YEREMIA 37:15 - Biblía Axweesantá Hhohho' ar Mungú 2004

¹⁵ Geeraharuusedá' mune gari tsú/ dír Yeremia kuri muúx, nguri dahaasiyé' baraá doó tseegamo. Do'oduú goousmo Yonatan kudá' taa doó tseegamo tleéhh.

YEREMIA 37:15 Iomraidhean Croise

IIMU/UUNGW 39:20

Potifa Yosefu guri óh, guri huúw baraá doó tseegmo, didá' waawutmo i mukós i tsegaagiti. Inós iri baraá doó tseegmór wa hoót.

2 QOM'I 16:10

Axweesantír iigu'utusmo Hanani waawutmo Asa guna buhhtís, Hanani kway dahaás baraá doó tseegamo kway ya'a' tsegiít ar peehhoó iló'. Qoomaadár kilae waawutmo Asa muu bahh ale gway iimu/ún slahh'emisuwo.

2 QOM'I 18:26

Inooín ki beera', waawutmo ina oó', ‹Heesíng tseegaak, muruú /aymár niiná ti hanmise' nee ma'aay kilooín, ay dír aníng nay waatl ar wayda baraá slaqwaraaro.› »

YEREMIA 18:23

Ala AAKOÓ MUNGÚ, kuúng adoodá' ta qoomeemesi as iwa gaasár wa slaya' a xú'. Tlakweemaaín mi gurtlawaar, laqaá tlakweemaaín mi hingeesaar dír geeraawoge, inooín ki arba/i dír geeraawoge. Qoomár bara búhh inooín haraganaaeek.»

YEREMIA 26:16

Naagáy, geeraharuuse nee muu sleémeero, kaahamuusér Mungú nee aaruuseero kiri báy, «Heewí dakuúsár aa tleéhh ar iwa gaasár wa harin i káhh, asma nina dirén i axweés ar umuú AAKOÓ MUNGÚ, Munguúrén.»

YEREMIA 32:2

Qoomaarihe askaárír waawutmoó Babuloni gixsár Yerusalemu gana harwét, nee aarusmo Yeremia kwaa ilaá/ baraá matla/ángw doó xuuma, kuduú baraá doó waawuti'iimár Yuda.

YEREMIA 37:20

Hám daxta, aníng kuúng un firiím, iia qaaseek, aakooeé' waawutámo, aníng mi malé baraá tseegamór i ki/isar, baraá do'odú goousmo Yonatan asma aníng a baraadií gwaá.»

YEREMIA 37:4

Yeremia i amór múk kaakáy, asma qoomaadae kwaa tseegiiká.

YEREMIA 38:26

Daqaní kuúng ki beer, ‹Aníng waawutmo una fiririím as mitiwa ki/ís baraá tseegamo amoodár doó Yonatan as mawa amoodá' i gwaá'.› »

YEREMIA 38:6

Naagáy Yeremia nguri /aytisiyé' baraá hhalángw Malkia garmoó waawutmo, hhalangwdú baraá doó xuumuuse, Yeremia kuri baraadá i /aytiís ar him'e. Baraá hhalangwdae ma'aay i kahhiyá', a har baa/í kilós. Yeremia iri /eét baraá baa/i.

YEREMIA 39:15

Axweesantá AAKOÓ MUNGÚ iri hardát dír Yeremia qoomár iwa baraá tseegamór i dirii'i dír afeenidár xuumuuse, i kat,

Matayo 21:35

Ala doosluuseedá' sagadiyuuseedá' gari ohiín, oo wák kuri muúx, oo hatlá' kuri gaás, nee kuqá' kuri tlaquút ar tlaa/e.

Matayo 23:34

«Gawaá adoorihe xumiisé'. Án aaruuse ngi amorhúng i ya/aáw nee múk sageloene, nee intsaahhatuuseero. Inooín bahh'alé kuungá' i tsu/á', bahh'alé i kiki'iindá', bahh'alé i muxá' baraá maraá saalingwhunge, nee kiwa gusisiinda' baraá umuúqo gixsaro.

Luka 22:64

kuri ila' tuuntukún, kuri yaahamiís kuwa babay, «Kuúngusuú aarusmo, ooang, heé kuúng ugwa slaahh a heemá?»

Yohana 18:22

Yesu adoorí ooaro ngiwa hhe'eés, xuumusmooko wák oo didá' wa sihhmiít, Yesu guri tlaaqarmo slaáhh, iri oó', «Kaahamusmoó úr oo Mungú mus qítl adoosíng beemuuwo?»

Tlehhema'aá ya/Abuuse 5:18

ya/abuuse kari ohín, kari dahaás baraá doó tseegamo.

Tlehhema'aá ya/Abuuse 5:28

«Atén kuungá' naa ló'wa hara'ayiimániíke niwa kaahaan kuungá' ma intsaahhatimisara' ar umuuwí. Ala hám qaytsité', intsaahhatimisuuhúng Yerusalemu gaa dalaá/, nee kuungá' tseerér heehúng kudá' ngi gawaarén i huwtá wa sla'á'.»

Tlehhema'aá ya/Abuuse 5:40

Ya/abuuse kari ateét, kari muúx, kari hara'ayín matawa axweés ar umuú Yesu. Kiri geemáy, tari tláy.

Geehhoeemaá 2:10

Slahh'amaayeedá' kuúng ta sleer ma da'ayuutaar. Ga/aaweek, Neetlaangw kuungá' bahh'alé nu tsegiit baraá doó tseegamo, as tunduwa iiari. Nee kuungá' slahh'amu u sleerá' deelo mibaangw. Kuúng masók tu inkihhím tam ay gwa'ara, daqaní aníng slamángw slafiingw ngu haniís.