YEREMIA 36:7 - Biblía Axweesantá Hhohho' ar Mungú 2004

⁷ Doóqa firor'ín AAKOÓ MUNGÚ ga axaas nee umuú heewo dooqa tlehhmi'iiwós kudá' tlakw gi máy, asma AAKOÓ MUNGÚ buhhtaá yaariir nee xarasleemaawo gaa qaroó oó' daanduú mukwihe.»

YEREMIA 36:7 Iomraidhean Croise

2 WAAWITÁ 22:13

«Tlawsé' AAKOÓ MUNGÚ yaahasaare', as aníng nee muu sleémeerowo nee múk Yuda sleémeero, nee as daanduú /ayma'aá baraá kitaábuwí taa sláy, asma buhhtaá AAKOÓ MUNGÚ ki ur direne, asma baabi'iirén adór kitaábuuwí i kaahi nga iialooeesi'iiká, nee tidá' taa gooín sleeme nga boo/eesi'iiká.»

2 WAAWITÁ 22:17

Asma aníng iga geexayé', munguaá hatlá' ngaa mooyángw tsuú' i da/iyé', aníng iga buhhtisiyé' ar gadiyér dabaaín sleémeero. Gawaá adoorihe, aníng iga i daa/atúw buhhtaawo, nee i baloó tsauya'aaká.

2 QOM'I 34:21

«Tlawsé', AAKOÓ MUNGÚ yaahasaare' as aníng, nee as mukwí aa meet baraá Israeliro nee Yudawo, daanduú axweesanoó baraá kitaábuú dabe taa sláy, asma AAKOÓ MUNGÚ aa daa/atúy buhhtaawo as atén, asma baabi'iirén axweesantós ngaa ya/ani'iiká ar adoodá' ir qoon kara gooín baraá kitaábuuwí.»

YEREMIA 1:3

Slám Yeremia axweesantí gana malé axaás de'emaá Yehoyakimu garmoó Yosia waawutmoó Yuda. Ina kumiít axamisuuwo ay alhhe'eesoó kurkú mibaá nee wak oo waawuti'imár Sedekia, garmoó Yosia waawutmoó Yuda, tam ay slahhángw kooán qoomár múk Yerusalemu kuwa loohatís.

YEREMIA 16:10

Qoomár bár kuúng /aymi'iiká' sleémeero iga dír múkwí ó', inooín kuúng turi yaahaas tawa kaahi, ‹Ahaá waáy, gár AAKOÓ MUNGÚ atén tis i xaraasli? Dakumisuurén a milá? Ahaá tlakweemaá taa AAKOÓ MUNGÚ, Munguúrén i tleehhaán a milá?› »

YEREMIA 19:15

AAKOÓ MUNGÚ Aleesleemusmo, Munguú múk Israeli, i kaahi, «Qaytsiít aníng muruudá' tlákw naa axweemamiís daanduú gixsarihe nee ayeemaá inslaawaywós sleémeerowo ngu huúw, asma inooín sager'ín ngina gawdeesiyé' nee axweesante'eé' ngi axamisiiaaká.»

YEREMIA 21:5

Anuú kilá' ar buhhtaaeene nee kuungá' an slaqwaán ar dakw'eé' oo naa amorhúngií gan'aás, nee oo /uuruú koóm. An slaqwaán ar xaraasleema nee buhhtaá ló'wa ur.

YEREMIA 25:5

Tunduna babáy, ‹Umuú heewo tlehhimi'iiwós kudá' slasla/aren nee kudá' tlakw ngi may, as daqaní kuungá' tawa hota' baraá yaamuudá' AAKOÓ MUNGÚ naa kuungií haniís, nee baabi'iihúng, iimír aáng wa alé, as kiwa ala' kureerisleém.

YEREMIA 26:3

Doóqa inooín sleémeero ta axaas, nee tlakweemaaín kiri máy. Adoorí birnga tleehhiyé' daqaní inslaway'eé' daanduú amotlakwér ni huwa as tlehhmi'ii'ín kudá' tlakw naa tlehhaahhitiyé' u warqeés.›

YEREMIA 36:3

Doóqa múk Yuda amotlakweedá' ni dir'ín i tleehhár wa slaa' ka axaas, as umuú heewo tlakweemaawós ngiwa may as kahhó' án dakuúsar'ín nee tlakweemaine ngiwa gurtlaw.»

YEREMIA 37:20

Hám daxta, aníng kuúng un firiím, iia qaaseek, aakooeé' waawutámo, aníng mi malé baraá tseegamór i ki/isar, baraá do'odú goousmo Yonatan asma aníng a baraadií gwaá.»

YEREMIA 4:4

Kuungásingá' múk Yuda nee yaamuloouusér Yerusalemu, munerhúng hheehhe'eesaak. Bar adoorí aga tlehhi'iiká, buhhtaeé' i daa/atuyá' adór gil'ór asla, i oohiyá' ala heé gaasaro gi aleesláw i kaahh, asma tlakweemaá kuungá' taa tlehhé'.»

YEREMIA 42:2

tari amór aarusmo Yeremia káy, nguri bayé', «Na'amaamís, firoorén iiárií qaaseek nee ateéká' aga meetaan ti aleefiriin dír AAKOÓ MUNGÚ, Munguúwoge, (Asma atén aáng ti ló'wa úr, ala hám a peeroó tawo, adoorí hamí kuúng kar ga/eera.)

