YEREMIA 36:21 - Biblía Axweesantá Hhohho' ar Mungú 2004

²¹ Naagáy waawutmo Yehudi guri ya/aáw as kitaábuúdá' nguwa leehhi. Yehudi guri leéhh baraá kutuwidár Elishama goousmoó waawutmo, guri soomuús dír waawutmo nee geeraharuusedár hatlá' sleémeero aa sihhít bihhaá waawutmo.

YEREMIA 36:21 Iomraidhean Croise

2 WAAWITÁ 22:10

Naagáy Shafani kuduú goousmo waawutmo guri báy, «Hilkia kaahamusmoó Mungú iga kitaábuú i haniís.» Shafani kitaábuudá' guri soomuús dír geeraá waawutmoó wa alé.

2 QOM'I 34:18

Goousmo Shafani iri malé oó', «Hilkia kaahamusmoó Mungú kitaábuuko ngwa haniís.» Aluuwo Shafani kitaábuudá' gway soomuús dír waawutmo.

YEREMIA 23:28

Aarusmo kudá' tlataawós káh, tlataawós ngi oin, ala kudá' axweesante'eé' ga koóm ngi dahareemisi ar inkihhimu. Muundáy nee aangano iqo tsuwa alqoná'a? Aanuú AAKOÓ MUNGÚ tí ngina oó'.›

YEREMIA 26:2

«Anuú AAKOÓ MUNGÚ a kah, ‹Sihhiít baraá matla/ángw Doó AAKOÓ MUNGÚ, múk gixsár Yuda kudá' baraaká' wa sluufmamiís kaangwí ti o', muruuwí sleémeero naa kuúng báw, ti o', tam ar wák ma mawaar ooaro.

YEREMIA 36:14

Naagáy geeraharuuse sleémeero Yehudi garmoó Netania, garmoó Shelemia, garmoó Kushi guri ya/áp amór Baruku, nguwa bay, «Kitaábuusíng taa soomús dír geeraá múk wa alé huwang.» Aluuwo Baruku garmoó Neria kitaábuudá' guri taataáhh iri amor'ínií tláy.

YEREMIA 36:15

Inooín nguri bayé', «Axáy diisíng ii iwiteek, dirénií soomuusang.» Naagáy Baruku kitaábu guri dir'ín ii soomuús.