YEREMIA 38:2 - Biblía Axweesantá Hhohho' ar Mungú 2004

² AAKOÓ MUNGÚ i kaahi, «Heé baraá gixsárí meét ku gaas ar paánga, nee ar giyeé nee ar tiqtír pu/i. Kudá' haragwaá' amór múk Kaldayo, slafiingós gu /iis. Tam lawaalmoowo ala slafiingós gwaa /iís.»

YEREMIA 38:2 Iomraidhean Croise

YEREMIA 21:4

AAKOÓ MUNGÚ, Munguú múk Israeli, i kaahi, ‹Sedekía, xosluudá' tar slaqw nee waawutmoó Babuloni nee múk Kaldayo, kudá' ugwa harweeriye' tsee/aá gixsaro, ngin amoorók xu'ús. Aníng xooslaá slaqwarár slaqwaruuserhúng in burumbuúr baraá tla/ángw gixsarí.

YEREMIA 24:8

«Anuú AAKOÓ MUNGÚ a kah, ‹Adoodá' /aantsír aa hhiturut /ayma ngir ya/aandaaká, an adoodá' ni tleehh dír waawutmo Sedekia oo Yuda, nee geeraharuusedár hatlá' dinkwa nee mukdá' sleémeero aa meet baraá yaamaá Yerusalemu, tam nee kudá' taa loohatisi baraá yaamaá Misri.

YEREMIA 27:11

Ala muu tumu xooro gaalá, barnaxes waawutmoó Babuloni ngwa ilaiwaa/iyé' nee ngwa sagadiyuusiyé', aníng mukwí u máw iwa hooti baraá yaamuuín wa alé, yaamuuín ngi doosliyá', ni baraadá' wa hootiyá'. Anuú AAKOÓ MUNGÚ tí ngina oó'.»

YEREMIA 27:13

Ahaá waáy, kuúng nee mukoge gár tundus tsu/i ar slaqwara, nee qwari, nee tiqtír pu/i? Asma adoorí AAKOÓ MUNGÚ gaa oó' dír xoorodá' waawutmoó Babuloni gu sagadiyuusaaká.

YEREMIA 29:16

Anuú AAKOÓ MUNGÚ gár ni kah iiárií qaasaak, daanduú heedaádá' iwiita gawaá kitangwduú waawuti'iima oo Daudi, nee daanduú muu sleémeero kudá' baraá gixsarí hoota, nee hhaeehúng kudá' taa alhuwiiká dinkwa nee kuungá' baraá loohaay.

YEREMIA 29:18

Aníng in aldáh ar slaqwara, nee giyeé nee tiqtír pu/i. Inooín ngiri adór gár ta waki tleéhh baraá waawuti'iima sleémeero ar yaamuwo. Inooín tari gár ta lu'umisi, nee gár waa/oo/amór huwahuuw nee gár ta waaqaaqai baraá xoordu sleémeero kudá' ngay guusi.

YEREMIA 34:17

Hám daxta, anuú AAKOÓ MUNGÚ a kah, As kuungá' aníng iwa iialooeesi'iiká, as lawaaleedá' kawa gwedi'iiká. Ar ló', aluuwo aníng kuungá' nu gweér, aníng kuungá' nu gweér as tunduwa tsu/i ar paánga, nee giyeé nee tiqtír pu/i. Aníng xoordu sleémeero i dae tsaát, qoomár birnga axaasiyé' tidá' ni tleehh.

YEREMIA 39:18

Anuú AAKOÓ MUNGÚ a káh, ar ló' án kuúng u ba/amís nee kuúng tu gaasiiká baraá slaqwaraaro. Gawaá adoorihe kuúng slafiingók u tú/, asma kuúng aníng ina harahhíf.› »

YEREMIA 42:17

Muu sleémeero kudá' gaa ístí tsaat tawa tlay Misri, tari baraadá' i hotaá áy, kin tsuu/ ar paánga nee ar qwari, nee ar tiqtír pu/i, tam panmoó meét i kaahh, laqaá tam oo wák oo kotsoqoót i kaahh dír amotlakweedá' hardaha.›

YEREMIA 42:22

Gawaá adoorihe, kaangwí xu'uti hhe'eesaak, amoosíng kuungá' hotaawo ta ilatleerusa' an qatlá' ar slaqwara nee qwari nee tiqtír pu/i.»

YEREMIA 44:13

Aníng múk yaamaá Misri un muúx adoodá' gixsár Yerusalemu ngira muúx ar slaqwara, nee ar qwari, nee ar tiqtír pu/i.

YEREMIA 45:5

Xáy kuúng muruú urén u leelehhíta? Muruusíng mu leelehhitaar, asma ga/aaweek, aníng amotlakwe ngin huúw gawaá daanduú muu sleémeero, ala aníng slafiingók u ba/amís baraá slaqwaraaro umuú dír ta keera.»

ESEKIELI 14:21

«Ala anuú Aakoó MUNGÚ a kah, qoomár bar Yerusalemu aga slaáhh ar muruuwí tsiyáhh oo sakwasleemar'eé' tidá' ló'wa xaraasl, ngiri sakwasleemuút ar slaqwara nee qwari, nee makaá xaraaslá' nee tiqtír pu/i, as muu nee makaywo ngiwa hhaamiis baraakae.

ESEKIELI 6:11

Aakoó MUNGÚ ina báy, «Tsa/i'i slahheek! Yaamu kala/eek tawa o', Tsaxwaahúng múk Israeli asma muruudá' tlákw taa tlehhahhité' sleémeero. Asma kuungá' a qatlá' ar paánga, nee qwari nee tiqtír pu/i.

ESEKIELI 7:15

«Heé tsee/aá gixsár i dirií' ku gaas ar paánga, nee baraá gixsaro tiqtír pu/i nee qwari muu ngun faakiyá'. Múk baraá qamu ta qaatl ar paánga, kudá' baraá gixsár i diriiá' kin hhaamiis nee qwari nee tiqtír pu/i.