YEREMIA 38:20 - Biblía Axweesantá Hhohho' ar Mungú 2004

²⁰ Yeremia iri oó', «Kuúng tu dir'ín i hanisiiká. Kuúng afór AAKOÓ MUNGÚ iialooeeseek baraá tí u babaawa, daqaní adoorók i qoón nee slafiingók u tú/.

YEREMIA 38:20 Iomraidhean Croise

IIMU/UUNGW 12:13

Án kiíng i firiím, kiíng ta o', ‹Inós a hhiyaaeé',› as aníng niwa /uw, nee slafingw'eé' iwa ba/an as kiíng.»

IIMU/UUNGW 19:20

Ga/aaweek gixsarí diirí tseew aníng a i goów. Inós ka niina, xaa ya/aám aníng niwa baraaqií goow, xáy, gixsarí ka niináweéke? As aníng hhiintlueé' nguwa tuu/.»

2 QOM'I 20:20

Looa niwa tleér matlaatlér boo/e tana tseewa tláy amór xaanxoó Tekoa. Qoomár tawa tlatlay, waawutmo Yehoshafati ina geeraaín i sihhiít giri báy, «Aá múk Yuda nee yaamuloouusér Yerusalemu, án iiárií qaasaré'! AAKOÓ MUNGÚ haratlintiaak, kuungá' daqaní a gawduurá', nee aaruuseerós haratlintiaak, daqaní kuungá' a baaliindá'.»

AXWEESANOÓ SAGALOOA 4:4

Baabuúeé' aníng iri intsaahhatís, iri báy, «/Aymi'iieé' kuká' ooheek baraá muunaáwók, hara'ayar'eé' ooheek, daqaní a hót.

AXWEESANOÓ SAGALOOA 7:2

Hara'ayar'eé' ooheek daqaní kuúng a sláf. Intsaahhatisar'eé' harmagahheek adór maamár iltók wa ale.

ISAYA 55:3

Iaahúng qaasaak, nee amor'eé' hardahare'. Aníng iiárií qaasaré', daqaní a hotá'. Aníng alqadór alhhe'eesay wasl a tleéhh nee kuungá', sla'aarir'eé' ar warqawaaká tidá' ló' dír Daudiwo.

YEREMIA 11:4

Tidá' naa hara'ayiím dír baabi'iihúng qoomár ngiwa duúx baraá yaamaá Misrír wa alé, baraá asltá muqsla weeqatamiis. Inooín ina báw, afor'eé' iiárií qamimaak, nee tidá' sleémeero naa hara'ayiím tleehhaak. Kuungá' daqaní tari muk'eé', aníng tari Munguúhúng.› »

YEREMIA 11:8

Tam adoorihe inooín aníng iga iialooeesi'iiká, laqaá iga iiárií qaasi'iiká, ala nina ak buhhiyé' niwa sagagawdúr hootiya'. Gawaá adoorihe aníng inooín in slaáhh ar adór axweesanayduú alqado naa dir'ín i hara'ayiím, kudá' inooín naa si'iyé'.»

YEREMIA 26:13

Gimsé', hám daxta hotaahúng gan'aasaak, nee tlehhmi'iihúng gan'aasaak, nee afór AAKOÓ MUNGÚ Munguúhúng iialooeesaak. Adoorí bar aga tlehhé', AAKOÓ MUNGÚ inslawaywós gu warqees, nee amotlakweedá' aa uín ngi huwiiká dirhunge.

YEREMIA 38:21

Ala barnaxes kuúng dabaawók i haniská dir'ín, iigu'utuú AAKOÓ MUNGÚ naa dir'eé' laqán a kwí,

YEREMIA 7:23

Ala aníng hara'ayaarí ana dir'ínií oó', ina báw, ‹Afor'eé' iialooeesaak, daqaní aníng tari Munguúhúng nee kuungá' tari muk'eé'. Adoodá' nura hara'ayiím ar hootaak, adoorí tari hhooa dirhunge.›

DANIELI 4:27

Gawaá adoorihe, aá waawutámo, gurbu'utaeé' tí iiaárí qaaseek. Tlakweema tlehhtuuwo maweek, gan'amu tleehheek, nee tlakweema maweek mukdá' ta baramaanuús gurtleemu ti tlehhit, daqaní deeloorók ar diihhooa ka tleerees.»

AMOS 5:4

Kuungaá múk Israeli, AAKOÓ MUNGÚ nun babay, «Aníng leelehharé', daqaní a slafá'.

AMOS 5:6

AAKOÓ MUNGÚ leelehhaak, daqaní kuungá' a hotá'. Bar adooriheeká inós i pu/uut baraá doó Yosefu, adór asltá wa alé, nee nuri hhaamiis, tam heé nu /iís iri qwaar, baraá yaamuloouusér Beteliro.

Tlehhema'aá ya/Abuuse 26:29

Paulo iri oó', «Tam ar /ayma'aá yaariir laqaá tam awa niinawe, ala gár ni fiririim dír Munguhe, kuúng masók an adór aníng tleehhít, ala mutuwa adór aníng wa tseék. Slám a kuúng kilogeeká, ala tam mukwí sleémeero oo aníng i iiárií qamiím diirihe.»

2 korinto 5:11

Gawaá adoorihe atén Mungú un ilaiwawa/aán baraá muneerene umuúqo daqto. Gaarí an gár muu atén kus afa /asliimaan amór Mungú i alé. Mungú atén ti ló'wa xuu' adór atén tay diriiaan, nee slám aníng a harahhiíf adór kuungá' sleeme baraá munerhunge atén tira tsahhé'.

2 korinto 5:20

Gawaá adoorihe atén a ya/abuusér Kristo. Atén bar axweesaán, a adór Mungú in gurbu'ún ar afeerén. Gawaá adoorihe atén kuungá' nun firiimaán as daanduú Kristó wa ale as kuungá' tunduwa haraki/isi nee Mungú.

2 korinto 6:1

Atén a gadiyuusaán dinkwa nee Mungú. Gawaá adoorihe atén kuungá' nu gurbu'uumaán sleeme, kuungá' tsuuqaá Mungú kudá' taa ilaoté' mi qwaareesara'.

Yakobo 1:22

Kuungá' adoodá' axweesani i kat na tlehhiitaak, ala ma tawó axamiisara', tiri kiloohúng al/agiindá'.