YEREMIA 35:1 - Biblía Axweesantá Hhohho' ar Mungú 2004

¹ De'emaá waawutmo Yehoyakimu garmoó Yosia, waawutmoó Yuda, Yeremia axweesantá AAKOÓ MUNGÚ gana axaás, i kat,

YEREMIA 35:1 Iomraidhean Croise

2 WAAWITÁ 23:34

Farao-neko, Eliakimu garmoó waawutmo Yosia guri waawutmoó wa qaás kitángw baabuúwós Yosia, guri umuú /abén i tsaát kway báy Yehoyakimu. Ala Yehoahasi guri ar tláy ay yaamaá saawá' awa Misri, iri amoodá' i gwaá'.

2 WAAWITÁ 23:35

Waawutmo Yehoyakimu peésa nee sahaábu gari haniís dír Farao-neko. Ala Farao-neko kuna koódírí hanmiís ar adoodá' Farao-neko ngira oó'. Múk yaamuudá' koódír peésa nee sahaábu gana hanmiís. Umuú hee qoomaarós tidá' taa oó' nee waawutmo gana haniís dir waawutmoó Farao-neko.

YEREMIA 1:3

Slám Yeremia axweesantí gana malé axaás de'emaá Yehoyakimu garmoó Yosia waawutmoó Yuda. Ina kumiít axamisuuwo ay alhhe'eesoó kurkú mibaá nee wak oo waawuti'imár Sedekia, garmoó Yosia waawutmoó Yuda, tam ay slahhángw kooán qoomár múk Yerusalemu kuwa loohatís.

YEREMIA 25:1

Kurkú tsiyáhh oo waawuti'iimár Yehoyakimu garmoó Yosia, waawutmoó Yuda, AAKOÓ MUNGÚ afo gana haniís dír Yeremia as múk Yuda. Kurkudá' an kurkú geera oo waawuti'iimár Nebukadnesa, waawutmoó Babuloni.

YEREMIA 26:1

Qoomár iimu/úngw waawuti'iimár Yehoyakimu, garmoó Yosia, baraá yaamaá Yudawo, AAKOÓ MUNGÚ Yeremia guri báy,

YEREMIA 27:20

tidá' waawutmo Nebukadnesa oo Babuloni aa geexáy qoomár Yekonia garmoó Yehoyakimu, waawutmoó Yuda nee mukdá' ta ilaiwawa/i sleémeero oo Yuda nee oo Yerusalemu, kiwa Yerusalemúr wa loohatís.› Anuú AAKOÓ MUNGÚ tí ngina oó'.

YEREMIA 36:1

Kurkú tsiyáhh oo waawuti'iimár Yehoyakimu, garmoó Yosia waawutmoó Yuda, Yeremia axweesantír AAKOÓ MUNGÚ gana axaás, i kat,

YEREMIA 36:29

Nee daanduú waawutmo Yehoyakimu waawutmoó Yudawo ta o', anuú AAKOÓ MUNGÚ a kah, kuúng kitaábuudá' una dá/, a didií kat, ahaá waáy gár kángw waawutmoó Babuloni ngusa gooín, iwa kaahi, ‹Yaamuuká' gi hhitín, muu nee makaywo giri hhaamiis.›

YEREMIA 36:9

Kurkú kooán oo waawuti'iimár Yohayakimu garmoó Yosia, waawutmoó Yuda, qoomár slahhángw gwaleél, muu sleémeero oo Yerusalemu, nee muu sleémeero oo baraá gixsadaá Yuda daáhh, tana burumburiít baraá Yerusalemu, dír Doó Mungú as tawa gwaawin.

YEREMIA 46:2

Axweesantí a tidá' aa oó' daanduú múk Misriro, nee slaqwaruusér Farao Neko waawutmoó Misri, slaqwaruusedár baraá Karkemishi bihhaá yaaér Eufrate. Nebukadnesa waawutmoó Babuloni slaqwaruuseedá' ngaa baál qoomár kurkú tsiyáhh oo waawuti'iimár Yehoyakimu, garmoó Yosia waawutmoó Yuda.

DANIELI 1:1

Kurkú tam iimír Yehoyakimu waawutmoó Yuda waawuti'iima ngiwa iimu/ún, Nebukadnesa waawutmoó Babuloni, gixsár Yerusalemu, gari haraweél.