YEREMIA 36:9 - Biblía Axweesantá Hhohho' ar Mungú 2004

⁹ Kurkú kooán oo waawuti'iimár Yohayakimu garmoó Yosia, waawutmoó Yuda, qoomár slahhángw gwaleél, muu sleémeero oo Yerusalemu, nee muu sleémeero oo baraá gixsadaá Yuda daáhh, tana burumburiít baraá Yerusalemu, dír Doó Mungú as tawa gwaawin.

YEREMIA 36:9 Iomraidhean Croise

2 QOM'I 20:3

Yehoshafati iri ló' wa da'ayuút, AAKOÓ MUNGÚ guna ló'wa firín nguwa gan'aasi. Afo gari ilahariís dír muu sleémeero oo yaamaá Yuda as tawa gwaawin.

NEHEMIA 9:1

Bál slahhangwduú kilá' tawa mibeeri tsár nee tsiyáhh, múk Israeli tari burumburiít as tawa gwaawin gunaydu ngaa tsiitiyé' nee sage kari hhapeérár slikín.

ESTA 4:16

«Tláw, múk Yahudi sleémeero oo diirír Susarí dirií' burumbureek, ta gwaawiindá' as aníng. Ma /ayimaara' laqaá ma gaa wahaara' har afiqoomár deelo tame, xweera nee tlaatla/aango. Aníng nee sagadiyuuser'eé' a gwaawimaán sleeme, daqaní niri dáh amór waawutmo adoodá' dabe i sla'aká, ar naa hamat bar gwa'ara ni gwaá'.»

YEREMIA 36:1

Kurkú tsiyáhh oo waawuti'iimár Yehoyakimu, garmoó Yosia waawutmoó Yuda, Yeremia axweesantír AAKOÓ MUNGÚ gana axaás, i kat,

YEREMIA 36:22

Qoomaadá' a slahhángw gwaleél, qoomaadae waawutmo i asltá axwaanemamiis baraá do'ós wa alé, asma a qoomár tsaaqwa.

YEREMIA 36:6

Kuúng an baraá Doó AAKOÓ MUNGÚ i tleér baalaadár gwaawitooro, as muu kuwa axweesantadár AAKOÓ MUNGÚ i soomus, tidá' naa dirók i káh nee kari gooiín baraá kitaábu. /Aymi'iiká' ki soomús sleeme dír múk Yuda kudá' baraá gixsaduín dahhá'.

Yoeli 1:13

Guniyadu tsiitaak ta tsuunqumisá', kuungaásingaá kaahamuusér Mungú. /Aa/amiimé', kuungaásingaá sagadiyuusér kitángw ilahhooa. Tlawsé' baraá Doó Mungú, guniyadu tsiitaak, tsuunqumisé' xweera sleémeero. Asma ilahhooár balaangw nee ar muruú wahaango baraá Doó Munguhe aa fák.

Yoeli 1:14

Muu ádbawaak i gwaawin, dinku'uumár saaliingw ateetaak. Bariise nee yaamuloouuse sleémeero ar Yuda buruumburaak, ta tlay amór Doó AAKOÓ MUNGÚ, Munguúhúng, nee AAKOÓ MUNGÚ kuwa baraadá' wa ii/aa/amiinda', tawa kata',

TLAHHOÓ LAÁWI 23:27

«Bál slahhángw faanqw bar mibaangw a baalár haraki/isa. Baalaasíng an baalár dinku'uumár hhoohhoo' kawa tlehha'. An gwaawiindá', nee ilahhooár da/a kari hanisá' dír anuú AAKOÓ MUNGÚ.

YONA 3:5

Múk Ninewi Mungú kuri ya/án, kángw tawa gwaawin kuri alki/iít, tlabaá gwadidiingw kiri tsitiít, múk urén nee na/iiwo.

SEKARIA 8:19

«Gwaawitór slahhángw tsiyáhh, nee ar slahhángw kooán, nee ar slahhángw faanqw, nee slahhángw mibaangw, a deelór tawa naagisi qwala/ nee bar/uuwo, nee a deelór ur dír múk doó Yudawo, gawaá adoorihe looeema nee wayda sla'aak.»

HAR'OHUUSE 20:26

Xoorór Israeli sleémeero nee muu sleémeero tari tsa/án Beteli, tay tsuunqumiís amoodá' wa ale, tay gwaawín ay tsiindo, nee AAKOÓ MUNGÚ nguwa i /aa/amina'. Ilahhooár da/a, nee ilahhooár wayduuwo kari haniís dír AAKOÓ MUNGÚ.

1 SAMUELI 7:6

Xoorór Israeli iri burumburít baraá Mispa, ma'aay kiri hheék, kiri ku'umiís dír geeraá AAKOÓ MUNGÚ. Baalaadae tari gwaawín, nina ooiyé', «Tlakweema iga tleehhaán dír AAKOÓ MUNGUHE.» Samueli qaa/oó múk Israeli guri baraadaá Mispár wa tlaáq.