YEREMIA 36:3 - Biblía Axweesantá Hhohho' ar Mungú 2004

³ Doóqa múk Yuda amotlakweedá' ni dir'ín i tleehhár wa slaa' ka axaas, as umuú heewo tlakweemaawós ngiwa may as kahhó' án dakuúsar'ín nee tlakweemaine ngiwa gurtlaw.»

YEREMIA 36:3 Iomraidhean Croise

NEHEMIA 1:9

Ala barna ki/é' dir'eé', nee hara'ayar'eé' kari oté' nee kari eehadé', tam mukók kwaa diyaa/i ay baraá alhhe'eesoó yaamu, aníng i burumbuúr amoodá' wa alé, nee ngay huúw ay didá' aníng naa tsawaár ngiwa umueéní qaas.›

WARA'AMI 139:24

Áx tsee/aarimáng baraaeene, adór nir hoot i qoónda? Aníng geerahaaráng amór loohidá' amoorók kaw.

ISAYA 6:10

Munér mukwí daktu'uweek, iaaín mindiwa axamiisiyé', ilaaine mindiwa gaa ariyé', iaaine mindiwa axaasiyé' ngiri tsaahhiyé', ar muner'ine mingiwa tsaahhiyé' mindiwa amor'eé' ki/iyé' niri ba/aná'.»

YEREMIA 18:11

Hám daxta múk Yuda nee múk Yerusalemu ku beer, «AAKOÓ MUNGÚ i kaahi, ‹Aníng a muruú tlákw qoomeemeés nee taa amohhe'eés daanduuhunge. Ki/aaré', umuú heewo loohirós tidá' tlaakw ngi may, nee tlehhmi'iihúng gan'asaak.›

YEREMIA 18:8

ala xooroodá' naa daanda oó', bar muruú tlákw gwaa meér tlehhtuwo, aníng tidá' naa ístí tsaát daanduuine aqo an máw tleehharo.

YEREMIA 23:14

Ala baraá aaruusér Yerusalemuro xisluú dae tlaáq ugwa ár. Inooín in fuquusiyá' nee i /aysenaá tlaaqiyá', mukdaádá' tlakweemaá tlehhiít ngun muunií qaminá', as adoorí heé tlakweemaá mamáw i kaahh. Inooín sleémeero dir'eene an adór múk Sodoma, yaamuloouuser'ín a múk tlákw adór múk Gomora.»

YEREMIA 24:7

Aníng in tsaahhárí haniís adór aníng tar AAKOÓ MUNGÚ. Inooín tari muk'eé', aníng tari Munguúín, asma inooín nin amor'eéní ki/iyá' ar muner'ín sleémeero.›

YEREMIA 26:3

Doóqa inooín sleémeero ta axaas, nee tlakweemaaín kiri máy. Adoorí birnga tleehhiyé' daqaní inslaway'eé' daanduú amotlakwér ni huwa as tlehhmi'ii'ín kudá' tlakw naa tlehhaahhitiyé' u warqeés.›

YEREMIA 35:15

Umuú daqto nuna sagadiyuuser'eé' ya/abiít ar aaruuse, umuú daqto ngina ya/abiít, niwa káh, ‹Umuú heewo tlehhmi'iiwós kudá' tlakw ngi may, tlehhmi'iiwós ngi qwatsi, nee slaqsa'aá hatlá' munguaá eeharto nee sluufmisuuwo ngi may. Adoorí bara tlehhé', a hotá' baraá yaamuudá' naa baabi'iihúng i haniís.› Kár ala kuungá' iia aga qasi'iiká, laqaá tidá' naa káh aga iialooeesi'iiká.

YEREMIA 36:7

Doóqa firor'ín AAKOÓ MUNGÚ ga axaas nee umuú heewo dooqa tlehhmi'iiwós kudá' tlakw gi máy, asma AAKOÓ MUNGÚ buhhtaá yaariir nee xarasleemaawo gaa qaroó oó' daanduú mukwihe.»

ESEKIELI 12:3

«Inooín a múk aa dee/anumiit. Gawaá adoorihe, heewí, gimáy, adór heé lóh tleehheek, tláw qoomár inooín bir kuúng ga/ayá', ta góp dír hatlá' i aleeró. Tláw adór heé aa tlatlaahh dirkár wa alé ay dír hatlá' geeraá ilaaín wa alé. Dooqa ngi tsaahhiyá', tam inooín a múk aa dee/anuuti.

ESEKIELI 18:23

Xáy, anuú Aakoó MUNGÚ gwa'arár heé tlaákw aqo saqwalaá/a? Aasla'áy a saqwala/aaká. Aníng gár ni slaa' masók inós luhuuwós kudá' tlakw gin máy, as iwa slafi.

