YEREMIA 35:2 - Biblía Axweesantá Hhohho' ar Mungú 2004

² «Tláw dír múk gurú doó Rekabu, axweés nee múk do'odá'. Daqaní mukdá' ngu húp baraá doó AAKOÓ MUNGÚ, baraá kutuwír wák, ki difaáír i hanís, ka wahi.»

YEREMIA 35:2 Iomraidhean Croise

1 WAAWITÁ 6:10

Kutuwaay guna tlehhahhiít bihhér do' sleémeerowo, umuúqo qoroófaro gawa kemuuwo a miíta tsár nee gár niina. Kutuwaydá' guri haragaás baraá do' ar waqasuú sahhta.

1 WAAWITÁ 6:8

Afér kutuwayduú baraay kana tleéhh baraá koo/ír do' bihhaá basa, baraá guruudae tsa/a/amto i deer ar tar tsa/a/an amór qoroófár geera nee ar alhhe'eesáy.

1 QOM'I 2:55

Tlahh'aá goouuse kudá' baraá yaamaá Yabesír hootá', a kuká': Múk Tirati, nee oo Shimeati nee múk Sukati. Mukwí oo Keni oo xwaylár Hamati, inós an aakoó tlahhoó Rekabu.

1 QOM'I 23:28

Gadiyér taa dir'ín i haniís a tí: Kaahamuusér Mungú tidár tlahhoó Aroni kawa ale/iimisi baraá gadiyér Doó AAKOÓ MUNGUHE, afeenár doó Mungú nee kutuwaywo kiwa amohhe'eemisi, nee xosluudá' hhohho' kawa hamtliti, nee umuúqo gadiyér dawa baraá doó Munguhe.

1 QOM'I 28:12

Daudi adoodá' do' ngur slai tlehhmuuwo gay laqán, nee afeenír doó AAKOÓ MUNGUHE, nee kutuwoó xoosla kay babaatsi, nee oo peésaadá' taa paraátl as Mungú ki babatsi.

1 QOM'I 9:26

Mukdá' tsiyáhh a geeraharuusér xuumuuse an múk tlahhoó Laáwi, inooín an sagesihhtuusér doó Mungú nee daqaari'iimarose.

1 QOM'I 9:33

Slamí kudá' uren baraá tlahhoó Laáwiwo a daauuse, nina hootiyé' baraá kutuwoó doó Mungú wa ale, inooín gadiyér hatlá' ngi kon'aaká, ala inooín tin baalaqaminá' tlatla/aangw nee xweeraawo.

2 QOM'I 3:9

Musumároó ira gadiyuús a graámu tsiire kooán nee mibeeraá faanqw oo sahaábu. Kuna koo/ír gáwtár tleéhh, nee sleeme koo/idá' kay niinkiriíts ar sahaábu.

2 QOM'I 31:11

Aluuwo waawutmo Hesekia giri ádbáy meeweé kawa tleehhi baraá kutuwír doó AAKOÓ MUNGÚ. Inooín ngiri tleehhiyé'.

ESRA 8:29

Xuumaak nee amohhe'eemisaak ay dír kay qoomeesi dír geeraá kaahamuusér uren, nee dír geeraá múk tlahhoó Laáwi, nee geeraá geeraharuusér uren ar múk Israeli baraá Yerusalemu, ay dír kay batsi baraá kutuwayduú baraá doó Mungú.»

NEHEMIA 13:5

Kutuwír ur gana amohhe'eés as Tobia, kutuwidá' ta ilahhooár balaángwí qamaamín nee ar mooyaango nee xoosla, nee ilahhooár balaangw ar gár wák baraá mibaango nee difaái nee di/i, tidá' taa hara'ayín kawa hanmiisi dír múk tlahhoó Laáwi nee daauuse, nee xuumuusér afér doó Mungú, nee ilahhooa as kaahamuusér Mungú.

YEREMIA 35:3

Ya'asania garmoó Yeremia, garmoó Habasinia nee hhaeewose ngiri ar tláw, dinkwa nee daaqaywós sleémeero, nee muu sleémeero oo guruú doó Rekabu.

YEREMIA 35:4

Inooín sleémeero ngiri huúw ay baraá doó AAKOÓ MUNGÚ, dír kutuwír garmoó Hanani, garmoó Igdalia heé Mungú. Kutuwidá' ka tseew dír kutuwír geeraharuuse, i gáwtí dirí' dír kutuwír Ma'aseya garmoó Shalumu, xuumusmoó do'odá'.

YEREMIA 35:8

Atén afór Yonadabu baabuúrén, ana ilaiwawa/aán, tidá' sleémeero atén tiwa hara'ayín, ar difaái ngiwa wahaanaaká baraá slafingwrén sleémeero, ateénaá kilá', nee tlaawayrene, nee daaqayrene, laqaá tam dasuurén.

ESEKIELI 40:16

Pa/eeraá ninakw i dayá' dír umuú maandár tsee/aá kutuwaay sleémeerowo nee ay dír koo/idá' kutuwaay gwaa paratl. Slaqsoó xaa'aá slaansla kuna tleéhh gawaá maandár yooridá' tar waraahhi.