YEREMIA 37:17 - Biblía Axweesantá Hhohho' ar Mungú 2004

¹⁷ waawutmo Sedekia guri ateét, guri do'ós i dah'ís. Qoomár iwa do'ós i dirii'i, guri yaahaás ar naaqo, «Gám axweesantá ta koon ar amór AAKOÓ MUNGÚ daahh i deéro? Yeremia guri báy, «Eeít i deer.» Yeremia iri oó', «Kuúng tu qaas baraá dabaá waawutmoó Babuloni.»

YEREMIA 37:17 Iomraidhean Croise

1 WAAWITÁ 22:15

Naagáy Mikaya iwa hardáh dír geeraá waawutmo, waawutmo guri yaahaás, «Xáy, Mikáya, a slaqwarár awaána amorqár Ramot-Gileadi laqaá daqawanaaká?» Inós iri oó', «Tláw slaqwara aweek, asma AAKOÓ MUNGÚ ngi gawaá dabaawók i qaas.»

1 WAAWITÁ 22:16

Ala waawutmo Mikaya guri báy, «Án kuúng u lo'ór /aymiis ar umuú AAKOÓ MUNGÚ sagaá waa magá' as looeema ngiwa o'?»

2 WAAWITÁ 25:7

Aluuwo daaqaywós kuri tsuú/ dír ilaawós wa alé, inós sleeme kuri ila' tu/ún, alhhe'eesayhe nguri daba' tseegiyé' ar piíngu, nguri huwiyé' ay Babuloni.

YEREMIA 15:11

AAKOÓ MUNGÚ, axáy lo'or'ín án i /ak, barnaxes aníng kuúng ugwa sagadiyuusiiká ar muunuú /awaák, nee barnaxes aníng kuúng ugwa tsuwa firiimiiká as wakuuser'eé', qoomár kiwa baramaanuusi nee iwa baraá slahh'amií dirii'iya'.

YEREMIA 21:7

Anuú AAKOÓ MUNGÚ an kah, «Aluuwo kuúng Sedekía, waawutmoó Yuda, sagadiyuuseerók nee múk baraá gixsarí diriia, kudá' pu/i a meetís nee qwari nee slaqwara, aníng in haniís baraá dabaá waawutmo Nebukadnesa oo Babuloni, nee baraá dabaá wakuuserhúng, tidá' kuungá' nu slakaat. Kuungá' Nebukadnesa nun tsuu/ ar paánga, nee nu baloó gurtlayká, laqaá nu geemayká, laqaá nu ilamuruutiiká, anuú AAKOÓ MUNGÚ tí an káh.»

YEREMIA 24:8

«Anuú AAKOÓ MUNGÚ a kah, ‹Adoodá' /aantsír aa hhiturut /ayma ngir ya/aandaaká, an adoodá' ni tleehh dír waawutmo Sedekia oo Yuda, nee geeraharuusedár hatlá' dinkwa nee mukdá' sleémeero aa meet baraá yaamaá Yerusalemu, tam nee kudá' taa loohatisi baraá yaamaá Misri.

YEREMIA 25:35

De'eemuse dír i gop i káhh, laqaá geeraharuusér bee/aangw amór tay gowi i káhh.

YEREMIA 37:3

Waawutmo Sedekia Yehukali garmoó Shelemia dinkwa nee kaahamusmo Sefania garmoó Ma'aseya gina ya/aáw amór aarusmo Yeremia nguwa baya', «Atén ti aleefiriin dír AAKOÓ MUNGÚ, Munguúrene.»

YEREMIA 38:5

Waawutmo Sedekia iri oó', «Ga/aawaak, inós i gawaá dabaahúng, aníng kuungá' ila/aro nu aleeslawaaká.»

YEREMIA 52:8

Slaqwararuusér múk Kaldayo waawutmo Sedekia guri aluú wa gús guri aleesleér dír xatstá Yeriko, slaqwaruuseerós sleémeero guri geexeér tari tlatlaáhh.

ESEKIELI 7:26

Amotlakwe i baloó lakitká, muruú tlákw ti alkoomaakón hardahmuuwo. Iigu'utu ngun leelehhiyá' dír aaruuseero, kaahamuuse dabe ga xu'ká, hara'aya dír bariiseero i káhh.

FAARO 23:17

Naagáy Bala'amu iri kií/, Balaki guri didií áy, aa sihhiít dír bihhaá ilahhooarós tidár da/a, ta dinkwa nee geeraharuuse sleémeero ar Moabu. Balaki iri oó', «AAKOÓ MUNGÚ gár ugwa báy a milá?»

Marko 6:20

Asma Herode Yohane gu da'ayumiit, asma ga xuu' adór tar heé hota ganaá', nee oo hhoohhoó' dír Munguhe. Inós guna amohhe'eemiís asma mukuwa gaás. Axweesantá Yohane gana axamiís ar qwal/amaaye, ala axweesantadaádá' inós guri sakwasleemút.