YEREMIA 33:18 - Biblía Axweesantá Hhohho' ar Mungú 2004

¹⁸ Kaahamuusér tlahhoó Laáwi heé ilahhooár hanmís ngu baloó dakuusiaaká as ilahhooár da/a ngiwa hanmiisi daqisleém, nee ilahhooár balaango, nee ilahhooár muruú ta tsu/i ngin hanmiisiyá' ay alhhe'eesay wasle.› »

YEREMIA 33:18 Iomraidhean Croise

ESRA 3:5

Nee alaá adoorihe tana kumiít ilahhooár da/a hanmisuuwo, nee ilahhooár da/a as slahhángw /abén birna ti'iít, nee as ilahhooár umuúqo deelór ur ar AAKOÓ MUNGÚ tidá' tinda oó'. Nee slám ilahhooár da/a kana haniís as umuúqo heewo oo AAKOÓ MUNGÚ ngwa ilahhooár sla'aarír i haniis.

ISAYA 56:7

Mukwí aníng un huúw gawaá tloomar'eé' tidá' hhoohhoo', aníng inooín ngiri baraá dooeé' kuduú firór wa qwal/atamís. Ilahhooar'ín ar da/a nee ar muruú ta tsu/i kin ya/án dír kitangw'eé' oo ilahhooaro. Asma dooeé' kun babay a doó firo as muu sleémeero.»

ISAYA 61:6

Ala kuungá' tundun bay, «Kaahamuusér AAKOÓ MUNGÚ.» Nee tunduri bay, «Sagadiyuusér Munguúrén.» Kuungá' daqaari'iimár xoordu an /agá', nee baraá daqaari'iimar'ine kuungá' xirif kuri sleerá'.

YEREMIA 33:19

Axweesantá AAKOÓ MUNGÚ Yeremia gari axaás i kat,

YEREMIA 33:22

Aníng faarór xwaylár sagadiyusmooeé' Daudi a doók, nee faarór kaahamuusér Mungú tidár tlahhoó Laáwiwo, tari adór tsatse/uú gawaá doori kudá' faarooro ta aslayká, nee adór hhasángw afaá tlawi.»

YEREMIA 35:19

gawaá adoorihe, anuú AAKOÓ MUNGÚ Aleesleemusmo a kah, Yonadabu garmoó Rekabu dirose heé aníng i sagadiyuús i baloó qwaariiká.»

ESEKIELI 44:15

«Ala kaahamuusér Mungú ar tlahhoó Laáwi, kudaá xwaylár Sadoki, kudá' gadiyeé nga alkone' dir'eé' tidá' hhoohhooe, qoomár múk Israeli aníng iwa geexáy, kuká' an kudá' aníng i sagadiyusá' nee geeraaeé' hardáh as di/i nee tseere ngiwa haniisiya'. Anuú Aakoó MUNGÚ tí aga oó'.

ESEKIELI 45:5

Dír hatlá' baraá yaamuuhunge ka paraatl ar kilomiíta mibaá nee tsár nee tlaqi tlenaango, nee bihheero kilomiíta kooán, as tawa gixsár tlahhoó Laáwi, kudá' gadiyuús baraá Doó Mungú wa aleeró as tawa dír hotaaín.

FAARO 3:5

Aluuwo AAKOÓ MUNGÚ Mose guna i axweés iwa kaahi,

Rumi 1:21

Inooín tam Mungú ngwa tsaahhi'i, ala inooín ngwa xirfayeesi'iiká tawa Mungú, nee slám ngwa sluufmiisi'iiká. Ala inslaway'ín iri daktu'uút, nee muner'ín tidá' sagalooár koomaaká iri ak gíp.

Rumi 15:16

Asma ina sagadiyusmoó Yesu Kristo wa qaás oo amór xoordaá hatlá'. Gadiyér kaahamusi'iimár Mungú an tleéhh ar loohír Ya/abtór hho' ar Mungú ngiwa alki/iit dír xoordaá hatlá', as inooín tawa ilahhooa tleehhiti, tidá' Mungú aa ya/án, tidá' taa hhoohhooeés nee Qeeruú hhoohhoó' oo Mungú.

DABE 18:1

«Kaahamuusér Mungú ar tlahhoó Laáwi dinkwa nee tlahhoó Laáwi sleémeero, yaamu mingiwa slayé', laqaá aali baraá yaamaá Israeliwo. Inooín ilahhooadá' ta hanmiisi dír AAKOÓ MUNGÚ ngin /ayiyá'.

DABE 24:8

«Barnaxes hee i tiqtír tsatmitú kón, ti harmagahhe' ar adoodá' kaahamuusér tlahhoó Laáwi nura ádbeér. Adoodá' aníng inooín ngaa báw tleehhaak.

YOSHUA 3:3

Muu ngway bayé', «Kuungá' bara aandé' kaahamuusér Mungú ar tlahhoó Laáwi i sandakmoó alqadór AAKOÓ MUNGÚ Munguúhúng loohisiyá', daqaní kuungá' kitaangw ku gasá', ta aluuín wa tleerá'.

1 Petro 2:5

Kuungá' kilá' sleeme masók a adór tlaa/aá slafá', tundu tleehhi tawa doó qeeru tleehhita'. Kuungá' masók a kaahamuusér Mungú ar hhohho', nee ilahhooár qeeru ar muruú ta tsu/i kawa huba', tidá' ta ya/an nee Mungú ar loohír Yesu Kristo.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

Geehhoeemaá 1:6

Inós atén tina waawuti'iimár i sláy, tiri kaahamuusér Mungú wa qaás, as atén Mungú, Baabuúwós, kuwa sagadiyuusaan. Xirif nee aleesleemu i dirós ay alhhe'eesay wasle. Amin.

Geehhoeemaá 5:10

Kuúng inooín in waawitá wa qás, nee in kaahamuusér Mungú wa qás as Munguúrén kuwa sagadiyuusi. Nee inooín yaamu ngiri sa waawuti'ii'iná'.»