YEREMIA 37:21 - Biblía Axweesantá Hhohho' ar Mungú 2004

²¹ Waawutmo Sedekia hara'aya gari oó', Yeremia kuwa tseegi dír afeenidá xuumuuse i xumxaaxuun, nee kuwa mikaátér i hanimisi umuú deelooro nee mukdá' mikaátér tlehhahhiít ay dír mikaatedá' ii fak baraá gixsaadae. Naagáy Yeremia iri dír afeenidár xuumuusér wa hotaatín ay qoomár gixsár Yerusalemu kawa hayóh.

YEREMIA 37:21 Iomraidhean Croise

2 WAAWITÁ 25:3

Bál slahhángw tsiyáhh tawa gwaleél, qwari ina ló'wa tsimamiíhh baraá gixsaro, tam gár hee ir áfkwár kay iri qwát.

YOBU 5:20

Qoomár qwarko inós kuúng u ba/amis baraá tsaxwaá gwa'araaro, Tam baraá slaqwarár hhamhhame inós kuúng uqo tuu/.

WARA'AMI 37:19

Inooín ki mureekeesiiká qoomár tlaakwe, kureeraá giyeede inooín i /ayiná'.

WARA'AMI 37:3

AAKOÓ MUNGÚ haratlintieek, muruú hhó' tlehhiteek, daqaní a hót ar saxareema baraá yaamuwo.

AXWEESANOÓ SAGALOOA 16:7

Hotaá hee bar AAKOÓ MUNGÚ ngwa sla'atisiyé', tam nee wakuuseerós tiri slaiyá'.

AXWEESANOÓ SAGALOOA 21:1

Inslawoó waawutmo baraá dabaá AAKOÓ MUNGUHE a adór kutlá ma'aay, gun warqeemiis amór ngur slai,

ISAYA 33:16

Heé adoorí hotaawós i gawaá gawa, dirós tidá' amohhoo' kaa harweér ar koo/ír gawit ar tla/u, muruú /aymaarós kun hanmiis umuú daqto, nee ma'aá wahaangw gi baloó dakuusiiká.

YEREMIA 20:2

Naagáy Pashuri Yeremia guri muúx, nee guri tseék baraá peehhoó iló' dír afkuduú bihhaá gawa oo Benyamini baraá Doó AAKOÓ MUNGUHE.

YEREMIA 32:2

Qoomaarihe askaárír waawutmoó Babuloni gixsár Yerusalemu gana harwét, nee aarusmo Yeremia kwaa ilaá/ baraá matla/ángw doó xuuma, kuduú baraá doó waawuti'iimár Yuda.

YEREMIA 32:8

Naagáy garmoó maamáy'eé' Hanameli niri hardáh didár matla/ángw xuumuuse, adoodár AAKOÓ MUNGÚ ngira oó', iri báy, «Qaymor'eé' tidár baraá Anatoti tlaxweek, tidár yaamaá Benyamini, asma kuúng a hariín kawa tu/. Tlaxweek as tawa slaasláwarók.» Aníng ngiri tsaáhh adór tar axweesantá AAKOÓ MUNGÚ.

YEREMIA 33:1

Axweesantá AAKOÓ MUNGÚ Yeremia gana malé axaás, qoomár iwa dír afeenír xuumuuseérí kahhi.

YEREMIA 38:13

Yeremia nguri uuruxiyé' ar him'e, nguri duuxiyé' baraá hhalángw wa alé. Alaá tihe Yeremia iri hoót dír afeenidár xuumuusér wa ale.

YEREMIA 38:28

Yeremia iri hoót dír afeenidár xuumeesér wa alé ay baldá' gixsár Yerusalemu kawa hayóh.

YEREMIA 38:6

Naagáy Yeremia nguri /aytisiyé' baraá hhalángw Malkia garmoó waawutmo, hhalangwdú baraá doó xuumuuse, Yeremia kuri baraadá i /aytiís ar him'e. Baraá hhalangwdae ma'aay i kahhiyá', a har baa/í kilós. Yeremia iri /eét baraá baa/i.

YEREMIA 38:9

«Waawutámo, aakooeé', mukwí adór tlaakw gaa tleéhh, aarusmoodá' ta bay Yeremia ngwa /aytisiyé' baraá hhalaangw, heeqá' i gwaa' qwarko, asma muruú /aymár aa baraá gixsárí meet i kaahh.»

YEREMIA 52:6

Bál slahhángw tsiyáhh tawa gwaleél, qwari ina ló'wa tsimaamiíhh baraá gixsaro, asma muruú /aymár mukós i /ayi iwa faák.

WA/AA/I 5:10

Atén ana tsi/imitaán adór bohóngw asla, asma qwari tiwa dá/.

Matayo 6:33

Ala waawuti'iimarós na geerií leelehhaak, nee gan'amuuwose, daqaní muruusuú hatlá' kungu dook.

Tlehhema'aá ya/Abuuse 12:5

Petro kuna xún baraá doó tseegamór wa ale. Ala múk kríshaanáy Mungú guna firín ar ilakaaharu as inós.

Tlehhema'aá ya/Abuuse 24:27

Kureeraá tsár niwa waarahhiyé', Porkio Festo waawuti'iima gana kitángw Felísí wa óh. Felíki Paulo guri geexáy baraá tseegamo, as múk Yahudi nguwa ilaá hhó' i tleehhi.

Tlehhema'aá ya/Abuuse 28:16

Tawa dahaán baraá yaamaá Roma, Paulo pa/aangw guri sláy oo iwa hooti dír doó inós tawa kilós, inós nee askaarmoodá' gu xuúm.

Tlehhema'aá ya/Abuuse 28:30

Paulo do'dá' aa hoót, inósuú kilá' guna bu'ún, iri hoót didá' wa ale kureeri tsár. Muu sleémeero kudá' aa amoorós kakay guri dahi'imís.

Efeso 4:1

Aníng kuungá' nun ló'wa firiiriím, aniíwí taa tseék as Aako, hooté' ar adoodá' hariím as ateetamoodá' Aako kuungá' nura ateét.

Efeso 6:20

Aníng a ya/abusmoó Ya/abtoorí hho', ala tam taa tseegi. Gawaá adoorihe, án aleefiriirimaaré' as Ya/abtoorí hho' ngi axwees ar pihh'uuma adoodá' aníng wá hariim.

2 Timoteo 1:8

Aakoorén lamabu'uungo mu sa murumiitaar, tam anuúwí taa tseék as inós mi sa murumiitaar sleeme. Ala burtu slahh'eemiis asma Ya/abtór hho', kuúng qiítl adoorír aníng wa ale, ar /uuruú Mungú.

2 Timoteo 2:9

Aníng tin slahh'eemiis as Ya/abtoorí hho', slám taa tseék tawa adór heé tlaákw. Ala axweesantá Mungú kaa tseegiiká.