YEREMIA 33:11 - Biblía Axweesantá Hhohho' ar Mungú 2004

¹¹ afór qaseengw nee ar bara/ a malé axasá', nee afór ni/imár /ayla, nee afór daa'ángw múk ilahhooár sluufoó huwahuúw dír doó AAKOÓ MUNGÚ ar kah, ‹AAKOÓ MUNGÚ Aleesleemusmo sluufmiisaak, asma AAKOÓ MUNGÚ ku hhoó'. Sla'aarirós ar warqawaaká in kumaamít ay alhhe'eesay wasle.› Aníng yaamuuká' i diihhooar'ín tidár aángií ki/ís. Anuú AAKOÓ MUNGÚ tí ngina oó'.»

YEREMIA 33:11 Iomraidhean Croise

1 QOM'I 16:34

AAKOÓ MUNGÚ sluufmisaak asma inós ku hhoó', sla'aarirós ar warqawaaká in kumaamít ay alhhe'eesay wasle.

1 QOM'I 16:8

AAKOÓ MUNGÚ sluufmisaak, umuuwós ateetaak, tlehhmi'iiwós xu'utisaak dír muko.

2 QOM'I 20:21

Alaá mukós gurbu'uto nguwa hhe'eés, waawutmo Yehoshafati daauuse gari tsawaár, tlabaaín ngiri dahaasiyé', niri hi'iitiyé' geeraá slaqwaruusér wa alé tawa daai, ta kaahi, «AAKOÓ MUNGÚ sluufmisaak, asma sla'aarirós ar warqawaaká in kumaamít ay alhhe'eesay wasle.»

2 QOM'I 29:31

Naagáy Hesekia muu guri báy, «Kuungaásíng taa qaroó hhoohhooeese' dír AAKOÓ MUNGÚ i tseewuwaare', ilahhooarhúng ar muruú ta tsu/i nee ilahhooár sluufaywo huwaare' baraá Doó AAKOÓ MUNGÚ.» Naagáy muu ilahhooar'ín ar muruú ta tsu/i nee ilahhooár sluufaywo ngina huwiyé' ar sla'aari.

2 QOM'I 5:13

Qoomár mukdá' tarumbeétadaá ufahhaám nee daauuse afo kawa alqoomeés tawa AAKOÓ MUNGÚ sluufmiisi nee kuwa xirfayeemisi ar tarumbeetadu nee mitingiraay nee xooslaá hatlá' awa daa'aangw, tawa kaahi, «AAKOÓ MUNGÚ ku hhoó', asma sla'aarirós ar warqawaaká in kumaamít ay alhhe'eesay wasle.» Doó AAKOÓ MUNGÚ huunki gway tuuntúk.

2 QOM'I 7:3

Qoomár múk Israeli sleémeero asltadá' naa gawaá doorí wa /et nee xirfuú AAKOÓ MUNGÚ kuduú baraá Doó Mungú nguwa ariyé', inooín niri xupapuiyé' yaamu, Mungú nguri sluufisiyé', ngway sluufáy hanisiyé' tawa kaahi, «AAKOÓ MUNGÚ ku hhoó', asma sla'aarirós ar warqawaaká in kumaamít ay kureeraá kureér.»

ESRA 6:22

Deelór ur ar mikaátér taa sluuftisiiká kari tleéhh ar qwala/ ar afiqoomár deelo faanqw, asma AAKOÓ MUNGÚ inooín gina qwal/atís nee muunuú waawutmoó Ashuru guri warqeés as múk Israeli nguwa slai, inooín giri ale/iís as ngiwa /uurií qaasi baraá gadiyér tlehhmuú doó Munguhe, Munguú Israeli.

NEHEMIA 12:43

Baalaarihe inooín ilahhooár muruú ta tsu/i kana haniís tari ló'wa qwalaá/. Asma Mungú gina ló'wa qwal/aás ar qwal/uú úr, /ameena nee na/iiwo sleeme tari qwalaá/. Bar/uú qwala/ oo baraá Yerusalemu kuri amór saáw wa axamiís.

NEHEMIA 8:12

Muu sleémeero iri tláy tawa /ayin nee tawa wahan, muu kuri tooín huúw, qwal/uú úr kway tleéhh, asma /aymi'iidá' taa dir'ín i alki/iít ngaa tsaahhiyé'.

WARA'AMI 106:1

AAKOÓ MUNGÚ xirfayeemisaak! AAKOÓ MUNGÚ sluufmisaak asma ku hhoó', asma sla'aarirós ar warqawaaká i baloó fakká!

WARA'AMI 107:1

«AAKOÓ MUNGÚ sluufmisaak, asma ku hhoó', asma sla'aarirós ar warqawaaká i kumamít ay alhhe'eesáy wasle.»

