YEREMIA 36:4 - Biblía Axweesantá Hhohho' ar Mungú 2004

⁴ Aluuwo Yeremia Baruku garmoó Neria guri ateét. Baruku axweesantadá' sleémeero Yeremia aa káh gari gooín, tidár AAKOÓ MUNGÚ ngwa báy.

YEREMIA 36:4 Iomraidhean Croise

ISAYA 30:8

Mungú aníng iri báy, «Tláw /aymi'iiká' gooimeek gawaá peehhi, dír geeraaín tiwa gooiin baraá kitaábu ti dahas, as kahhó' iwa lamabu'uungw tleehhitiyá' de'emaá hi'iita'a ay alhhe'eesay wasle.

ISAYA 8:1

AAKOÓ MUNGÚ aníng iri báy, «Peehhír yangaariir taatahheek, /aymi'iiká' gawaadá' i gooiimeek ar kalaámu, ar adór soómaro kiwa inslaáhh, ta o', «Maher-shalal-hash-basi.» (Gídaabaárós a gaanslár hayoheek, adaá ar tlaweek.)

YEREMIA 25:13

Aníng muruudá' sleémeero naa axweés daanduú yaamuukae ngu huúw, nee tidá' sleémeero taa gooín baraá kitaábuuwí, tidá' Yeremia aa aarín daanduú xoordu sleémeerowo a boo/eés.

YEREMIA 30:2

«Anuú AAKOÓ MUNGÚ, Munguú Israeli a kah, axweesantí sleémeero ugwa báw gooimeek baraá kitaábu.

YEREMIA 32:12

Gooidá' taa gooín as qaymoodá' tlaxwa ngay haniís dír Baruku garmoó Neria garmoó Ma'aseya, dír geeraá garmoó maamáy'eé' Hanameli nee lamabu'uuse, tidá' duguno gwa qas gawaá gooidá' taa gooín as qaymo tlaxwa. Adoorí kana tleéhh dír geeraá muu sleémeero oo Yahudi, kudá' aa iwiit dír matla/ángw xuumuuse.

YEREMIA 36:14

Naagáy geeraharuuse sleémeero Yehudi garmoó Netania, garmoó Shelemia, garmoó Kushi guri ya/áp amór Baruku, nguwa bay, «Kitaábuusíng taa soomús dír geeraá múk wa alé huwang.» Aluuwo Baruku garmoó Neria kitaábuudá' guri taataáhh iri amor'ínií tláy.

YEREMIA 36:21

Naagáy waawutmo Yehudi guri ya/aáw as kitaábuúdá' nguwa leehhi. Yehudi guri leéhh baraá kutuwidár Elishama goousmoó waawutmo, guri soomuús dír waawutmo nee geeraharuusedár hatlá' sleémeero aa sihhít bihhaá waawutmo.

YEREMIA 36:23

Qoomár Yehudi hha'aá tám laqaá tsiyáhh birnga hhe'eés soómaro, waawutmo hhaiidá' gina tsaát ar tsataay, giri kwaáhh baraá asltá gil'o. Ina adoorír kumiít kitaábuudá' guri faák baraá ásltí kwakwahhuwo.

YEREMIA 36:26

Aluuwo wawutmoodá' Yerame'eli garmoó waawutmo, nee Seraya garmoó Asrieli, nee Shelemia garmoó Abdeli, giri ya/aáw as goousmo Baruku nee aarusmo Yeremiawo kiwa ohin, ala AAKOÓ MUNGÚ inooín gina luú/.

YEREMIA 36:27

Alaá waawutmo kitaábuudá' Baruku aa /ayma'aá Yeremí'ií gooín da/ato nguwa hhe'eés, axweesantá AAKOÓ MUNGÚ Yeremia gana malé axaás, i kat,

YEREMIA 36:28

«Kitaábuú hatlá' taataahheek, axweesantadá' taa gooín baraá kitaábuuduú geera, kudá' Yehoyakimu waawutmoó Yuda a daá/ ar asla, gooimeek malé ale.

YEREMIA 36:32

Aluuwo Yeremia kitaábuú hatlá' guri taataáhh, guri haniís dír goousmo Baruku, garmoó Neria kudá' axweesantadá' aáng Yeremia aa káh gaa gooin, tidár baraá kitaábuuduú geera, kudá' Yehoyakimu waawutmoó Yuda aa daá/ baraá asla, /ayma'aá hatlá' awa adór kudá' kiri amor'ínií doók.

YEREMIA 36:6

Kuúng an baraá Doó AAKOÓ MUNGÚ i tleér baalaadár gwaawitooro, as muu kuwa axweesantadár AAKOÓ MUNGÚ i soomus, tidá' naa dirók i káh nee kari gooiín baraá kitaábu. /Aymi'iiká' ki soomús sleeme dír múk Yuda kudá' baraá gixsaduín dahhá'.

YEREMIA 43:3

Ala kuúng Baruku garmoó Neria una dúk as kahhó' atén tiwa baraá múk Kaldayówi haniisi nee tiri tsuu/, laqaá tiwa huwi baraá yaamaá Babuloni.»

YEREMIA 51:59

Kaangwí an kudá' aarusmo Yeremia aa hara'ayín Seraya garmoó Neria, garmoó Ma'aseya, qoomár Seraya nee Sedekia waawutmoó Yuda tawa Babuloni káy, bál kurkú tsiyáhh oo waawuti'iimár Sedekia. Seraya a geeraharusmoó slaqwaruuse.

YEREMIA 51:60

Yeremia amotlakweedá' sleémeero Babuloni ga slaw gana baraá kitaábií gooín, axweesanaydá' sleémeero taa aaín daanduú Babuloniro guri gooín.

ESEKIELI 2:9

Qoomár niwa qaytsiít, naxés dawa kunga amor'eé' i looloqoós, nee laatí i kitaábuú taa gooín kón.

DANIELI 7:1

Kurkú geera oo Belshasa waawutmoó Babuloni iwa waawuti'ín, Danieli ina tlatiitín nee iigu'utu guna ár qoomár iwa qaát gawaá qatantós. Tlataawós kudá' giri ququmareés gooiro.

SEKARIA 5:1

Aníng niri malé qaytsiít naxés kitaábuú gáwtá wa hi'imiít una ár.

Rumi 16:22

Anuúwí Tertio barwaárí ngaa gooiim, nu intsihhiimiís ar baraá Aako.