YEREMIA 34:1 - Biblía Axweesantá Hhohho' ar Mungú 2004

¹ Qoomár waawutmo Nebukadnesa oo Babuloni nee slaqwaruuseerós, nee slaqwaruusér xoordaá hatlá', kudá' inós aa baál, tawa slaqwi nee Yerusalemu nee gixsadaá iisaapaydá'. Axweesantá AAKOÓ MUNGÚ Yeremia gana axaás, i kat,

YEREMIA 34:1 Iomraidhean Croise

YEREMIA 1:15

Asma aníng waawuti'iima sleémeero ar bihhaá /iya nee tlahhi'ii'ine ngi tleés. Waawitaáwós sleémeero nin hardah, umuú waawutmowo kitaangós oo waawuti'iima guri qaas dír afér gixsár Yerusalemu, koo/irós badu sleémeerowo kari harweer nee gixsadaá Yuda sleémeero kiri harweer.

YEREMIA 21:2

«Na'ás, ti aleefiriin dír AAKOÓ MUNGUHE, asma Nebukadnesa waawutmoó Babuloni slaqwara gaa iimu/ún daanduurene. Doóqa AAKOÓ MUNGÚ tlehhmuú waa/oo/amo gu tleehh, adoodá' ngur tlehhaahhiti, nee daqaní Nebukadnesa doóqa atén ti máy, iri tláy.»

YEREMIA 32:1

Yeremia axweesantá AAKOÓ MUNGÚ gana axaás qoomár Sedekia waawutmoó Yuda kureeriiwós tawa mibaangw baraá waawuti'iimaro. Kurkudá' an kurkú mibaá nee dakaát oo waawuti'iimár Nebukadnesa.

YEREMIA 32:2

Qoomaarihe askaárír waawutmoó Babuloni gixsár Yerusalemu gana harwét, nee aarusmo Yeremia kwaa ilaá/ baraá matla/ángw doó xuuma, kuduú baraá doó waawuti'iimár Yuda.

YEREMIA 34:7

Qoomaarihe slaqwaruusér waawutmoó Babuloni ta slaaqw nee gixsár Yerusalemu, nee gixsadaá hatlá' awa Yuda, kudá' naa meetiye' adór gixsár Lakishi nee Aseka, asma an gixsadaá koo/i gawden baraá yaamaá Yudawo.

DANIELI 4:1

«Anuú waawutmo Nebukadnesa kuungá' xoordu sleémeero nee tlahh'i sleémeero nee tsifri sleémeero ar gawaá daanduú yaamu sleémeero gooír naa gooiím ngi ya/aáw amorhúng. Aníng kuungá' nun waydú yaariír i slaá'.

DANIELI 4:22

«Gimáy, xa'anoodá' an kuúng waawutámo, kudá' aa uraaray nee /uuruú koóm. Yangareemaawók naa hardihiyé' ay gawaá doori nee waawuti'iimarók aa iia tleeruúr ay alhhe'eesoó yaamu.

DANIELI 5:19

Asma uraydá' ngway haniisi, múk tlahh'i sleémeero, nee xoordu sleémeero nee tsifri sleémeerowo nguna sadaaraaxiyé' nee nguna da'ayumitiyé', Nebukadnesa heé i gaasár wa slai aqo guna gaás, nee kudá' i slafíngw ár slai guna slafíngwí máy. Heedaádá' aa urár slaá' aqo gun uráy haniis, nee kudá' i hingeesár wa slai baraá waawuti'iimaro aqo gun hingees.