YEREMIA 33:4 - Biblía Axweesantá Hhohho' ar Mungú 2004

⁴ Asma anuú AAKOÓ MUNGÚ, Munguú Israeli, a kah daanduú maraá gixsár Yerusalemuro nee maraá waawituú Yudawo, marayká' kina feé/ as kahhó' kiwa ufér hhapérár tlehha', as tiwa xuunda' nee mukdá' slaáqw oo gixsa ngaa harweer.

YEREMIA 33:4 Iomraidhean Croise

ISAYA 22:10

Kuungá' maraá baraá gixsár Yerusalemu kiri tsee/aarindé', kiri fe/ité' as tlaa/eedá' kiwa koo/ír gixsárár gawdesa'.

ISAYA 32:13

nee as yaamaá muk'eé' kudá' tinda alti'iít nee fuquráy nee laqaya', maraay kudá' naa hatsiye' múk qwalaala/a, nee as gixsaduudá' qwalaala/á'.

ISAYA 32:14

Asma do'oduú waawuti'iima ku kilós geexáy, nee gixaarí muu yaariir ka xaanxaay tleehh, goongooama' nee /aampudá' tawa xun, i mar'o tleehhitiyá' ay kureeraá kureér, daqoó darma iri baraadá' wa qwalalaa/, gixsadá' iri qawtantá bee/aangw tleehhít.

YEREMIA 32:24

«Ga/aaweek, múk Kaldayo gixsa gaa harweér ar ufér hhape, as kawa haraadahi nee kawa hayoohi, asma mukwí kuna baraá dabaá múk Kaldayo i qaás ar slaqwara nee giyeé nee tiqtír pu/i. Tidá' kuúng taa kát, ga/aaweek, naa hardát nee ilaawoge aga aán.

YEREMIA 6:6

AAKOÓ MUNGÚ Aleesleemusmo i kaahi, «Xaaiwós tsataak, koo/ír Yerusalemu ka hhapeérí ki/isá' bihhe sleémeero. Gixsarí i hariín kawa sakwasleemuti, asma gár aa hats baraawose a /ayta.

WA/AA/I 2:7

Aako kitaangós kuduú ilahhooa gwaa niqín, dirós tidá' hhoohhoo' gaa sií', Do'ós kuduú waawuti'iima gwaa qaás gawaá dabaá wakuuse, niri tsimahhuusiyé' baraá Doó Mungú wa alé adór múk baraá deelór úr i dirií'.

ESEKIELI 21:22

Mahangwdá' aa dakós oo doó /iyáy huu', gár i laqaaqan a kángw Yerusalemu. Xooslár gixsa fee/a gari amohhe'ees, kángw tsu/uta nee tsimaahhír slaqwara guri oo', xooslár afkú gixsa fee/a kaa amohhe'eés, slumaá gixsa ngaa harweeriye' nee /aampu kina tleéhh.

ESEKIELI 26:8

Inós gixsadaá inslaawaywók kudá' baraá aya giri hhaamiis. Kiíng tiri haraweel badu sleémeero adór koo/i, ufér hhape kari dalaa/ dír koo/irók, kari tuuntuuk ar gaambu as tiwa baraadií ilaa/i.

ESEKIELI 4:2

Laqaameek, adór kara harweér. Slaqsoó koo/irós nee slumtós bihhaawósí gooimeek, slumaá slaqwaruuse bihhaawós i tleehheek, nee gufteeraá gixsa kar fe/iiti.

HABAKUKI 1:10

Inooín waawitá ngun niqiná', nee múk urén kuri harneet, koo/ír gixsa dir'ine a gár waaniqaay, ngin hhapeérí dalaa/iyá', gixsadá' kari hayoh.

DABE 20:20

Xaa'aá hatlá' awa mamuuín ta /ayiiká tlaqaak ki /aampúr tlehhá' awa ta gixsár ar harwedá' ay dír kay hayota'.»