SEFANIA 2:3

AAKOÓ MUNGÚ leelehhaak, kuungásingá' tsatsa'aren sleémeero awa yaamu. Kuungaádá' hara'ayaarós aga eehade', gan'amu leelehhaak. Ti niinawese', doóqa tundu gurtláy bál deelór buhhtaá AAKOÓ MUNGUHE.

Matayo 13:15

Asma munér mukwí ka gawden, nee iiaawo i ak axamiisiaaká, nee ilaaín kaa gumamaá', as makawa ár ilaaine, matawa axaás iaaine, makawa tsaáhh ar muner'ín, mindiwa warqayé', nee aníng ngiri hungu/uús.›

Marko 4:12

as kahhó', ‹Ta qaytsiti ala makawa ár, ta axaasi, ala makawa tsaáhh, Mungú mukuwa i warqáy nee gurtleemuú tlakweema mukuwa sláy.› »

Luka 20:13

Heé qaymoodá' loó' iri oó', ‹Adór ni laaq a adoomá? Garmaaeé' kwí oo sla'aarusmo un ya/aáw. Dooqa inós burkwa ár, ku ilaiwaa/.›

Tlehhema'aá ya/Abuuse 26:18

Kuúng ilaaín in qaytsitís, nee inooín in warqés baraá giwtír wa aleeró, tari dah baraá gwa/aateema, nee in baraá /uuruú Neetlángw wa dúx, nee kiri húp amór Mungú. As kahhó' tlakweemaaín kiwa gurtlay, nee niwa aaluusér Mungú tleehhiitiya' baraá tla/ángw kudá' taa hhoohhoeés, asma aníng iwa haratlinti'iiyé'.› »

Tlehhema'aá ya/Abuuse 26:20

Án kángw Mungú una alki/iít har geeraawo dír múk Damasko. Aluuwo baraá Yerusalemu tin wa alki/iít, nee baraá yaamu sleémeero awa Yudea, nee dír múk xoordu sleeme, as tawa hhu'u'un nee Mungú kuwa i warqay, nee tlehhma'aá nee hhu'u'ungw'ín ti slawá' kiwa tleehhi.

Tlehhema'aá ya/Abuuse 28:27

Asma fuqurángw mukwí aa daktu'uút, nee iaaín ki ilo' gaa axaasaro. Slám ilaaín kaa gumamaá', gaa makawa ár ilaaine, nee makawa axaás iaaine, nee makawa tsaáhh fuqurangw'ine, nee muner'ín makawa warqeés án ngiri hungu/uús.›

Tlehhema'aá ya/Abuuse 3:19

Gawaá adoorihe kuungá' hhu'u'uumé', nee ki/é' amór Mungú, as tlakweemaahúng kiwa fiitsi. As kahhó' qooma niwa hardat ar Aako nuwa qwal/asi dír geeraawose,

DABE 30:2

nee barnaxes qoomaadae AAKOÓ MUNGÚ, Munguúhúng ugwa i ki/é', kuungá' nee na/iihúng, axweesantós tidá' laarí naa oó' kari iialooeesé' ar munerhúng sleémeero nee qeeremoohúng sleémeero,

DABE 30:8

Kuungá' afór AAKOÓ MUNGÚ kari malé ilaiwawa/á' nee hara'ayaarós sleémeero, tí laarí ni kuungií hara'ayiyiim kari otá'.

DABE 5:29

Hám geera a tsiní barnaxes i meetiyá' gawaá inslawaydá' aníng iwa ilaiwawa/iya', nee hara'ayar'eé' ngiwa oohiya' umuu daqto. Geera muruuín sleémeero oo ta tlehhiiti iri ganaa' umuú daqto dir'ine nee dír na/ii'ine ay alhhe'eesay wasle.

2 Petro 3:9

Muu bahh'alé i kaahi, Aako al'axweesantós boo/eesaro i tligatliik. Ala a adoosingeeká. A inós kuungá' nun sageeqiqtlín. Asma tam heé wák iwa qwaari ga slaiiká. Ala masók sleémeero tlakweemaaín ngin hhu'u'uná'.

1 SAMUELI 7:3

Samueli múk Israeli sleémeero guri báy, «Barnaxes aga ki/é' ar munerhúng sleémeero amór AAKOÓ MUNGÚ, gimsé' munguaá dahaaye hingeesaak, nee slaqsi'iidá' ta babay Ashtaroti, dirhunge kwahhaak. Munerhúng amohhe'eesaak dír AAKOÓ MUNGÚ. Inós kilós ku sagadiyusá', daqaní inós kuungá' nu ba/amis baraá dabaá xoorór Filistiro.»