriye' tsee/aá gixsaro, ngin amoorók xu'ús. Aníng xooslaá slaqwarár slaqwaruuserhúng in burumbuúr baraá tla/ángw gixsarí.

YEREMIA 21:9

Heé baraá gixsarí meét ku gaas ar paánga, laqaá qwari gun gaas laqaá pu/i gun gás. Heé aa tsee/ií ti'iit, dabaawós giri haniís dír múk Kaldayo, kudá' gixsa ngaa harweeriye', heewí ku gaasiiká, eeít slafiingós gu tuu/.

YEREMIA 29:16

Anuú AAKOÓ MUNGÚ gár ni kah iiárií qaasaak, daanduú heedaádá' iwiita gawaá kitangwduú waawuti'iima oo Daudi, nee daanduú muu sleémeero kudá' baraá gixsarí hoota, nee hhaeehúng kudá' taa alhuwiiká dinkwa nee kuungá' baraá loohaay.

YEREMIA 37:8

Slaqwaruusér Kaldayo ni malé kí/ slaqwaraaro dír gixsarí. Gixsarí ngi hayoohiyá', nee ngiri da/iyá' ar asla.›

YEREMIA 38:18

Ala kuúng bar aga ya/andiiká tiwa hanis gawaá dabaá geeraharuusér waawutmoó Babuloni, gixsarí kan haniis dír múk Kaldayo, ngiri da/iyá' ar asla nee kuúng ti /iská baraá dabaaine.»