WA/AA/I 4:11

AAKOÓ MUNGÚ xarasleemaawós ngina laqán, buhhtaawós giri ku'uús, gixsár Siyoni gay ásltí oohiís, tam ihhafiirír gixsa gari /ák.

ESEKIELI 12:3

«Inooín a múk aa dee/anumiit. Gawaá adoorihe, heewí, gimáy, adór heé lóh tleehheek, tláw qoomár inooín bir kuúng ga/ayá', ta góp dír hatlá' i aleeró. Tláw adór heé aa tlatlaahh dirkár wa alé ay dír hatlá' geeraá ilaaín wa alé. Dooqa ngi tsaahhiyá', tam inooín a múk aa dee/anuuti.

ESEKIELI 13:13

«Gawaá adoorihe, anuú Aakoó MUNGÚ a kah, ‹Asma daanduú buhhtaeene aníng bambaao nee tluwoó tlaa/e oo úr ngu huúw, nee koo/i kari yaamií daahh.

ESEKIELI 20:33

«Adoodá' aníng nir hotaatima, anuú Aakoó MUNGÚ lo'o aga /aáy, ana oó', ‹Aníng kuungá' nu sawaawuti'iím ar dakw'eé' oo ló'wa /uuruú koóm ar xarasleema, nee nuri i buúhh.

ESEKIELI 22:20

Adoodá' muu muqslár peésa, nee muqslaadá' sirda/aten nee harsaási, nee muqsla, nee muqslár baáti ngir burumburaarin kari dahhas baraá asla, as kawa hamaatli kari hhoohhoees ar asla, an adoodá' sleeme aníng kuungá' nur burumbuur ar buhhtaeé' nee xarasleemaaeé', as nuwa baraá ásltí qaas, nee nuwa weeqatis.

ESEKIELI 5:13

«Adoorí an adoodá' buhhtaeé' nir faakiya'. Aníng muner'eé' daqaní i tsauúr nee muunaáeé' iri qwalaa/. Diirihe kuungá' kari tsahhá' adór anuú AAKOÓ MUNGÚ, nura sakwasleemuút, asma aga buúhh ló'wa ale as kuungá' tawa inkihhimu waslesé'.

ESEKIELI 8:18

As daanduú muruuwihe aníng inooín in i xaraásl. Hee tumu wák i kotsoqotiiká, laqaá guruueé' i baloó tlayká. Tam i /a/aminá' ar afór ur, aníng i baloó axaasaaká.»

DANIELI 9:13

Atén kuúng taa múx ar adoodá' kara gooín baraá dabér Mosewo, ala tam hamí, aá AAKOÓ MUNGÚ, Munguúrén, gurtleemuuwók ugwa firimaniiká as tlakweemaarén kiwa mawaan, nee looeemaawók iga eeharaniiká.

DANIELI 9:18

Aá Munguúeé', iia qaaseek, qaytsiít slahh'amuú ta koomaan, nee adór gixsarí taa umuuwók ar ateét ir slahhaahha'. Gár atén kuúng us firirimaan a gan'amuureneeká, ala a as gurtleemuuwók oo yaariír.

HOSEA 5:15

Aníng an kií/ dír kitangw'eé' tin paraátl dir'ine, ay dír tlakweemaaín ngay gwadidina' aníng iri leelehhtuú ayá', slahh'amu giri intsaahhatis aníng iri leelehhiyá' tawa kaahi.

Yoeli 2:12

AAKOÓ MUNGÚ i kaahi, «Ala tam hamí, amor'eé' ki/aare' ar munerhúng sleémeero, nee ar gwaawito nee ar /aa/e, nee ar tsuunqumis.

Yoeli 2:13

Tlabaahúng mi feehhamisaara', ala munerhúng na warqeesaak.» AAKOÓ MUNGÚ, Munguúhúng, na i waya'aak, asma inós ku gurhhoó', slám i gurtleemuú kón, ku inslahheeká buhhtaawo, i haats sla'aarír warqawaakahe. Tam sakwasleemadá' aa oó', ga ya/án meemuwo.

YONA 3:8

Ala muu nee makaywo tlabaá gwadidiingw ki tsiiti. Inooín Mungú ku i /aa/i ar afór ur, nee ta warqay, umuú heewo loohirós tidá' tlaakw ngi may, nee tlehhmi'iiwós kudá' tlakw.

SEKARIA 1:4

Kuungá' ma adór baabi'iihúng tleehhitaara', kudá' aaruuseedár aáng aa beér, lohduuhúng kudá' tlakw mawaak nee tlehhmi'iihúng kudá' tlakwe.› Ala naa axasi'iiká, tam anuú AAKOÓ MUNGÚ iga ilaiwa/i'iiká.

DABE 31:16

AAKOÓ MUNGÚ Mose guri báy, «Kuúng daxta deeloorók ar tawa kahhut naa tseewuúr, nee alaá bara gwá', muu aníng i geexáy, nee munguaá hatlá' kiri eehaar awa baraá yaamuudá' tay hotaá ay. Aníng i geexayá', nee alqador'eé' ngiri geexayá', tidá' nee inooín taa tleehhaán.

DABE 31:17

Baalaadae aníng inooín ngiri i daa/atúw buhhtaawo, aníng ngiri geexáw, ngiri alaá xu'ús, inooín kiri hhaamiis. Slahh'amaayér yaariir giri sleér, nee ngiri tsaahhiyá' adór gár slahh'amuudá' ngusa slayé' a as Munguúín tawa dinkwaarooká nee inooín.