YEREMIA 33:7 - Biblía Axweesantá Hhohho' ar Mungú 2004

⁷ Múk Yuda nee oo Israeliro u malé diihhooárí haniís. Aníng inooín in gawdeés, ngiri adoodár aáng i ki/ís.

YEREMIA 33:7 Iomraidhean Croise

WARA'AMI 126:1

AAKOÓ MUNGÚ tiwa malé ki/ís Siyoni, a adór tlata direne.

WARA'AMI 126:4

Aá AAKOÓ MUNGÚ, mukrén kudá' taa tseék baraá yaamaá hatlá' ki/isang, adór ma'aá taa wa/ás baraá xaanxoó Negebu.

WARA'AMI 14:7

Masók ba/amár múk Israeli ni Siyonír dáhh! AAKOÓ MUNGÚ hariímár mukós birnga ki/ís, múk Israeli iri qwalalaa/, xwaylár Yakobo iri bará/.

WARA'AMI 85:1

AAKOÓ MUNGÚ, yaamuuwók iga wangexwát, slám Yakobo ugwa hariímarós tida' hhoo' i ki/ís.

ISAYA 1:26

Aníng har'ohuuseerók a /abeemáy ki/ís, adoodár bál qaro, nee hara'ayuuseerók a /abeemáy ki/ís, adoodár bál geera. Aluuwo kiíng tiri bay, ‹Gixsár hota ganaa', gixsár inkihhím.› »

ISAYA 52:8

Afór xuumuuseerók iiárií qaaseek, i dinkwár wa dá' ar qwala/, asma adoodá' AAKOÓ MUNGÚ nira kií/ Siyoni ilaaínaá kilae ngaa ariyé'.

YEREMIA 23:3

Naagáy aníng bee/angw'eé' kudá' aa meet un burumbuúr baraá yaamu sleémeerowo, amoodá' ngway diyaá/, ngiri ki/ís baraá qawtanti'ín. Inooín niri laqwaaliyá', niri dooginá'.

YEREMIA 24:6

Aníng i ló'wa de'eém daqisleeme, nee ngiri ki/ís baraá yaamuuká'. Aníng inooín i malé tleéhh, i baloó fee/aaká. Aníng inooín i dahaás adór balaangw, ala i tu/umaaká.

YEREMIA 29:14

Aníng kuungá' i sleerá'. Aníng diihhooarhúng ngi ki/ís, nee nuri burumbuúr baraá xoordu sleémeerowo, nee umuú diiro amoodá' nay diyaá/. Nuri ki/ís amoodá' nay diyaa/i, amoodár yaamaá nuy loohatís. Anuú AAKOÓ MUNGÚ tí ngina oó'.›

YEREMIA 30:18

Anuú AAKOÓ MUNGÚ a kah, «Aníng diihhooár hotaá doó Yakobo a ki/ís. Nee hotaaín i gurtláw, nee gixsa ka tleehh gawaá taangoorós, doó waawutmo ku tleehh didá' aáng i dirii'i.

YEREMIA 30:20

Na/ii'ín aqo adoodá' aáng tay dirii'i, dinku'uumar'ín geeraaeene ka gawdes. Aníng mukdá' sleémeero inooín gi baramaanuusá' in muúx.

YEREMIA 30:3

Asma ga/aaweek, deelo i hardát ar muk'eé' oo Israeli nee oo Yuda nguwa diihhooár i ki/is. Aníng inooín in ki/ís baraá yaamuudá' naa taati'ii'ín i haniís, nee inooín ngiri aaliyá'. Anuú AAKOÓ MUNGÚ tí ngina oó'.»

YEREMIA 31:28

Adoodá' aníng tir inkihhím ngiwa tu/uúm, ngiwa fe/iít, ngiwa daraáhh, ngiwa hhititiím nee ngiwa slahh'eemiís, nee ti inkihhím ngiwa malé dahaas nee ngiwa malé tleehh.

YEREMIA 31:38

AAKOÓ MUNGÚ i kaahi, «Deelo i hardát ar gixsár Yerusalemu kawa malé /abeesi tleehharo as AAKOÓ MUNGÚ, iimír /Aampár Hananeli ay dír Afkuduú dír Koo/i niwa warqeér.

