YEREMIA 33:22 - Biblía Axweesantá Hhohho' ar Mungú 2004

²² Aníng faarór xwaylár sagadiyusmooeé' Daudi a doók, nee faarór kaahamuusér Mungú tidár tlahhoó Laáwiwo, tari adór tsatse/uú gawaá doori kudá' faarooro ta aslayká, nee adór hhasángw afaá tlawi.»

YEREMIA 33:22 Iomraidhean Croise

IIMU/UUNGW 13:16

Aníng xwaylarók a ureés ngari adór teerír yaamu tleéhh. Barnaxes hee teerír yaamu faarooro ga aleesláy, daqaní xwaylarók sleeme ga aleesláy faarooro.

IIMU/UUNGW 15:5

Mungú Abramu guri tsee/ií huúw, iri oó', «Gawaá doori i qaytsiteek daxta, tsatse/ faareek, bur aleesleér faarooro.» Guri malé báy, «Adoorí an adór xwaylarók i diri'.»

IIMU/UUNGW 22:17

án daxta kuúng u ló'wa tsuúq, nee xwaylarók an ló'wa tlahhás, tari adór tsatse/uú doori nee adór hhasángw afaá tlawi. Nee xwaylarók wakuuser'ín gari bál, nee gari sawaawuti'iín.

IIMU/UUNGW 28:14

Xwaylarók ka yaariir adór teerír yaamu, nee xwaylarók tsee/a gin tsát, kuúng an tsiiyayaaxát ay /uwa, da/aáw, /iya nee basa. Múk yaamu sleémeero ku tsuuq as kuúng nee na/iiwók.

WARA'AMI 22:30

Xwaylarós gu sagadiyús. Muu axweesantá AAKOÓ MUNGÚ gay alki/iit dír qartá aluú wa hi'iit.

WARA'AMI 89:29

Baraá tlahhaywose waawuti'iima i qutlká, waawuti'iimarós i hartsatángw koondaaká adór doorií wa ale.»

ISAYA 48:19

Xwaylarhúng geera a adór hhasaangw. Geera ki ló'wa ur adór hhasaangw umer'ín geeraawo ka baloó qwaareesiiká laqaá ki baloó hhaamiisiiká dír geeraaeene.»

ISAYA 66:21

Dir'ine bahh'ale aníng in tsawaár tawa adór kaahamuusér Mungú nee tawa adór tlahhoó Laáwi. Anuú AAKOÓ MUNGÚ tí ana oó'.»

YEREMIA 30:19

Muk'eé' oo didá' hoót daa'ángw sluufaay ku daa', nee afór qwal/amaaye i baraadá' wa ti'ít. Inooín nin tlahhiyá', ta baloó /aaruyká. Aníng inooín in xirfayeés, ki baloó waaqaiiká.

YEREMIA 31:37

AAKOÓ MUNGÚ i kaahi, «Barnaxés doori qoomeesaro ki aleesláy, nee bar iihhafiirír yaamu xuuxuuaro ka aleesláy, daqaní aníng sleeme múk Israeli u kwaáhh amór saaw, asma muruudá' inooín sleémeero taa tleéhh.» Anuú AAKOÓ MUNGÚ tí ngina oó'.

YEREMIA 33:18

Kaahamuusér tlahhoó Laáwi heé ilahhooár hanmís ngu baloó dakuusiaaká as ilahhooár da/a ngiwa hanmiisi daqisleém, nee ilahhooár balaango, nee ilahhooár muruú ta tsu/i ngin hanmiisiyá' ay alhhe'eesay wasle.› »

YEREMIA 33:23

Axweesantá AAKOÓ MUNGÚ Yeremia gari axaás i kat,

ESEKIELI 37:10

Naagáy aníng niri aariím adoodá' taa báy, hinsla iri dáh baraá tu'uudá', inooín niri slafíngwií ki/iyé', niri sihhiitiyé' daqtá ló'wa yaariir.

ESEKIELI 44:15

«Ala kaahamuusér Mungú ar tlahhoó Laáwi, kudaá xwaylár Sadoki, kudá' gadiyeé nga alkone' dir'eé' tidá' hhoohhooe, qoomár múk Israeli aníng iwa geexáy, kuká' an kudá' aníng i sagadiyusá' nee geeraaeé' hardáh as di/i nee tseere ngiwa haniisiya'. Anuú Aakoó MUNGÚ tí aga oó'.

HOSEA 1:10

Aluuwo faarór múk Israeli a adór hhasángw afaá tlawi oo qoomay wásl, nee oo faaroro ta aslayká. Adoodá' geeraawo kiwa bay, «Kuungá' a muk'eeneeká,» daxta kin tundun bay, «Na/aá Munguúdá' slaáf.»

SEKARIA 10:8

Aníng muk'eé' un ateét nguri dinkwaárií burumbuúr, asma iga tuú/, inooín niri adoodár aángár tlahhiyá'.

SEKARIA 12:8

Baalaadae anuú AAKOÓ MUNGÚ yaamuloouusér Yerusalemu an xuúm nee muk daqetlákw baraá tla/angw'ine tay adór Daudi, nee xwaylár Daudi tay geeraharuusér múk Yuda adór malaykamoó AAKOÓ MUNGÚ nee adór Mungú inósuú kilá'.

SEKARIA 2:4

Inós guri báy, «Ta'aaím masoomoodá' ku beer, ‹Yerusalemu kan al'iwiit nee muu, adór gixsár koo/ír koomaaká as muu kuwa yaariír, nee makaá ta de'en awa baraawós i diriiá'.

Ebrania 11:12

Gawaá adoorihe Abrahamu xwayla gari sláy, inós tam a adór heé aa gwaai. Nee heewí wák xwaylarós ka yaariir tam faarooro ka aleeslayká. Faaroorós a adór tsatse/uú gawaá doori, nee adór hhasángw baraá afaá tlawi.