WARA'AMI 107:22

Inooín ngu sluufisiye' ar ilahhooár muruú ta tsu/i, nee tlehhmi'iiwós ki alki/iiti ar daa'ángw qwala/.

WARA'AMI 116:17

Aníng kuúng un sluufiís ar ilahhooár muruú ta tsu/i, nee AAKOÓ MUNGÚ un fiririím.

WARA'AMI 147:13

Asma inós nahha ga gawdees tseegamooro, daaqoó baraá do'ók gu tsuuq.

WARA'AMI 85:7

AAKOÓ MUNGÚ, sla'aarirók ar warqawaaká atén i laqaamang, atén ti ba/amis.

ISAYA 35:10

Mukdá' AAKOÓ MUNGÚ aa ba/amís i wayaa' nin hardihiyá' ay Siyoni ar daa'ángw bara/, qwal/uú alhhe'eesay wásl i baraá muner'ín. Inooín nin hootiyá' ar qwala/ nee bara/, gurhaami nee /ifooro ni faakiyá'.

ISAYA 51:11

Naagáy mukdá' AAKOÓ MUNGÚ aa ba/amís ni wayaa', nin hardihiyá' Siyoni ar daa'ángw bara/, qwal/uú alhhe'eesay wásl i baraá muner'ín. Inooín nin hootiyá' ar qwala/ nee bara/, gurhaami nee qununu/aay ni faakiyá'.

ISAYA 51:3

Asma AAKOÓ MUNGÚ Siyoni ga gurkwa/as, wa/angwdá' sleémeero a hhiturumiit un amohhe'eés. Darmuuwós un adór Edeni tleéhh, xaanxaywós un adór asalmoó AAKOÓ MUNGÚ tleéhh, qwala/ nee bara/uuwo niri deerutiyá' baraawose sluufaay nee afór daa'aangw kari baraawósí axaas.

ISAYA 52:8

Afór xuumuuseerók iiárií qaaseek, i dinkwár wa dá' ar qwala/, asma adoodá' AAKOÓ MUNGÚ nira kií/ Siyoni ilaaínaá kilae ngaa ariyé'.

ISAYA 52:9

Taangwaá yaamaá Yerusalemu daaé', asma AAKOÓ MUNGÚ mukós gwaa gurkwa/ás inós Yerusalemu gaa gweér.

YEREMIA 16:9

Asma AAKOÓ MUNGÚ Aleesleemusmo, Munguú Israeli, i kaahi, «Ga/aawaak aníng afór qwala/ nee ar bara/ a qwaareés baraá yaamuukae, tam qwal/uú ni/imár /ayla. Tí kuungaákaá slafá' a aandá' ilaahunge.

YEREMIA 17:26

Muu ni hardah amór gixsadaá Yuda wa alé, nee ayeemaá Yerusalemu ngaa harweeriye', múk yaamaá Benyaminír daáhh, nee oo yaamaá Shefela, nee oo yaamaá tlom'i gi daáhh, nee oo Negebu as ilahhooár da/a ngiwa huwiya', nee ilahhooár muruú ta tsu/i, nee ilahhooár bu'uungw, nee mooyángw tsuú' dinkwa nee ilahhooár sluufaay. Muruuwí sleémeero kungun huuw baraá doó AAKOÓ MUNGÚ.

YEREMIA 25:10

Aníng afor'ín ar qwala/ nee ar bara/, nee ni/imár /ayla, nee afór xoosliingw a qwaareés dir'ine nee tsaa'asór oh a gaás dir'ine.

YEREMIA 29:14

Aníng kuungá' i sleerá'. Aníng diihhooarhúng ngi ki/ís, nee nuri burumbuúr baraá xoordu sleémeerowo, nee umuú diiro amoodá' nay diyaá/. Nuri ki/ís amoodá' nay diyaa/i, amoodár yaamaá nuy loohatís. Anuú AAKOÓ MUNGÚ tí ngina oó'.›

YEREMIA 30:19

Muk'eé' oo didá' hoót daa'ángw sluufaay ku daa', nee afór qwal/amaaye i baraadá' wa ti'ít. Inooín nin tlahhiyá', ta baloó /aaruyká. Aníng inooín in xirfayeés, ki baloó waaqaiiká.

YEREMIA 30:3

Asma ga/aaweek, deelo i hardát ar muk'eé' oo Israeli nee oo Yuda nguwa diihhooár i ki/is. Aníng inooín in ki/ís baraá yaamuudá' naa taati'ii'ín i haniís, nee inooín ngiri aaliyá'. Anuú AAKOÓ MUNGÚ tí ngina oó'.»