YEREMIA 31:4

Aníng kuúng un male tleéhh, nee kuúng adoodá' aáng tay diri' kay i kí/, aá Israeli, kuúnguudá' hhoohhoó'. Kuúng xoosladár ni/ima kari male taatáhh as tawa ni/iin ar qwal/uú úr oo bara/.

YEREMIA 32:44

Muu qamu gin tlaxún ar peésa, gooidá' qamu kir aali kan gooín nee kari dugenií qaas nee lamabu'uuseero. Adoorí kan tleehh baraá yaamaá Benyamini, nee iisaapoó Yerusalemu, nee baraá gixsadaá yaamaá Yuda, nee baraá gixsadaá yaamaá tlom'i, nee baraá gixsadaá Shefela, nee baraá gixsadaá xaanxoó Negebu. Asma aníng inooín i malé diihhooárí ki/ís. Anuú AAKOÓ MUNGÚ tí ngina oó'.»

YEREMIA 33:11

afór qaseengw nee ar bara/ a malé axasá', nee afór ni/imár /ayla, nee afór daa'ángw múk ilahhooár sluufoó huwahuúw dír doó AAKOÓ MUNGÚ ar kah, ‹AAKOÓ MUNGÚ Aleesleemusmo sluufmiisaak, asma AAKOÓ MUNGÚ ku hhoó'. Sla'aarirós ar warqawaaká in kumaamít ay alhhe'eesay wasle.› Aníng yaamuuká' i diihhooar'ín tidár aángií ki/ís. Anuú AAKOÓ MUNGÚ tí ngina oó'.»

YEREMIA 33:26

daqaní aníng xwaylár Yakobo nee Daudi sagadiyusmooeé' aga sií', nee heé wák u tsawaaraaká oo xwaylár Abrahamu, nee Isaka nee Yakobo ga sawaawuti'iím. Asma aníng muk'eé' un diihhooárí ki/ís nee nguri gurtláw.› »

YEREMIA 42:10

‹Barnaxes kuungá' a metá' baraá yaamuuká', daqaní án kuungá' nu tleemaír i haniís, nu qwaareesaaká, nu male harma/atís, nu tu/aaká. Asma aníng inslaway'eé' u warqeés daanduú amotlakweedá' naa kuungá' i tleehhi.›

YEREMIA 50:4

AAKOÓ MUNGÚ, Munguú Israeli i kaahi, «Qoomaadae nee daqtadae, múk Yuda ta buruumburiit dinkwaárí ale nee tari kii/ ar /aa/e tawa anuú AAKOÓ MUNGÚ, Munguúín leelehhiiti.

WA/AA/I 4:22

Kuungaá múk Siyoni, muxtár tlakweemaahúng aa fák, kuungá' daxta tundu baraá looháy mayká. Ala kuungaá Edómu, tundun muux as tlakweemaahúng, tlakweemaahúng gin geehhooees.

ESEKIELI 39:25

«Gawaá adoorihe anuú Aakoó MUNGÚ ana oó', Hám daxta múk Israeli, xwaylár Yakobo in gurtláw ngiri dihhooar'ín i ki/ís. Aníng umuú daqisleeme gár ni slaa' a umuueé' kudá' hhoohhoó' kuwa ilaiwawa/i.

HOSEA 2:15

Aníng qamuuwós awa sabiíbu ngay amoodá' wa haniís, nee xatstá Akori tidá' ta bay slahh'amaaye tari harahhifoorós. Inós aníng iri ya/aán ar adoodá' aáng ngira sa'axweés tawa /amaatliito'o, nee adór qoomaadá' niwa ti'ít Misrír wa ale.

SEFANIA 3:20

Qoomár aníng kuungá' burna baraá yaamuuhúngií ki/ís, bál burna dinkwaárií burumbuúr, Baalaadae aníng kuungá' nun iia tleereés nuri xirfayeés. Baraá tla/ángw xoordu sleémeerowo, awa baraá yaamuwo. Bál diihhooarhúng birnga ki/ís, kuungá kilá' ilahunge kari aandá'. Anuú AAKOÓ MUNGÚ tí ngina oó'.»

SEKARIA 1:17

Malaykamoodá' iri báy, «Ya/abtorír hatlá' waahheek, AAKOÓ MUNGÚ Aleesleemusmo i kaahi, ‹Gixsaduueé' niri diihhe'eesiyá'. Anuú AAKOÓ MUNGÚ gixsár Siyoni ngiri gurkwa/ás.› »