YEREMIA 38:19 - Biblía Axweesantá Hhohho' ar Mungú 2004

¹⁹ Waawutmo Sedekia Yeremia guri báy, «Aníng mukduú Yahudi aa haragwaa' amór múk Kaldayo u daimiít, wané aluuwo aníng ti dir'ín i haniis, tiri slahh'eemiis.»

YEREMIA 38:19 Iomraidhean Croise

2 QOM'I 30:10

Aluuwo mukdá' iri tláy tari waaraáhh ar umuúqo gixsaro baraá yaamaá Efraimu nee Manase tay hardáh ay yaamaá Sebuluni. Ala muu inooín giri ló'wa waaqaseesén nee kina niqmís nee kina waaqaqaá'.

NEHEMIA 4:1

Sanbalati ngiwa axaás adór atén tar koo/ír tlehhitaán, iri ló'wa buúhh, tiri iimu/ún niqmisuuwo

YOBU 31:34

Asma boo/oó muu nguwa da'ayumiit, nee waaqaséngw mar'eefooeé' nguwa da'ayumiit, niri dir'eénií xasliít tari kilooeé' doó haratseék.

AXWEESANOÓ SAGALOOA 29:25

Muu bur da'ayumít a dát baraá tsaxwa Ala heé AAKOÓ MUNGÚ gu harahhiíf ku amohhoó'.

ISAYA 57:11

Xáy, heé kuungá' nu dae tlaáq a heemá? Tam lameemo kiri tlaqé', aníng iri insleeri'iiká, tam aníng iri meeré' baraá inslawayhunge. Aníng iimír aange aga dir'eéní xasliitiikáhe, nee an gár kuúng is ilaiwawa/ká doóqa.

YEREMIA 20:7

Aá AAKOÓ MUNGÚ, aníng iga al/ák, aníng al/aymaadá' ngiri ya/aám. Kuúng /uuru un koón ta ak aninge, kuúng aga baaliín. Tlaatla/aangw sleémeero aníng a heé ta waaqaseesen, umuú heewo in niqín.

YEREMIA 38:22

ga/aaweek, /ameena sleémeero tidá' taa geexáy baraá doó waawutmoó Yuda, kana huúw ay amór geeraharuusér waawutmoó Babuloni, i kat, ‹Waawutmo kwa al/aáy nee mulqeerós ar kilá' nee kuri baál, hám daxta inós aa /eét baraá buunqa, mulqeerós gwa baraadá' i geexeér.

YEREMIA 38:5

Waawutmo Sedekia iri oó', «Ga/aawaak, inós i gawaá dabaahúng, aníng kuungá' ila/aro nu aleeslawaaká.»

YEREMIA 39:9

Naagáy Nebusaradani geeraharusmoó xuumuuse mukdá' sleémeero aa meet baraá gixsár Yerusalemu guri huúw baraá yaamaá Babuloni, nee kudá' sleémeero naa amoorós i haragwaaiye' dinkwa nee kudá' sleémeero naa meetiye'.

Yohana 12:42

Ala tam adoorihe baraá mukdá' urene múk yaariír i deer oo Yesu gwa haratlintii'. Ala mukwí taa laqaniká, asma múk Farisayo, as mikiwa baynitís dír doó saaliingo.

HAR'OHUUSE 16:25

Muner'ín iwa ló'wa qwalá/ tana oó', «Samson ateetare' baraá doó tseegamooro, neetoorós a araán, i neeti áx u araán.» Naagáy Samson kuri ateetár áy baraá doó tseegamo iri geeraaín wa neét. Inooín nguna sihhtisiyé' dír tla/eeraá uheemaá tsár.

HAR'OHUUSE 9:54

Siiwadár kilae Abimeleki garmaadá' xooslarós ar slaqwara ga loohiís guri báy, «Paánga taataahheek, aníng gaasáng, muu matawa oó', ‹A /ameeni guna gás.› » Naagáy garmaadá' guri muút ar paánga, paánga iri bartaqár ti'ít, iri gwaá'.

1 SAMUELI 15:24

Saulo Samueli guri báy, «Tlakweema iga tleéhh, asma hara'ayár AAKOÓ MUNGÚ aga sii', tam axweesantók sleeme aga ilaiwa/iiká, asma muu una da'ayuút, afor'ín ngiri ilaiwaá/.

1 SAMUELI 31:4

Saulo heewós kudá' xosluuwós kudaá slaqwarár loohiís guri báy, «Paángarók tisíng taatahheek, aníng mutáng, ni gwaá', mukqá' taa hheehhe'eesiiká ló' aníng miwa gaás ar paánga, iri niqín.» Ala heedaádá' xooslaarós loohiís gwaa qiitliiká, asma ina da'ayuút kángw kilá' wa ale. Saulo paángarós gari taataáhh, gari qoomeés gawaawós, gari harahuú'.