YEREMIA 32:44

Muu qamu gin tlaxún ar peésa, gooidá' qamu kir aali kan gooín nee kari dugenií qaas nee lamabu'uuseero. Adoorí kan tleehh baraá yaamaá Benyamini, nee iisaapoó Yerusalemu, nee baraá gixsadaá yaamaá Yuda, nee baraá gixsadaá yaamaá tlom'i, nee baraá gixsadaá Shefela, nee baraá gixsadaá xaanxoó Negebu. Asma aníng inooín i malé diihhooárí ki/ís. Anuú AAKOÓ MUNGÚ tí ngina oó'.»

YEREMIA 33:26

daqaní aníng xwaylár Yakobo nee Daudi sagadiyusmooeé' aga sií', nee heé wák u tsawaaraaká oo xwaylár Abrahamu, nee Isaka nee Yakobo ga sawaawuti'iím. Asma aníng muk'eé' un diihhooárí ki/ís nee nguri gurtláw.› »

YEREMIA 33:7

Múk Yuda nee oo Israeliro u malé diihhooárí haniís. Aníng inooín in gawdeés, ngiri adoodár aáng i ki/ís.

YEREMIA 7:34

Yaamu in xaanxay tleéhh, iimír gixsadaá Yuda wa tleemu ay lohdaá Yerusalemu, afór qwala/ nee qaseengw ka axaasiiká nee afór ni/imár /aylaawo asma yaamu i deewaaiyá'.»

AMOS 9:14

Aníng muk'eé' kudá' aáng taa loohatís ngun ki/ís baraá yaamuuín, inooín gixsaduín kudá' taa geexáy ngin tleehhiyá' ngiri hootiyá', sabiíbu ngu dahaasiyá' baraá qamuuín, nee difaáir'ín ngiri wahaná'. Inooín qamu ngin dahaasiyá' ngiri balángw wa /ayiyá'.

YONA 2:9

Ala aníng ilahhooár muruú ta tsu/i ngi kuúngií haniís ar afór sluufaay, nee al'axweesante'eé' a boo/eés, asma ba/ama amór i dahh a amór AAKOÓ MUNGÚ!»

NAHUMU 1:7

AAKOÓ MUNGÚ ku hhoó', inós a koo/ír gawit deelór slahh'amuwo, inós mukdá' sleémeero gu i gogoów gu xún.

SEFANIA 3:14

Aá múk gixsár Siyoni, daaé' ar afór ur, kuungaá múk Israeli tsimaahhuusé', Kuungaá múk gixsár Yerusalemu, qwalaala/é' nee baraa/é' ar mune sleémeero.

SEKARIA 10:7

Nee múk Efraimu tay adór miguusér /uureemaá koom, inooín tay haats qwal/uwo adór múk difaái gaa wah. Na/ii'ín adoorí ngi ariyá' niri qwalaa/iyá', muner'ín iri háts qwal/uwo as anuú AAKOÓ MUNGÚ.

SEKARIA 8:19

«Gwaawitór slahhángw tsiyáhh, nee ar slahhángw kooán, nee ar slahhángw faanqw, nee slahhángw mibaangw, a deelór tawa naagisi qwala/ nee bar/uuwo, nee a deelór ur dír múk doó Yudawo, gawaá adoorihe looeema nee wayda sla'aak.»

SEKARIA 9:17

Xáy parootirós i hhohhoaaeér, daaqaay nee dasuuwo slaqo ngin tlehhiitiyá' ar balángw yaariír nee difaáír /aben.

Yohana 3:29

Heé nee /ameenír ta duxuuti ti koomá', an heedá' duuxuxuúm, ala mulqumoó heedaádá' duuxuxuúm oo didaádí dirií', inós gun iiárií qamín, slám afór heedaádá' duuxuxuúm gan sa qwalalaa/. Gawaá adoorihe qwal/uueé' aa boó/.

Ebrania 13:15

Gawaá adoorihe atén masók Mungú un ilahhooarén ar muruú ta tsú/í hanmiisaán ar loohír kuwa xirfayeemisaan umuúqo daqto ar loohír Yesu. Gídaabárós a Mungú un xirfayeemisaán ar afeerén.

Geehhoeemaá 18:23

Nee slám gwa/aateemaá tsaa'asi ki baloó ariiká baraawoge. Nee afór garmoó duuxuxuúm nee ar dasír ta duxuuti ka baloó axaasiiká baraawoge malé alé. Asma mukók kudá' halaanu'uumár tleéhh, inooín a múk aleesleemuú koóm baraá yaamuwo, nee xoordu sleémeero kina al/agín ar da/ariwók.»