YEREMIA 33:24 - Biblía Axweesantá Hhohho' ar Mungú 2004

²⁴ «Xáy kuúng aga axaskáhe mukwí iwa kaahi, ‹AAKOÓ MUNGÚ marayká' tsár aa tsawaár gaa sií'.› Inooín muk'eé' nguna waaqaaiyé', dir'ine tari xoororooká.

YEREMIA 33:24 Iomraidhean Croise

WARA'AMI 71:11

Ta kaahi, «Mungú gwa geexáy, eeharaak, oohaak, asma heé gu tuú/ i kaahh.»

WARA'AMI 83:4

I kaahiya', «Qwalaas, xooror'ín a hhaamisaán, masók umkuú Israeli ku inslayká!»

WARA'AMI 83:5

Taa kaahi slayé' ar muunuú wák, nee tiri dabe oohiyé' as tiwa tlaampa'aasiya' nee kuúng.

WARA'AMI 94:14

Asma AAKOÓ MUNGÚ mukós gu mayká, aalirós ga gunqareesiiká.

ISAYA 11:13

Da/itá Efraimu i fák, nee kudá' Yuda ngu dae tlaaqá' ki amór saáwí hingees, múk Efraimu i tloomaatlonká as múk Yuda, múk Yuda oo Efraimu gu daetlaaqiiká.

ISAYA 7:17

AAKOÓ MUNGÚ kuúng nee mukoge, nee múk doó waawutmo sleémeero, nun slahh'amuú yaariír huuw, oo adór kuduú múk Efraimu nee oo Yuda tiwa paraatliyé' ba/a, nun waawutmoó Ashúrúrí tleés as nuwa i haratlay.»

YEREMIA 3:7

Aníng ngi xuu' tí sleémeero tleehharo birnga hhe'eesiyé' ni amor'eé' ki/iyá'. Ala naa baloó amor'eénií ki/i'iiká. Nee hhaeeín awa Yuda sleémeero ngaa ariyé'.

YEREMIA 3:8

Múk Yuda fuqtá múk Israeli kudá' inkihhimu wásl gana ga/aa/áy, inooínaadá' aníng naa sií'. Ala hhaeekaá lamuuse awa Yuda naa da'ayuti'iiká, nina tlayé' niri fuqtá ayé'.

YEREMIA 30:17

AAKOÓ MUNGÚ i kaahi, aníng kuungá' nu slaqwa hhooárí ki/ís nee inkahhi'iihúng i hungu/uús. Tam kuungá' tunda bayi, ‹Múk taa kwaáhh, gixsár Siyoni, tidá' ta amohhe'eemisiiká.› »

YEREMIA 31:36

Aníng a kah, ‹Ala barnaxés hara'ayar'eé' tí naa oó' aa hhitirút dír geeraaeene, daqaní i ya/aán sleeme múk Israeli tawa xooror'eeneeká kureerisleém.› »

YEREMIA 31:37

AAKOÓ MUNGÚ i kaahi, «Barnaxés doori qoomeesaro ki aleesláy, nee bar iihhafiirír yaamu xuuxuuaro ka aleesláy, daqaní aníng sleeme múk Israeli u kwaáhh amór saaw, asma muruudá' inooín sleémeero taa tleéhh.» Anuú AAKOÓ MUNGÚ tí ngina oó'.

YEREMIA 33:23

Axweesantá AAKOÓ MUNGÚ Yeremia gari axaás i kat,

YEREMIA 33:26

daqaní aníng xwaylár Yakobo nee Daudi sagadiyusmooeé' aga sií', nee heé wák u tsawaaraaká oo xwaylár Abrahamu, nee Isaka nee Yakobo ga sawaawuti'iím. Asma aníng muk'eé' un diihhooárí ki/ís nee nguri gurtláw.› »

YEREMIA 51:5

Asma múk Israeli nee oo Yuda kwaa gunqareesiiká nee AAKOÓ MUNGÚ Aleesleemusmo, Munguúín, tam yaamuuín naa hatsii'i tlakweemaawo, geeraá Kudá' Hhoohhoó' oo Israeliro.

WA/AA/I 4:15

Muu gina i tseeamín, ta kaahi, «Quutlé'! Kuungaásingá' slasla/aren, quutlé', quutlé'. Ma gaa kwatiitara'!» An gár tas múk haleleamiít nee oo tongaanuús. Múk xoordu iri oó', «Mukwí ayaarene u dahaasanaaká.»

ESEKIELI 25:3

Múk Amoni ku beer, Axweesantá Aakoó MUNGÚ iiaárií qaasaak, Aakoó MUNGÚ i kaahi, Kuungá' qoomár dír hotaaeé' kawa meetagaás, alaá múk Israeli kuwa hhaamiís, nee múk Yuda kuwa loohatmisi, ana niqár oé', ‹Ahaá ala›.

ESEKIELI 26:2

«Heewí, múk Tiro, múk Yerusalemu ngwa sawaaqasené' tawa kaahi, ‹Ahaá ala, Yerusalemu gixsadá' muu sleémeero ira waaraáhh, kaa hhaáf, daxta atén pa/aangw ugwa slawaán, daqaari'iimarós kaa hhitín.›

ESEKIELI 36:2

Anuú Aakoó MUNGÚ a kah, ‹Wakuuserhúng naa niqís nee inooín ta kaahi, kuungá' aga aalir'ín tleehhité'.›

ESEKIELI 36:20

Tam qoomaadá' tawa baraá tla/ángw xoordaá hatlá', umuueé' nguna /oosliisliné', tam muu tari oó' daanduuine, ‹Ga/aawaak, mukwí an kuduú AAKOÓ MUNGÚ, ala inooín kina loohatís baraá yaamuuwose ar /uuru.›

ESEKIELI 37:11

Aluuwo AAKOÓ MUNGÚ iri báy, «Heewí, faduusingá' a múk Israeli sleémeero. Inooín ta kaahi, ‹Faduurén naa kahiyé', harahhifoorén aa fák, atén aga hhaamaán.›

ESEKIELI 37:22

Aníng ngari xoorór wák tleéhh nee ngiri qaás baraá yaamaá tlom'aá Israeli. Waawutmoó wák gi sawaawuti'ín inooín sleémeerowo. Inooín ta male kumiitiiká tawa xoordaá tsár, laqaá ti malé tsatiaaká kiwa de'en nee waawituú tsár.