YEREMIA 36:10 - Biblía Axweesantá Hhohho' ar Mungú 2004

¹⁰ Naagáy Baruku /aymi'iidaá Yeremia giri baraá kitaábuú wa soomuús dír muu sleémeero iwa axamiisi, gina baraá Doó AAKOÓ MUNGÚ wa soomuús dír kutuwidár Gemaria garmoó Shafani kuduú goousmo. Kutuwirí i didár matla/ángw gawa, dír Afkú /Abén oo Doó AAKOÓ MUNGÚ.

YEREMIA 36:10 Iomraidhean Croise

2 SAMUELI 20:25

Shausha a geeraharusmoó lohdaá gadiyeé gi qoomeemeés. Sadoki nee Abiatari a kaahamuusér Mungú.

2 SAMUELI 8:17

Sadoki garmoó Ahitubu, nee Ahimeleki garmoó Abiatari, inooín a kaahamuuse. Seraya a sagesihhtusmoó gadiyeé.

1 WAAWITÁ 6:36

Afeenidár guruú do' gana tleéhh ar hhai tám ar tlaa/aá taa daákw nee hháw wák guna tleéhh ar peehhoó sahhta.

2 WAAWITÁ 15:35

Tam adoorihe wa/aameedár kiteeridá' munguaá hatlá' kiwa ilahhooárií hanmamisi ar gawaá gongoama' ka hingeesiiká, muu ina kumiít ilahhooár muruú ta tsu/i hanmisuwo, nee mooyángw tsuú' da/a/aango gawaá kiteeridá gawaá gongoama'. Yotam Afkuduú Bihhaá /iya oo Doó AAKOÓ MUNGÚ guna tleéhh.

2 WAAWITÁ 18:37

Naagáy Eliakimu garmoó Hilkia kudaádá' doó waawutmoó sagesihhmiít, nee Shebna goousmo, nee Yoa garmoó Asafu goousmoó muruú inslaslángw wa hariím, tlabaaín kiri feehhamiís, niri amór Hesekia kayé', kángw heedá' úr oo múk taa karmuumúy aa káhh nguri ooiyé'.

2 WAAWITÁ 22:3

Kurkú mibaá nee dakaát oo waawuti'iimár Yosia, inós goousmo Shafani garmoó Asalia, garmoó Meshulamu, guna ya/aáw amór doó AAKOÓ MUNGÚ, iwa kaahi,

YEREMIA 26:10

Qoomár geeraharuusér Yuda kaangwí nguwa axás, niri amór doó waawutmoó wa tsa/ané', nay hardihiyé' ay dír Doó AAKOÓ MUNGÚ, tari iwiít dír Afkudá' /Abén oo dahmaá Doó AAKOÓ MUNGÚ.

YEREMIA 26:24

Ala Yeremia kuna xún nee Ahikamu garmoó Shafani as mukuwa gaás nee muu.

YEREMIA 29:3

Barwito'oorí kana huúw nee Elasa garmoó Shafani, nee Gemaria garmoó Hilkia, kudá' Sedekia waawutmoó Yuda aa ya/aáw amór Nebukadnesa waawutmoó Babuloni. Yeremia gár aa gooín a tí,

YEREMIA 35:4

Inooín sleémeero ngiri huúw ay baraá doó AAKOÓ MUNGÚ, dír kutuwír garmoó Hanani, garmoó Igdalia heé Mungú. Kutuwidá' ka tseew dír kutuwír geeraharuuse, i gáwtí dirí' dír kutuwír Ma'aseya garmoó Shalumu, xuumusmoó do'odá'.

YEREMIA 36:11

Qoomár Mikaya garmoó Gemaria garmoó Shafani, axweesantadár AAKOÓ MUNGÚ taa soomuús baraá kitaábuudá' wa alé ngiwa axaás,

YEREMIA 36:25

Tam qoomár Elnata, Delaya nee Gemaria waawutmo nguwa ló'wa firiné' as kitaábuudá' munguwa daá/, inooín gaa iiárií qaasiiká.

YEREMIA 36:6

Kuúng an baraá Doó AAKOÓ MUNGÚ i tleér baalaadár gwaawitooro, as muu kuwa axweesantadár AAKOÓ MUNGÚ i soomus, tidá' naa dirók i káh nee kari gooiín baraá kitaábu. /Aymi'iiká' ki soomús sleeme dír múk Yuda kudá' baraá gixsaduín dahhá'.

YEREMIA 36:8

Naagáy Baruku garmoó Neria muruudá' sleémeero aarusmo Yeremia ngwa báy guri tleéhh, daanduú kitaábuudá' taa axweesantá AAKOÓ MUNGÚ i gooín nguwa soomuusi baraá Doó AAKOÓ MUNGÚ wa alé.

YEREMIA 43:3

Ala kuúng Baruku garmoó Neria una dúk as kahhó' atén tiwa baraá múk Kaldayówi haniisi nee tiri tsuu/, laqaá tiwa huwi baraá yaamaá Babuloni.»

YEREMIA 52:25

Baraá gixsaro slaqwarusmoó wák guna ar tláy oo aáng slaqwaruusér geeraharahaár baraá slaqwaraaro, dinkwa nee muu faanqw oo waawutmoó hara'ayayimá', kudaá baraá gixsár i ay. Sleeme goousmoó geeraharusmoó úr oo slaqwaruuse, kudá' muruú slaqwaruusér amohhe'eemiís, nee múk hatlá' mibeeri lahhoó' kudá' aa baraá gixsár Yerusalemúr i áy.

ESEKIELI 40:38

Dír afeenidár tsee/aawo kutuwír hatlá' i deer ar taa doogiye' nee loohidá' naa /iíkwár dat. Kutuwirí ti ga/ayá' nee matla/aangw, diirí an dír makaydá' ta ilahhooár dá/tá wa hanmaamisi kiwa hamtlatliti.