YEREMIA 37:7 - Biblía Axweesantá Hhohho' ar Mungú 2004

⁷ «Anuú AAKOÓ MUNGÚ, Munguú Israeli a kah, waawutmoó Yuda kudá' kuúng ugwa ya/aw as aníng iwa firiin, ku beer, ‹Ga/aaweek slaqwaruusér Farao tidá' naa hardat as kuúng uwa alee/is, i kí/ baraá yaamaá Misri, ayaaín kudá' ta dahhi.

YEREMIA 37:7 Iomraidhean Croise

2 WAAWITÁ 22:18

Ala waawutmooduú Yuda, kudá' kuungá' naa ya/aaw, as AAKOÓ MUNGÚ kuwa yaahasa', ku beera', ‹Adoorí an adór AAKOÓ MUNGÚ, Munguú Israeli i kaahi, daanduú /aymi'iidá' taa axasi'i,

2 WAAWITÁ 24:7

Waawutmoó Misri aa malé haratlayká amór yaamaá Yuda, asma waawutmoó Babuloni yaamu sleémeero kudá' aáng taa sawaawuti'ín nee waawutmoó Misri gina hayóh iimír yaaér Misrír wa tleemu ay yaaér Eufrate.

AXWEESANOÓ SAGALOOA 21:30

Sagalooa i káhh tam tsaahha i káhh sleeme, laqaá tam gurbua i káhh sleeme ar ta tleehhi a dimbé nee tidá' AAKOÓ MUNGÚ i slai.

ISAYA 30:7

Asma alee/isoó múk Misri a adór tawo nee kahhaay. Gawaá adoorihe aníng Misri ngiri báw ‹Umuuwók a dayshamoó aa xasliit.› »

ISAYA 36:6

Ga/aaweek, kuúng múk Misri una harahhíf, inooín a adór daaír aa qet, hee birnga i tliintií' gun dawa /ák, an adór Farao i dirii'i dír mukdá' gwa harahhifi.›

YEREMIA 2:18

Xáy hám daxta, gár ta sleera' a milá tawa /eté' baraá yaamaá Misri as ma'aá yaaér Nili kiwa wata', laqaá tawa Ashurúr keeré', gár ta sleera' a milá ma'aá yaaér Eufrate kiwa wata'.

YEREMIA 2:36

Ahaá waáy, gár tisa adoorír inslaahhés, tleehhmi'iiwók kis adoosír warqeemis? Tu mureekees nee múk Misri adoodá' tura mureekeés nee múk Ashuru.

YEREMIA 2:37

Nee slám ni amoodá' wa kí/ daba' kiwa gawaá ságw i qás as mure. Anuú AAKOÓ MUNGÚ kudá' kuúng ta haraxu' aníng iga sií', slám alee/isay'ín gár uwa bui i káhh, ala kuúng alee/iisaro u aleeslayká.

YEREMIA 21:1

Axweesantí an tidár AAKOÓ MUNGÚ ar Yeremia aa axaás qoomár waawutmo Sedekia, Pashuri garmoó Malkia nee kaahamusmo Sefania garmoó Ma'asea ngiwa ya/aáw amór Yeremia, kuwa bay,

YEREMIA 21:2

«Na'ás, ti aleefiriin dír AAKOÓ MUNGUHE, asma Nebukadnesa waawutmoó Babuloni slaqwara gaa iimu/ún daanduurene. Doóqa AAKOÓ MUNGÚ tlehhmuú waa/oo/amo gu tleehh, adoodá' ngur tlehhaahhiti, nee daqaní Nebukadnesa doóqa atén ti máy, iri tláy.»

YEREMIA 37:3

Waawutmo Sedekia Yehukali garmoó Shelemia dinkwa nee kaahamusmo Sefania garmoó Ma'aseya gina ya/aáw amór aarusmo Yeremia nguwa baya', «Atén ti aleefiriin dír AAKOÓ MUNGÚ, Munguúrene.»

YEREMIA 37:5

Slám askaárír Misri ar Farao nina ayaaín wa tleér, nee slaqwaruusér Kaldayo tidá' gixsár Yerusalemu ga harwet, adoorí ngiwa axaás, tari quútl.

YEREMIA 37:6

Naagáy axweesantá AAKOÓ MUNGÚ aarusmo Yeremia gari axaás i kat,

WA/AA/I 1:7

Gixsár Yerusalemu deeloodár slahh'amuuwose nee tiqtirose muruuwós kudá' tlaxo gawdén i koon iimír aange guri insleér, qoomár mukós iwa huuhu'ún gawaá dabaá wakuuseerós, nee heé gaa tuu/ i kaahh. Inós kari waaqaseesén nee wakuuseerós, kari niqín asma huuamaawós.

WA/AA/I 4:17

Ilaarén naa buqanumitiyé' as alee/isaay kuwa daamaramaan, baraá dal'amaayerene xoorór ba/amisaro ti aleeslawaaká ana daamaramaán.

ESEKIELI 17:17

Tí ar ló', waawutmo Farao dinkwa nee slaqwaruuseerós tidá' yaariire /iisaro gu aleeslayká dír waawtmoó Babuloniro, qoomár waawutmoó Babuloni koo/ir'ín birnga harweér as múk yaariír nguwa tsu/i.

ESEKIELI 29:16

Múk Misri ku malé harahhifiiká nee múk Israeli. Múk Israeli gay tsaahh adór tar dakuús múk Misri kuwa harahhifi, nee ngay tsaahhiyá' adór aníng tar Aakoó MUNGÚ.»

ESEKIELI 30:22

Gawaá adoorihe, anuú Aakoó MUNGÚ a kah, Aníng nee Farao ti araán, waawutmoó yaamaá Misri. Dabaawós tsaraawo in giqáw, kudá' hhoó' nee kudá' taa geeqayi. Nee aníng paángadá' gawaá dakós i dirii' an yaamií kwaáhh.