YEREMIA 37:13 - Biblía Axweesantá Hhohho' ar Mungú 2004

¹³ Qoomár iwa dír Afkú dahma oo ta bay, «Benyamini» xuumusmoó wák oo ta bay Iriya garmoó Shelemia garmoó Hanania, Yeremia guri óh, guri báy, «Kuúng an /akumít as tawa haraagwa' amór slaqwaruusér Kaldayo.»

YEREMIA 37:13 Iomraidhean Croise

YEREMIA 18:18

Naagáy muu iri oó', «Qwalaasé', Yeremia u garkaárí tleehhaán, asma atén kaahamuusér Mungú ar ti intsaahhatimis a dakuusanaaká, nee múk sageloén oo ti gurbuú', nee aaruusér axweesantá Mungú alki/iita. Qwalaasé', u sakwasleemutaán ar axweesantós ar kilá', axweesantós tidá' i kaahi mawa iiárií qaasaán.»

YEREMIA 20:10

A axamiís muu iwa saasahhan daanduueene, aníng taa umií tsaát i babaya', «Dae tlaqa umuú bihhiwo.» Bahh'alé ta kaahi, «Tlawsé', sakwasleemutaak! Qwalaas, u sakwasleemutaán!» Mulqer'eé' sleémeero i daamaraán iwa kat, «Doóqa i tapiis, atén daqaní li/aay un buaán.»

YEREMIA 20:2

Naagáy Pashuri Yeremia guri muúx, nee guri tseék baraá peehhoó iló' dír afkuduú bihhaá gawa oo Benyamini baraá Doó AAKOÓ MUNGUHE.

YEREMIA 21:9

Heé baraá gixsarí meét ku gaas ar paánga, laqaá qwari gun gaas laqaá pu/i gun gás. Heé aa tsee/ií ti'iit, dabaawós giri haniís dír múk Kaldayo, kudá' gixsa ngaa harweeriye', heewí ku gaasiiká, eeít slafiingós gu tuu/.

YEREMIA 27:6

Hám daxta yaamuuká sleémeero iga haniís dír sagadiyusmoeé' Nebukadnesa, waawutmoó Babuloni, tam sleeme makaá sla/a iga haniís as nguwa sagadiyuusiya'.

YEREMIA 28:14

Anuú AAKOÓ MUNGÚ Aleesleemusmo, Munguú Israeli an kah, ‹Aníng taaqwantá muqsli ar lawaali'iima aga qaás gawaá isaá xoordu sleémeero, inooín waawutmo Nebukadnesa oo Babuloni ngu sagadiyusiyá'. Slám ugwa makaá slá/tí haniís as ngiwa sawaawuti'in nee nguwa sagadiyuusiya'.› »

YEREMIA 36:12

inós iri tláy amór doó waawutmo baraá kutuwidár goouuse, nee geeraharuuse sleémeero aa baraadá' i iwít. Inooín an goousmo Elishama, nee Delaya garmoó Shemaya, Elnata garmoó Akbori, nee Gemaria garmoó Shafani, nee Sedekia garmoó Hanania, nee geeraharuusér hatlae.

YEREMIA 38:1

Shefatia garmoó Matani nee Gedalia garmoó Pashuri, nee Yukali garmoó Shelemia, nee Pashuri garmoó Malkia, axweesantadá' Yeremia aa oó' dír muu sleémeero ngina axaasiyé', iwa oó'.

YEREMIA 38:4

Geeraharuuse waawutmo guri beér, «Heewí gár kuwa hariím a gaasa, asma i slaqwaruusér diqiya' tlaaq nee mukdá' aa baraá gixsarí meeti. Baraá axweesanaywós kwihe inós mukwí gu hhooárí slaiiká, ala gár ngwi slai a amotlakwe.»

YEREMIA 38:7

Ebedmeleki kudaádá' taa karmúy oo Kushi kudá' gadiyuús baraá doó waawutmoó wa aleeró, inós gana axaás adór Yeremia kura /aytiís baraá hhalaangw. Qoomaarihe waawutmo aa iwiít dír afkú gixsa kudá' ta bay Benyamini.

WA/AA/I 4:18

Wakusmo tina digir deliít, hi'iitanór baraá lohduurén kari harslaaqataán, alhhe'eesayrén niri tseewúy, deeloorén faaro gari ya/aán, asma alhhe'eesayrén naa hardáh.

AMOS 7:10

Aluuwo kaahamusmo Amasia oo gixsár Beteli afo gari ya/aáw amór waawutmo Yeroboamu oo múk Israeli, iwa kaahi, «Amos kuúng un safoliit dír mukwí alé, axweesanaywós kwí saqitluuwo u aslawanaaká.»

SEKARIA 14:10

Yaamu sleémeero kiri warqees tay adór xatsa iimír Gebár wa tleemu ay Rimoni bihhaá Yerusalemu awa basa. Ala gixsár Yerusalemu iri gáwtí mét dirós tidá' i diri', iimír Afkú Benyamini wa tleemu ay dír afkudá' taa geerií tleéhh, ay dír afkudá' koo/i niwa warqeér slám iimír /Aampár Hananelír wa tleemu ay didá' sabiíbuú doó waawutmo kuwa tsoo/aa/iti.

Luka 23:2

Kuri sakwasleemuút ta kaahi, «Heewí una araán iwa xooroorén sageqwaaremisi, asma i múk ila/án oo koódír hanmiís dír waawutmoó múk Roma, slám i kaahi, ‹Aníng a Kristo, waawutmo.› »

Tlehhema'aá ya/Abuuse 24:13

Tam kangwqá' aníng iwa sakwasleemuutiya' looeemaawós laqaamaro ngi aleeslay'aaká.

Tlehhema'aá ya/Abuuse 6:11

Mukko kuri sluúk as tawa ooi, «Heewí ugwa axaasaán, i Munguú /ooslislín nee axweesanoó Mosewo.»

2 korinto 6:8

Nee slám atén ti adoodár laqaqaamaán barnaxes muu ti xirfayeemiis, laqaá barnaxes ti mureekeemiis, nee barnaxes ti muruú tlákwií káh, laqaá barnaxes a muruú hhó'. Atén tiwa xui nee muu, a lamuuse, ala laatí atén a múk looeemaá káh.