YEREMIA 38:22 - Biblía Axweesantá Hhohho' ar Mungú 2004

²² ga/aaweek, /ameena sleémeero tidá' taa geexáy baraá doó waawutmoó Yuda, kana huúw ay amór geeraharuusér waawutmoó Babuloni, i kat, ‹Waawutmo kwa al/aáy nee mulqeerós ar kilá' nee kuri baál, hám daxta inós aa /eét baraá buunqa, mulqeerós gwa baraadá' i geexeér.

YEREMIA 38:22 Iomraidhean Croise

YOBU 6:15

Mulqer'eé' iga al/ák, adór duxér aa /oon.

WARA'AMI 41:9

Tam mulqumooeé' kudá' afhhamít, kudá' naa harahhiíf, kudá' nee aníng al/ayayimá', inós iga sakií/.

WARA'AMI 69:14

Tu/áng mawa /eét baraá buunqaárií ale, /iisáng dír dabaá wakuuser'eene, nee mawa /eét baraá tsal'ír ma'aay.

WARA'AMI 69:2

A /ee/etiím baraá buunqár yaariír i ale, dír sihhtano iwa baloó ya/aandaaká, aga hardáh baraá iltá ma'aay, gwaanduú ma'aay in ar tlatláy.

ISAYA 42:17

Kudá' munguaá slaqsi'i awa taa tleéhh ngi harahhifiitá' ki alií warqees kiri ló'wa mureekees, kudá' kaahá' dír slaaqsi'iidií aleeró, «Kuungá' a munguiirén.»

YEREMIA 13:21

Hám daxta ma kát kudá' taa haraxú' tawa mulqe, kudá' kuúnguú kilá' taa intsaahhatís, barnaxes ugwa arba/iyé' nee ugwa sawaawuti'iné'? Xáy, a ló'wa slahhá'áke slahh'amaayér adór tiqár /ameenír baraá asltá xwaylár i dirii'?

YEREMIA 20:10

A axamiís muu iwa saasahhan daanduueene, aníng taa umií tsaát i babaya', «Dae tlaqa umuú bihhiwo.» Bahh'alé ta kaahi, «Tlawsé', sakwasleemutaak! Qwalaas, u sakwasleemutaán!» Mulqer'eé' sleémeero i daamaraán iwa kat, «Doóqa i tapiis, atén daqaní li/aay un buaán.»

YEREMIA 27:14

Axweesantá aaruusedá' kuúng u babaw, ‹Waawutmoó Babuloni mu sagadiyuusaar,› ma iiárií qaasaar, asma inooín u aarír lámtí kaahiyá'.

YEREMIA 27:15

AAKOÓ MUNGÚ i kaahi, «Aníng aaruuseerí nga ya/aawiiká, ala inooín aaru'uuma ngin kaahiyá' ar umuueé'. Gawaá adoorihe in amór saáwí guús, kuungá' a hhaandá' dinkwa nee aaruuserhúng tidá' nu lámtí aariirima.»

YEREMIA 38:19

Waawutmo Sedekia Yeremia guri báy, «Aníng mukduú Yahudi aa haragwaa' amór múk Kaldayo u daimiít, wané aluuwo aníng ti dir'ín i haniis, tiri slahh'eemiis.»

YEREMIA 38:21

Ala barnaxes kuúng dabaawók i haniská dir'ín, iigu'utuú AAKOÓ MUNGÚ naa dir'eé' laqán a kwí,

YEREMIA 41:10

Aluuwo mukdá' sleémeero aa meet baraá Mispa nee dasuú waawutmowo, mukdá' aáng Nebusaradani, geeraharusmoó úr oo xuumuuse, aa qaás baraá Gedalia, Ishmaeli garmoó Netania guri ar waaraáhh baraá yaamaá Amoni.

YEREMIA 43:6

Hhawaate nee /ameenaaro nee na/iiwo, nee dasuú doó waawutmoowo. Nee umuúqo heewo kudá' Nebusaradani geeraharusmoó xuumuuse aa saayín dír Gedalia garmoó Ahikamu, garmoó Shafani kuna ar tláy. Tam aarusmo Yeremia nee Baruku garmoó Neriawo ngina ar tlayé' sleeme.

YEREMIA 46:21

Tam slaqwaruuser'ín tidá' taa tlaáxw baraá tla/angw'ine a adór damaá naa wahhditiye', inooín sleeme na alií ki/iyé', taa goów tam slaqwara nga qiitlii'iiká, asma deelór kiwa hhaamisi naa xeér, qoomar'ín ar kiwa muxi naa hardát.

YEREMIA 46:5

Ahaá gár ni ga/aw mas kina de'e tsaát? Inooín naa amoqwaariyé', naa alií ki/iyé'. Miguuser'ín kaa muúx, iri /akumít sleeme naa alií qaytsiti'iiká, dae i umuú bihhe. AAKOÓ MUNGÚ tí gan kah.

YEREMIA 6:12

Maray'ín ki múk hatlá' i haniis, tam qamuuín nee tlaaway'ine. Asma aníng múk yaamuuká' u slaáhh. Anuú AAKOÓ MUNGÚ tí ngina oó'.

YEREMIA 8:10

Gawaá adoorihe, tlaaway'ín un múk hatlá' i haniís, qamuuín in múk hatlá' i haniís. Asma iimír na/ií wa tleemu ay múk urene, umuú heewo a slaasláwár hariimaaká gan iinuus, nee iimír aaruusér wa tleemu ay kaahamuusér Munguhe sleémeero a lamuuse.

WA/AA/I 1:13

«Asma asla ngina gáwtá wa /aytiís, nee faduueé' giri al'ót. Tsaaxweeli gana geeraaeé' qaás as iwa ya'a' oohi. Aníng iri alií warqeés iri geexáy baraá dewa'ame, tlatla/aangw sleémeero a baraá /araama.

WA/AA/I 1:2

Inós xweeraawo in /aa/amaamiín as slahh'amu, hhirhheeri nin gororoxeeliná' gawaá tlaaqarmaawo, baraá tla/ángw sla'aaruuseerós sleémeero oo gaa gurkwa/as i kaahh tumu wák. Inós kaa al/aáy nee mulqeerós sleémeero, inooín naa wakuuseerós tleehhitiyé'.

WA/AA/I 5:11

/Ameenarén kana /uurúr ohín baraá gixsár Siyoniro, nee dasuurén sleeme baraá gixsadaá Yudawo.

MIKA 7:5

Inslaawmoowók mu harahhiifaar, nee mulqumoowók mu harahhiifaar. Afkók de'eemeek tam dír hareeroge, tidá' ta sla' nee kuúng alguaaimá'.