YEREMIA 34:14 - Biblía Axweesantá Hhohho' ar Mungú 2004

¹⁴ umuú kurkú faanqwe, umuú heewo dirhunge, hhiyaawós oo Yahudi kudá' ta dirósí weeriís, aqo gun gweer alaá lawaali'iimár kureeraá lahhooe. Kár ala baabi'iihúng tidá' aníng ngaa báw, ngaa axasi'iiká, nee ngaa iiárií qaasi'iiká.

YEREMIA 34:14 Iomraidhean Croise

1 WAAWITÁ 21:25

Heé adór Ahabu ga áw i kaahh oo taa kilós weeriis tlakweema tlehhtuwo dír geeraá Munguhe, kudá' taa mihaayín nee hareerós Yesebeli.

1 WAAWITÁ 9:22

Ala Solomon múk Israeli tam heé wák i kaahh oo aa gadiyér gawítí sláy, ala inooín a slaqwaruuse, geeraharuuse nee geeraharuuseerós ar slaqwaruuse, nee mukdá' urén oo gaarduuwós awa ta uuruxun, nee mukduú farsuuwós i tsa/aa/ám.

2 QOM'I 28:10

Hám daxta múk Yuda nee oo Yerusalemu in lawaalerhúng waá oohár wa sla'á'a? Xáy, kuungá' hamí a tsatsahhaanda'akáhe adór tlakweema kira tlehhé' dír AAKOÓ MUNGÚ, Munguúhunge?

2 QOM'I 36:16

Ala inooín tana kumiít ya/abuuseedá' Mungú aa ya/abiít ngiwa niqina', nee axweesantós ngiwa siaasi'iya', nee aaruuseerós ngiwa waaqaseesena'. AAKOÓ MUNGÚ mukós guri ló'wa i buúhh, tam adór ni kotsqotiya' iri qwát.

NEHEMIA 9:30

Ina saqiqtlaatliín har afiqoomár kureeraá yaariire, kiri gurbu'uún ar qeeruuwók ar loohír aaruseerók, tam nee tihe naa axasi'iiká. Gawaá adoorihe kiri qás gawaá dabaá xoordaá yaamuudá'.

ISAYA 50:1

AAKOÓ MUNGÚ i kaahi, «Slaambare/idá' aayorhúng aníng ngiwa talaákár i haniís i amá? Laqaá aníng kuungá' heé nuy weeriís a heemá oo aníng i iinuús? Ga/aawaak, kuungá' tunduna weeriís as tlakweemaahúng. Aayorhúng kinga guús as dakuúsarhúng.

ISAYA 58:6

Gwaawitór aníng ni slaa' a tí: Mukdaádá' taa tawo tsegiít kuwa gweda' him'eedá' muu kura tsegiít kawa gweda'. Mukdá' ta baramaanuusi amohhooa ngiwa slay, nee umuú taaqwanto kawa giqeera'.

YEREMIA 11:7

Asma baabi'iihúng ina ló'wa gurbuú' qoomár ngiwa duúx baraá yaamaá Misrír wa aleeró, nee ana kumamiít nanaqaango ay laarí niwa kah, ‹Afór'eé' iialooeesaak.›

YEREMIA 32:30

Asma múk Israeli nee oo Yuda gár hatlá' dír ilaaeene ni tlehhaahhitiya' i káhh, aqo har tlakweema kilooín iimír masoombi'iimar'ine. Inooín gár naa tleehhiyé' i káhh, aqo har aníng ina buhhtamiisiyé' ar gadiyér dabaaín. Anuú AAKOÓ MUNGÚ tí ngina oó'.

YEREMIA 35:15

Umuú daqto nuna sagadiyuuser'eé' ya/abiít ar aaruuse, umuú daqto ngina ya/abiít, niwa káh, ‹Umuú heewo tlehhmi'iiwós kudá' tlakw ngi may, tlehhmi'iiwós ngi qwatsi, nee slaqsa'aá hatlá' munguaá eeharto nee sluufmisuuwo ngi may. Adoorí bara tlehhé', a hotá' baraá yaamuudá' naa baabi'iihúng i haniís.› Kár ala kuungá' iia aga qasi'iiká, laqaá tidá' naa káh aga iialooeesi'iiká.

ESEKIELI 20:4

«Heewí, kuúng taa amohhe'ési mukwí kuwa sakwasleemut? Gimáy sakwasleemuuteek. Bariiseerí ka inslawtís daanduú tidá' aa tlehhi.

ESEKIELI 20:8

Ala ina aahhiyé', slám iga iiaárií qaasi'iiká. Tam heé wák i kaahh oo muruudá' aníng ni ahhiit, kudá' inooín i slaiya', gwaa may tlehhtuuwo, sleeme inooín slaqsi'iidaá munguaá yaamaá Misri ngaa may'iiká. Naagáy niri oó', ‹In i buúhh dír ir baraá yaamaá Misrír i kahhiya'.›

TLAHHOÓ LAÁWI 25:10

Kurkú mibeeri kooán un ilaiwa/á' ar lawaale sleémeero kawa gweeri baraá yaamuwo. Kurkudá' tay kurkú taa paraátl oo deelór ur oo inslaslángw kureeraá mibeeri kooán. Umuúqo heewo daqaari'iimarós gari inkii/ nee múk do'ose.

AMOS 2:6

AAKOÓ MUNGÚ i kaahi, «Aníng múk Israeli muxtaaro u mawaaká, as tlakweema ngiwa tlehhaahhitiyé'. Asma inooín múk gan'amuú koóm nguna weeramiisiyé' ar peésa, nee narkuutmoó iinár niina gaa harslaaqaat bu'utuwo kuna weeriís ar ya/atá tsár.

AMOS 8:6

As daqaní atén múk narkuute kurí tlaxwaán ar peésa, nee múk aleeleém kuri tlaxuumaán ar tlaxór ya/ata', nee angaáno kuri muundoó al weerisaán.»

Rumi 7:24

Aníng a liitlakusmo ador'eé' tí ka ló'wa gawit. Heé aníng i ba/amís dír slaqwtír gwa'araaro a heemá?

DABE 15:1

«Umuú kurkú faanqwe alhhe'eesaywós bira xáy, muu sleémeero kudá' kuungá' ta iinusa' un gurtleerá'.

DABE 15:12

«Barnaxes hhiyaawók laqaá hho'oorók ar Ebrania bar kinga dirógí weeriís, uri sagadiyús kureeri lahhoó', ala bál kurkú faanqwe an gwét,

DABE 15:9

Ti ló'wa harmagahhe', inslawoó tlákw munduwa áy, tari oa', ‹Kurkú faanqw, kurkú iinuuse kawa gurtlawaan naa nakaá/.› Nee kuungá' hhaeehúng awa aleelemá' kiri siá' kirkitimisuwo, nee inooín niri dír AAKOÓ MUNGÚ i /aa/iyá' as kuungá', nee gaarí iri tlakweema tleehhít dirhunge.