YEREMIA 38:23 - Biblía Axweesantá Hhohho' ar Mungú 2004

²³ Tlaawaywók sleémeero nee daaqaywoge ki huuw amór múk Kaldayo, nee kuúng sleeme a /uuraaká. Kuúng tun ar tláy nee waawutmoó Babuloni, nee gixsarí kari daa/ ar asla.› »

YEREMIA 38:23 Iomraidhean Croise

2 WAAWITÁ 25:7

Aluuwo daaqaywós kuri tsuú/ dír ilaawós wa alé, inós sleeme kuri ila' tu/ún, alhhe'eesayhe nguri daba' tseegiyé' ar piíngu, nguri huwiyé' ay Babuloni.

YEREMIA 21:10

Aníng aga ístí tsaát gixsarí ngiwa amotlakweérí huuw, ala a hhooeemáy tleehhaaká, anuú AAKOÓ MUNGÚ an kah. Gixsarí an haniís baraá dabaá waawutmoó Babuloni, inós gari hhaamiis ar asla.»

YEREMIA 32:4

Sedekia waawutmoó Yuda i /uyká kuwa haniisi gawaá dabaá múk Kaldayo, ku baloó mayká artleemuwo nee waawutmoó Babuloni, inós ti ariyá' nee waawutmoó Babuloni ila nee tiqá' nee tari dinkwár wa axwees.

YEREMIA 34:3

Kuúng a baloó kotsoqotká dirose, ala looeemaawo, kuúng tu oh, turi baraá dabaawós i qaas. Iltók nee tós ti doogiyá', nee tari axwesá' nee inós, aluuwo kuúng turi ar tláy ay Babuloni.›

YEREMIA 37:8

Slaqwaruusér Kaldayo ni malé kí/ slaqwaraaro dír gixsarí. Gixsarí ngi hayoohiyá', nee ngiri da/iyá' ar asla.›

YEREMIA 38:18

Ala kuúng bar aga ya/andiiká tiwa hanis gawaá dabaá geeraharuusér waawutmoó Babuloni, gixsarí kan haniis dír múk Kaldayo, ngiri da/iyá' ar asla nee kuúng ti /iská baraá dabaaine.»

YEREMIA 38:24

Aluuwo Sedekia Yeremia guri báy, «Kaangwí taa axweesaán miwa ti'imiít amór muu, kuúng daqaní tu gaasiiká.

YEREMIA 39:5

Ala slaqwaruusér Kaldayo mukwí guri aluú wa eehát, Sedekia nguri aleeslayé' baraá xatsatá Yeriko. Ala nguwa oohiyé', nguri huwiyé' dír Nebukadnesa waawutmoó Babuloni, amór Ribla baraá yaamaá Hamati. Inós guri sakwasleemuút.

YEREMIA 39:6

Didár kilár Riblawo, waawutmoó Babuloni daaqoó Sedekia guna tsuú/ geeraá baabuúín wa alé, sleeme geeraharuusér Yuda sleémeero gana tsuú/.

YEREMIA 41:10

Aluuwo mukdá' sleémeero aa meet baraá Mispa nee dasuú waawutmowo, mukdá' aáng Nebusaradani, geeraharusmoó úr oo xuumuuse, aa qaás baraá Gedalia, Ishmaeli garmoó Netania guri ar waaraáhh baraá yaamaá Amoni.

YEREMIA 6:12

Maray'ín ki múk hatlá' i haniis, tam qamuuín nee tlaaway'ine. Asma aníng múk yaamuuká' u slaáhh. Anuú AAKOÓ MUNGÚ tí ngina oó'.

ESEKIELI 14:9

«Nee barnaxes aarusmoosíng kwa al/aáy gaa gari oó', daqaní anuú AAKOÓ MUNGÚ ugwa al/aáy. Aníng dakw'eene aarusmoowí un hingeés dír muk'eé' oo Israeliwo.

ESEKIELI 17:15

Ala waawutmoodá' /abén aa qaás waawuti'iimár waawutmoó Babuloni gana sií', muu gway ya/aáw ay Misri as alee/isoó faras nee oo slaqwaruusér yaariir nguwa firór ay. Xáy, waawutmoowí ga aleesláya? Xáy, oo adoorí ga tleéhh nee oo al'axweesantí gaa sii', sakwasleemaro i kotsóti?›

ESEKIELI 43:3

Iigu'utuuwí a adór iigu'utudá' naa ár qoomár Mungú gixsár Yerusalemu ngiwa hhaamiisár áy. Nee sleeme a slaqmís nee iigu'utuudá' naa ár bihhaá yaaér Kebarír wa alé. Tidá' niwa huú' niri gurúr qaát yaamií ale.

FAARO 4:18

«Múk guruú doó Kohati mukuwa hhaamiís baraá tla/ángw múk tlahhoó Laáwiwo.