YEREMIA 36:18 - Biblía Axweesantá Hhohho' ar Mungú 2004

¹⁸ Baruku giri báy, «Inós axweesanaywí nguna dir'eéní axweés, qoomaadár kilae aníng una gooiím ar wino baraá kitaábuuwí.»

YEREMIA 36:18 Iomraidhean Croise

YEREMIA 36:2

«Kitaábu tataahheek axweesantadá' naa kuúngí aaiím sleémeero gooimeek, tidá' naa káh daanduú Israeli, daanduú múk Yuda nee daanduú xoordaá hatlá' sleémeero, tidá' naa aaiím iimidá' axweesani ngiwa iimu/uúm nee kuúng, qoomár waawutmo tawa Yosia ay laarí.

YEREMIA 36:27

Alaá waawutmo kitaábuudá' Baruku aa /ayma'aá Yeremí'ií gooín da/ato nguwa hhe'eés, axweesantá AAKOÓ MUNGÚ Yeremia gana malé axaás, i kat,

YEREMIA 36:32

Aluuwo Yeremia kitaábuú hatlá' guri taataáhh, guri haniís dír goousmo Baruku, garmoó Neria kudá' axweesantadá' aáng Yeremia aa káh gaa gooin, tidár baraá kitaábuuduú geera, kudá' Yehoyakimu waawutmoó Yuda aa daá/ baraá asla, /ayma'aá hatlá' awa adór kudá' kiri amor'ínií doók.

YEREMIA 36:4

Aluuwo Yeremia Baruku garmoó Neria guri ateét. Baruku axweesantadá' sleémeero Yeremia aa káh gari gooín, tidár AAKOÓ MUNGÚ ngwa báy.

YEREMIA 45:1

Qoomár kurkú tsiyáhh oo waawuti'iimár Yehoyakimu garmoó Yosia, waawutmoó Yuda, Baruku garmoó Neria, axweesantá aarusmo Yeremia gana naxeetín gooiro baraá kitaábu. Baruku kuri báy nee Yeremia,