YEREMIA 34:17 - Biblía Axweesantá Hhohho' ar Mungú 2004

¹⁷ Hám daxta, anuú AAKOÓ MUNGÚ a kah, As kuungá' aníng iwa iialooeesi'iiká, as lawaaleedá' kawa gwedi'iiká. Ar ló', aluuwo aníng kuungá' nu gweér, aníng kuungá' nu gweér as tunduwa tsu/i ar paánga, nee giyeé nee tiqtír pu/i. Aníng xoordu sleémeero i dae tsaát, qoomár birnga axaasiyé' tidá' ni tleehh.

YEREMIA 34:17 Iomraidhean Croise

ESTA 7:10

Naagáy Hamani kway gawaá xa'anoodií tarereé', kudá' geeraawo aa amohhe'eés as Mordekai. Buhhtaá waawutmo nay tsauyé'.

YEREMIA 15:2

Burta báy, ‹Amór ti tlawaan a amá?› Ki beer, AAKOÓ MUNGÚ i kaahi, ‹Kudá' ta tsu/i ar tiqtír pu/i, ki tsuu/ ar tiqtír pu/i. Kudá' qatlá' ar kiwa tsu/i baraá slaqwara, ki tsuu/ baraá slaqwara, kudá' ta tsu/i ar qwari, ki hhaamiis ar qwari, kudá' tar tlay baraá loohaay, aqo kin ar tláy.›

YEREMIA 15:4

Aníng inooín in gár dae tlaaq tleéhh dír waawuti'iima sleémeero ar daanduú yaamuwo, asma tlakweemaadá' Manase garmoó Hesekia aa tleéhh baraá Yerusalemuro, qoomár tawa waawutmoó Yuda.

YEREMIA 21:7

Anuú AAKOÓ MUNGÚ an kah, «Aluuwo kuúng Sedekía, waawutmoó Yuda, sagadiyuuseerók nee múk baraá gixsarí diriia, kudá' pu/i a meetís nee qwari nee slaqwara, aníng in haniís baraá dabaá waawutmo Nebukadnesa oo Babuloni, nee baraá dabaá wakuuserhúng, tidá' kuungá' nu slakaat. Kuungá' Nebukadnesa nun tsuu/ ar paánga, nee nu baloó gurtlayká, laqaá nu geemayká, laqaá nu ilamuruutiiká, anuú AAKOÓ MUNGÚ tí an káh.»

YEREMIA 29:17

Anuú AAKOÓ MUNGÚ Aleesleemusmo a kah, ‹Qaytsité', aníng slaqwara an huúw, nee qwari, nee tiqtír pu/i. Aníng i adór /aantsito'ór aa kufut tleéhh, tam /ayma ga ya/aandaaká.

YEREMIA 29:18

Aníng in aldáh ar slaqwara, nee giyeé nee tiqtír pu/i. Inooín ngiri adór gár ta waki tleéhh baraá waawuti'iima sleémeero ar yaamuwo. Inooín tari gár ta lu'umisi, nee gár waa/oo/amór huwahuuw nee gár ta waaqaaqai baraá xoordu sleémeero kudá' ngay guusi.

YEREMIA 32:24

«Ga/aaweek, múk Kaldayo gixsa gaa harweér ar ufér hhape, as kawa haraadahi nee kawa hayoohi, asma mukwí kuna baraá dabaá múk Kaldayo i qaás ar slaqwara nee giyeé nee tiqtír pu/i. Tidá' kuúng taa kát, ga/aaweek, naa hardát nee ilaawoge aga aán.

YEREMIA 32:25

Tam adoorihe Aakoó MUNGÚ kuúng aníng ina beér, ‹Qaymo tlaxweek ar peésa nee lamabu'uuse ka qás,› tam gixsa kaa hayoohi nee múk Kaldayo.»

YEREMIA 32:36

Hám daxta AAKOÓ MUNGÚ, Munguú múk Israeli, i kaahi, Yeremía, mukwí i kaahi, «Gixsarí ka haniis baraá dabaá waawutmoó Babuloni ar loohír slaqwara nee giyeé nee tiqtír pu/i, ala aníng a kah,

YEREMIA 34:8

Kaangwí an axweesantadár AAKOÓ MUNGÚ Yeremia aa axaás, alaá waawutmo Sedekia nee muu sleémeero oo Yerusalemu al'axweesani ngiwa qaasiyé', ar muu kuwa gweeri baraá tseegamooro.

YEREMIA 38:2

AAKOÓ MUNGÚ i kaahi, «Heé baraá gixsárí meét ku gaas ar paánga, nee ar giyeé nee ar tiqtír pu/i. Kudá' haragwaá' amór múk Kaldayo, slafiingós gu /iis. Tam lawaalmoowo ala slafiingós gwaa /iís.»

WA/AA/I 1:8

Gixsár Yerusalemu tlakweemaá ur gaa tléhh, gawaá adoorihe iri slasla/aruúr. Mukdá' geeraawo gaa ilaiwawaa/ gaa waaqaá', as ngiwa /aankwets ariyé', tam adoorihe inós i baraá /ifo iri alií warqeér.

DANIELI 6:24

Waawutmo hara'aya gari oó' ar mukdá' Danieli gwa safool kuwa uhin nee kiwa kwakwahhi baraá mar'idár direeri dinkwa nee tlaaway'ine nee na/ii'ine. Inooín kina gawa aleeáy nee direeri nee kiri faák dír nira hardihii'iiká faduuín kiri suwawa'án.

Matayo 7:2

Asma sakwasleemadá' kuungá' muu kur sakwasleemuta', kingi kuungár sakwasleemuut. Harqoomaydá' tar qoomeemesa', kungu dirhúng i qoomeemees sleeme.

Galatia 6:7

Miti kiloohúng al/agiimara'. Mungú ku niqaaqinká. Umuúqo gár hee i dahaasin, an tidá' i bu'un.

DABE 19:19

naagáy kwasleemaadá' ka tsatá' adoodá' lamabu'usmoodá' geeraawo heedaádá' ngu laqtá wa slai, ka inósí tleehhi. Adoorí an adoodá' tlakweema kir hingeesa' baraá tla/angwhunge.

DABE 28:25

«AAKOÓ MUNGÚ wakuuserók ga /uurií haniis, kuúng uri bál slaqwaraaro. Kuúng nee inooín tin dogá' ar loohír wák, ala kuúng tari gop ar lohdu faanqw. Kuúng turi aahh baraá waawuti'iima sleémeerowo.

DABE 28:64

«AAKOÓ MUNGÚ kuúng un diyaa/ baraá tla/ángw xoordu sleémeero iimír bihhaá wák awa yaamu ay bihhaá hatlá'. Amoodae munguaá hatlá' awa xaai nee tlaa/e kiri sagadiyús, awa kuúng ta xu'uká, laqaá baabi'iiwók.

Yakobo 2:13

Asma sakwasleema i gurtleemuú koondaaká dír heedaádá' gurtleemu gwa tleehhiikahe. Ala heedaádá' gurtleemu gwa tleehh, gár i da'ayumiiti i káhh dír geeraá kwasleemaro.

Geehhoeemaá 16:6

Asma inooín tseerér mukdá' hhohhó' oo Mungú, nee ar aaruuse kana ku'uús, nee hám kuúng inooín iga tseerér i hanís kawa wahi. Nee adoorí a adór hariim dir'ine.»