YEREMIA 38:14 - Biblía Axweesantá Hhohho' ar Mungú 2004

¹⁴ Qoomarkaro waawutmo Sedekia gana slaá' tawa axweesi nee aarusmo Yeremia. Naagáy iri oó', «Yeremia huwaare' dír afkú tám oo Doó AAKOÓ MUNGÚ.» Tawa didá i dirii'i waawutmo Yeremia guri báy, «Yaahasarka a koóm, gaa tam gaalá ma duquumaar.»

YEREMIA 38:14 Iomraidhean Croise

2 SAMUELI 14:18

Waawutmo /ameenidá' gari mu/aywaáts iri oó', «Umuú gár niqo yaahasa ma duqumaar.» /Ameenidá' iri ó', «Axweesáng, aakooeé' waawutámo.»

1 WAAWITÁ 10:5

nee muruú /aymár baraá meésaarós, nee kiteeraá mukdá' urén, nee adór sagadiyuseerós ir gadiyus, nee adór tara tsiitiitín, nee adór ilahhooár da/a/aangw ngir hanmiisi baraá doo AAKOÓ MUNGÚ wa ale, inós iri hasl'amít, iri /araán.

1 WAAWITÁ 22:16

Ala waawutmo Mikaya guri báy, «Án kuúng u lo'ór /aymiis ar umuú AAKOÓ MUNGÚ sagaá waa magá' as looeema ngiwa o'?»

2 WAAWITÁ 16:18

Nee matla/angwdá' taa tleéhh as deelór Sabaáto, kudá' taa tleéhh baraá doó waawutmo, nee afkú do'duú dahmaá baraá doó AAKOÓ MUNGÚ, waawutmo guri hingeés dír doó AAKOÓ MUNGUHE as waawutmoó Ashuru.

2 QOM'I 18:15

Ala Ahabu iri oó', «Qoomár kuúng bar axwés ar umuú AAKOÓ MUNGÚ, gár lo' na kaahang. Xáy a sagaáwa magá' adoorí án ngiwa dirók i aaiim?»

YEREMIA 15:11

AAKOÓ MUNGÚ, axáy lo'or'ín án i /ak, barnaxes aníng kuúng ugwa sagadiyuusiiká ar muunuú /awaák, nee barnaxes aníng kuúng ugwa tsuwa firiimiiká as wakuuser'eé', qoomár kiwa baramaanuusi nee iwa baraá slahh'amií dirii'iya'.

YEREMIA 37:17

waawutmo Sedekia guri ateét, guri do'ós i dah'ís. Qoomár iwa do'ós i dirii'i, guri yaahaás ar naaqo, «Gám axweesantá ta koon ar amór AAKOÓ MUNGÚ daahh i deéro? Yeremia guri báy, «Eeít i deer.» Yeremia iri oó', «Kuúng tu qaas baraá dabaá waawutmoó Babuloni.»

YEREMIA 42:20

aga qwadé' nee slafingwhúng ugwa baraá tsaxwáy hubé'. Asma kuungá' aníng ina ya/abé' dír AAKOÓ MUNGÚ, Munguúhúng, tawa kata', ‹Ti aleefiriin dír AAKOÓ MUNGÚ, Munguúrén, tidá' niqo sa ooi, kuúng ngi ó', atén a tleehhaán.›