YEREMIA 36:2 - Biblía Axweesantá Hhohho' ar Mungú 2004

² «Kitaábu tataahheek axweesantadá' naa kuúngí aaiím sleémeero gooimeek, tidá' naa káh daanduú Israeli, daanduú múk Yuda nee daanduú xoordaá hatlá' sleémeero, tidá' naa aaiím iimidá' axweesani ngiwa iimu/uúm nee kuúng, qoomár waawutmo tawa Yosia ay laarí.

YEREMIA 36:2 Iomraidhean Croise

ESRA 6:2

Kitaábuú wák kuri sláy baraá Ekbatana wa alé, gixsadá' ur ar ayaá Media, nee baraadae /ayma'aá taa gooín an kuká',

YOBU 31:35

Masók geeraawo heeko in iiárií qaas, axweesante'eé' tí diirihe naa aaiím, aníng an dugnoó wa qaás. Masók Munguú Aleesleemusmo axweesante'eé' tí ngin mu/aywaats, muruudá' ta daanduueéni kaahi alók geera kuna gooín.

WARA'AMI 40:7

Naagáy aníng niri oó', «Án areeng aga ya/aám, adoodá' tir hariím kaa gooín baraá kitaábuú hara'aya.

TI'INAANGW 17:14

AAKOÓ MUNGÚ Mose guri báy, «Kaangwí gooimeek baraá kitaábu, as kahhó' kuwa inslay. Slám dír Yoshuawo gawdeeseek ooaro adór xoorór Amaleki ngir fiíts baraá daanduú yaamuwo.»

ISAYA 8:1

AAKOÓ MUNGÚ aníng iri báy, «Peehhír yangaariir taatahheek, /aymi'iiká' gawaadá' i gooiimeek ar kalaámu, ar adór soómaro kiwa inslaáhh, ta o', «Maher-shalal-hash-basi.» (Gídaabaárós a gaanslár hayoheek, adaá ar tlaweek.)

YEREMIA 1:10

Qaytsiít, laarí aleesleemu ngwa haniís daanduú xoorduwo nee waawuti'iimaro as kiwa tu/uun nee kiwa giqeer, aleesleemuú kiwa hhitiin nee kiwa qwaares, nee aleesleemuú kiwa tlehh nee kiwa sihhtis.»

YEREMIA 1:5

«Iimír qoomár kuúng tuwa tsihiiká baraá guruú aayooro aníng kuúng una xuú', nee qoomár tuwa laqwaaliiká aníng kuúng una hhoohhoeés, una tsawaár as tawa aarusmoó xoordu.»

YEREMIA 1:9

Naagáy, AAKOÓ MUNGÚ afkueé' guri kwatiít ar dakós, iri báy, «Qaytsiít axweesante'eé' aga qaás baraá afkók.

YEREMIA 2:4

Axweesantá AAKOÓ MUNGÚ iiárií qaasaak, kuungaá múk Yakobo nee xwaylár múk Israeli sleémeero.

YEREMIA 25:3

«Iimír kurkú mibaá nee tám oo waawuti'iimár Yosia garmoó Amoni, waawutmoó Yuda, ay laarí, kureeri a mibeeri tsár nee tám, baraá kureeriikae aníng axweesantá AAKOÓ MUNGÚ ana axmaamiís nee umuúqo looár tlawa ngin dirhúngí aaiím ala kuungá' a axmaamisa'aaká.

YEREMIA 30:2

«Anuú AAKOÓ MUNGÚ, Munguú Israeli a kah, axweesantí sleémeero ugwa báw gooimeek baraá kitaábu.

YEREMIA 36:14

Naagáy geeraharuuse sleémeero Yehudi garmoó Netania, garmoó Shelemia, garmoó Kushi guri ya/áp amór Baruku, nguwa bay, «Kitaábuusíng taa soomús dír geeraá múk wa alé huwang.» Aluuwo Baruku garmoó Neria kitaábuudá' guri taataáhh iri amor'ínií tláy.

YEREMIA 36:18

Baruku giri báy, «Inós axweesanaywí nguna dir'eéní axweés, qoomaadár kilae aníng una gooiím ar wino baraá kitaábuuwí.»

YEREMIA 36:23

Qoomár Yehudi hha'aá tám laqaá tsiyáhh birnga hhe'eés soómaro, waawutmo hhaiidá' gina tsaát ar tsataay, giri kwaáhh baraá asltá gil'o. Ina adoorír kumiít kitaábuudá' guri faák baraá ásltí kwakwahhuwo.

YEREMIA 36:29

Nee daanduú waawutmo Yehoyakimu waawutmoó Yudawo ta o', anuú AAKOÓ MUNGÚ a kah, kuúng kitaábuudá' una dá/, a didií kat, ahaá waáy gár kángw waawutmoó Babuloni ngusa gooín, iwa kaahi, ‹Yaamuuká' gi hhitín, muu nee makaywo giri hhaamiis.›

YEREMIA 36:6

Kuúng an baraá Doó AAKOÓ MUNGÚ i tleér baalaadár gwaawitooro, as muu kuwa axweesantadár AAKOÓ MUNGÚ i soomus, tidá' naa dirók i káh nee kari gooiín baraá kitaábu. /Aymi'iiká' ki soomús sleeme dír múk Yuda kudá' baraá gixsaduín dahhá'.

YEREMIA 45:1

Qoomár kurkú tsiyáhh oo waawuti'iimár Yehoyakimu garmoó Yosia, waawutmoó Yuda, Baruku garmoó Neria, axweesantá aarusmo Yeremia gana naxeetín gooiro baraá kitaábu. Baruku kuri báy nee Yeremia,

YEREMIA 51:60

Yeremia amotlakweedá' sleémeero Babuloni ga slaw gana baraá kitaábií gooín, axweesanaydá' sleémeero taa aaín daanduú Babuloniro guri gooín.

ESEKIELI 2:9

Qoomár niwa qaytsiít, naxés dawa kunga amor'eé' i looloqoós, nee laatí i kitaábuú taa gooín kón.

HOSEA 8:12

Aníng tam hara'ayár kumér mibaangw a amor'ín i gooima, ala inooín kan harafaar adór gár xuaawasl.

DABE 31:24

Qoomár Mose /aymi'iikaá dabeerí gooiro ngiwa hhe'eés, iimír iimu/úngw wa ale ay /aymuú alhhe'eesáy,

Ebrania 10:7

Ala aníng niri oó', ‹Mungú, aníng a deer, as tidá' kuúng ta sla' ngiwa tleehh adoodá' daanduueene kara gooín baraá kitaábuú hara'ayár Mosewo.› »