YEREMIA 34:11 - Biblía Axweesantá Hhohho' ar Mungú 2004

¹¹ Aluuwo inslaway'ín kuri warqeés, tari kumiít muu kuwa lawaalér wa ohin, hhawaate nee /ameenaaro, kudá' aáng taa gweér.

YEREMIA 34:11 Iomraidhean Croise

WARA'AMI 125:5

Ala kudaádá' naa warqaye' baraá lohaá tlakw, AAKOÓ MUNGÚ gi qwaarees dinkwa nee múk tlakweemá tlehhahhiít. Amohhooa masók i dír Israeli!

WARA'AMI 36:3

Ala inós a lamusmo nee foolusmo, sagalooa nee tlehhma'aá hhohho' gaa máy.

TI'INAANGW 8:15

Ala Farao tsiní ngiwa ár, muunaáwós guri gawdeés, inooín gaa sangw iiárií qaasiiká adoodá' AAKOÓ MUNGÚ ngira oó'.

TI'INAANGW 8:8

Farao Mose nee Aroni giri ateét, giri báy, «AAKOÓ MUNGÚ firiimaak as aamaxupaarí ngiwa hingeesi dir'eene nee dír muk'eene. Daqaní aníng múk Israeli u geemáw as ilahhooár muruú ta tsu/i ngiwa haniisár aya' dír AAKOÓ MUNGÚ.»

TI'INAANGW 9:28

AAKOÓ MUNGÚ firiimare', kwarara/aarí nee tluwaywuú tlaa/eewo oo AAKOÓ MUNGÚ a ido daxta. Aníng nu geemáw, ma baraakaá wa male hootara'.»

AXWEESANOÓ SAGALOOA 26:11

Adoodár seeay wa/ariiwós ngir inkaaki/i, tam daktana sleeme aqo in kí/ baraá daktu'uumar'ín.

DAHARUSMO 8:11

Gár muu is kumamiti tlakweema tlehhtuwo, asma tlakweema ki gaanslár sakwasleemutiiká.

YEREMIA 34:10

Muu sleémeero nee geeraharuuser'ín, kudá' alqadoodá' ngaa ya/ane' tari kaahi slayé', as lawaale kawa gweeri ar hhawaate nee /ameenaaro, nee tawa kumiitiiká muu lawaalér wa ohiingo. Inooín muu kuri gweér.

YEREMIA 34:12

Aluuwo axweesantá AAKOÓ MUNGÚ Yeremia gari axaás, i kat,

YEREMIA 34:16

Aluuwo kuungá' tari daambaraatsité', umuueé' kuri meetagasé', qoomár lawaale sleémeero tidá' taa gwedité', ar hhawaate nee /ameenaaro, kawa malé ohiindé', kari ki/isé' ar /uuru baraá lawaali'iima.›

YEREMIA 34:21

Sedekia waawutmoó Yuda dinkwa nee geeraharuuseerós, aníng in qaás baraá dabaá wakuuser'ín, nee baraá dabaá mukdá' inooín tsu/utár wa slaá', nee baraá dabaá slaqwaruusér waawutmoó Babuloni, kudá' slaqwara ngaa maye', nu i haratlatlawa'aaká.

YEREMIA 37:5

Slám askaárír Misri ar Farao nina ayaaín wa tleér, nee slaqwaruusér Kaldayo tidá' gixsár Yerusalemu ga harwet, adoorí ngiwa axaás, tari quútl.

HOSEA 6:4

Israéli, aníng kuúng adór u laaq? Yúda, aníng kuúng adór u laaq? Asma sla'aarirhúng a adór tlaangír matlaatle, nee adór hara'uú tseewa huú'.

HOSEA 7:16

Inooín i mak kiki/iyá', ala a amór Munguú gáwtí diriaaká. Inooín a adór ga/alér waslarmoowós aa slakwekwe'eet. Muk'ín oo urén ku daasl ar paánga, asma afa kaharemaaín. Inooín kiri niqín baraá yaamaá Misriro.

SEFANIA 1:6

Mukdá' AAKOÓ MUNGÚ eeharto aa alií kii/, nee kudá' AAKOÓ MUNGÚ ngu leeleehhita'aaká, sleeme ngu yaahamisia'aaká.»

1 SAMUELI 24:19

Asma baraá hotaariro hee bar wakusmoowós ngwaa ár, xáy, guqo tawo máya iwa tlay ar amohhooa dír geeraawós wa ale? AAKOÓ MUNGÚ kuúng u hhooeemáy tleehhi, as tí kuúng naa aníng i tléhh laarí.

1 SAMUELI 26:21

Saulo guri báy, «Aníng dakuús aga tleéhh. Ki/ang garmaaeé' Daudi, án kuúng u gár tlaákwií tleehhaaká, as laarí slafingw'eé' a gár afhhamít dír geeraawoge. Aníng aga daktu'uút nee kángw kilae aga tlakweés.»