YEREMIA 34:20 - Biblía Axweesantá Hhohho' ar Mungú 2004

²⁰ Aníng inooín i baraá dabaá wakuuser'ínií qaás, nee baraá dabaá mukdá' inooín gi tsu/utár wa slaá'. Tu'uuín tari /aymár tsir/ór gawaá doori nee makaá sla/a.

YEREMIA 34:20 Iomraidhean Croise

1 WAAWITÁ 14:11

Heé doó Yeroboamu oo qo gwaa'a baraá gixsárí ale, seeaawe gu /ák, nee heéqo baraá tsee/aá /awaákí gwaa'a tsir/o gu /ák. Anuú AAKOÓ MUNGÚ tí aga oó'.› »

1 WAAWITÁ 16:4

Dír do'oge heéqo gwaa'a baraá gixsa ku /aay nee seeaawe nee oo qo gwaa'a baraá qaymo ku /aay nee tsir/o.»

WARA'AMI 79:2

Tuaá sagadiyuuseerók kiri tawoó geexáy, gwares giri /aáy, slaqwaá mukók kudá' hhohhó' a /aymár bahu.

YEREMIA 11:21

Gawaá adoorihe AAKOÓ MUNGÚ i kaahi daanduú múk Anatotiro, kudá' slafiingók ngu leelehhiitá', nee kaahá', Ma aaririmaar ar umuú AAKOÓ MUNGÚ, bar adooriheeká u gaasaán ar dabaarén.

YEREMIA 12:9

Muk'eé' kwí naa tsawaár a adór tsir/ór taa harweér bihhe sleémeero nee geenaangw, makaá sla/a ateetang ta burumburiiti as kiwa /ayi.

YEREMIA 16:4

‹Mukwí i qaatl ar tiqtír pu/i nee heé tsuunqumiís i kaahh, laqaá heé gi foliít i kaahh. Tu'uuín nin tlufaafuiyá' adór tsuunkáy daanduú yaamuwo. Mukwí ku hhaamiis ar paánga nee qwari, nee tu'uuín a muruú /aymár tsir/o nee makaá sla/a.› »

YEREMIA 19:7

Diirihe aníng múk Yuda nee oo Yerusalemu muruuín kudá' ta qoomeemesi un hhitiím. Aníng wakuuser'ín a baalírí haniís, nee inooín kiri tsuu/ baraá slaqwaraaro. Aníng tu'uuín in máw as tawa muruú /aymár tsir/o nee makaá sla/a.

YEREMIA 21:7

Anuú AAKOÓ MUNGÚ an kah, «Aluuwo kuúng Sedekía, waawutmoó Yuda, sagadiyuuseerók nee múk baraá gixsarí diriia, kudá' pu/i a meetís nee qwari nee slaqwara, aníng in haniís baraá dabaá waawutmo Nebukadnesa oo Babuloni, nee baraá dabaá wakuuserhúng, tidá' kuungá' nu slakaat. Kuungá' Nebukadnesa nun tsuu/ ar paánga, nee nu baloó gurtlayká, laqaá nu geemayká, laqaá nu ilamuruutiiká, anuú AAKOÓ MUNGÚ tí an káh.»

YEREMIA 22:25

uri haniís dír mukdá' kuúng u gaasár wa slaá', nee dír kudá' kuúng ta ló'wa da'ayuumit, tam baraá dabaá Nebukadnesa, waawutmoó Babuloni, nee baraá dabaá múk Kaldayo.

YEREMIA 38:16

Waawutmo Sedekia lo'o gari geeraá Yeremia wa /aáy ar naaqo, iwa kaahi, «Adoodár AAKOÓ MUNGÚ ir hotaatina, aníng kuúng u gaasaaká, laqaá u dabaá múk u slahh'eemiís i qaasaaká.»

YEREMIA 39:6

Didár kilár Riblawo, waawutmoó Babuloni daaqoó Sedekia guna tsuú/ geeraá baabuúín wa alé, sleeme geeraharuusér Yuda sleémeero gana tsuú/.

YEREMIA 4:30

Kiíng Yerusalemu taa tawo geexáy. Gár tlabaá kal'aá da/aten kis dahas? Gár tis parootus ar sahaábu a milá? Nee gár hhamhhamaá ilaawók kis qaaliin? Tin tawo parootús. Sla'aaruuseerók iga qaroó waaqá', nee inooín gár i slaiya' in gaasiyá'.

YEREMIA 44:30

AAKOÓ MUNGÚ i kaahi, «Ga/aawaak, Farao Hofra waawutmoó Misri un qaás baraá dabaá wakuuseerós tidá' slafiingós leelehhiit, adoodá' Sedekia waawutmoó Yuda ngura qaás baraá dabaá Nebukadnesa waawutmoó Babuloni, wakusmoowós, kudá' slafiingós gwaa leelehhiit.»

YEREMIA 49:37

Múk Elamu aníng u dae tsaát dír geeraá wakuuser'ín wa ale, nee dír kudá' slafingw'ín gu leelehhiita. Aníng i amotlakweéri huúw ar buhhtaaeé' kudá' xaraaslá'. Anuú AAKOÓ MUNGÚ tí ngina oó'. Aníng paánga a huúw, ngiri eehár ay dír ngay ló'wa hhaamiis.

YEREMIA 7:33

Tuaá mukwí tari muruú /aymár gwares nee oo makaá sla/a, heé makayká' gi dae tsaát tumu wák i kaahh.

ESEKIELI 23:28

«Anuú Aakoó MUNGÚ a kah, ‹Aníng kiíng i qaás gawaá dabaá wakuuseerók, tidá' kiíng taa áhh, dabaá kudá' nee kiíng taa wake'.

ESEKIELI 29:5

Aníng kuúng uri kwaáhh baraá xaanxaay, kuúng nee siyó sleémeero kudá' baraá yaaeerók tidá' Nilirií dirií', slaqwtók kari kwaahh baraá xatsa, heé ga foól i kaahh. Aníng slaqwtók aga haniís as tawa muruú /aymár makaá xaraaslá' nee oo tsir/ór gawaá doori.

ESEKIELI 32:4

Aníng kuúng un kwaáhh uri slaahh ar yaamu uri slaáhh ar tseetsee/amtá /awaak. Tsir/ór doori ngiri iwitiís gawaá daanduuwók. Nee makaá sla/a sleémeero ngiri aaxiís ar fu'unaywók.

DABE 28:26

Tuuaarók tari /aymár gwarsuú gawaá doori nee makaá sla/a, nee hee tumu wák oo gu guús i kaahh.

1 SAMUELI 17:44

Migusmooduú Filisti Daudi guri báy, «Qwaláng amoorií surukang, slaqwtók laarí a gwaresuú gawaá doorií haniís nee makaá sla/a.»

1 SAMUELI 17:46

Laarí AAKOÓ MUNGÚ kuúng u baraá dabaaeé' qaas. Laarír kilae un yaamií daáhh, uri isa tsaát, tuaá slawtá slaqwara ar xoorór Filisti gwarsuú doori gari /aay, nee makaá sla/a, as kahhó' xoordu sleémeero ngiwa tsaahhiya' adór Munguú múk Israeli ir deér.