YEREMIA 32:8 - Biblía Axweesantá Hhohho' ar Mungú 2004

⁸ Naagáy garmoó maamáy'eé' Hanameli niri hardáh didár matla/ángw xuumuuse, adoodár AAKOÓ MUNGÚ ngira oó', iri báy, «Qaymor'eé' tidár baraá Anatoti tlaxweek, tidár yaamaá Benyamini, asma kuúng a hariín kawa tu/. Tlaxweek as tawa slaasláwarók.» Aníng ngiri tsaáhh adór tar axweesantá AAKOÓ MUNGÚ.

YEREMIA 32:8 Iomraidhean Croise

1 WAAWITÁ 2:26

Slám waawutmo kaahamusmo Abiatari guri báy, «Tláw Anatoti baraá qamuuwók, asma kuúng gwa'ara ugwa sahariín, ala laarí u gaasaaká, asma sandakmoó Aakoó MUNGÚ una loohís geeraá Daudi baabuúeé' wa ale, nee slám kuúng nee baabuúeé' tunduna alslahh'eemiís.»

1 WAAWITÁ 22:25

Mikaya iri oó', «Kuúng baldá' bara góp baraá tla/afi daqaní a tsáhh.»

1 QOM'I 6:60

Baraá tlahhoó Benyaminiwo gixsadá taa haniís nee yaamaá de'eengo a Geba nee qawtantós, nee Alemeti dinkwa nee qwatantós, nee Anatoti nee qawtantós. Yaamaá taa dir'ín i haniís sleémeero a gixsadu mibaá nee tám.

YEREMIA 1:1

Kaangwí an axweesantá Yeremia garmoó Hilkia, heé wák baraá tla/ángw kaahamuusér Munguhe, oo baraá gixsár Anatoti daáhh ar baraá yaamaá Benyamini.

YEREMIA 32:2

Qoomaarihe askaárír waawutmoó Babuloni gixsár Yerusalemu gana harwét, nee aarusmo Yeremia kwaa ilaá/ baraá matla/ángw doó xuuma, kuduú baraá doó waawuti'iimár Yuda.

YEREMIA 32:25

Tam adoorihe Aakoó MUNGÚ kuúng aníng ina beér, ‹Qaymo tlaxweek ar peésa nee lamabu'uuse ka qás,› tam gixsa kaa hayoohi nee múk Kaldayo.»

YEREMIA 32:7

«Ga/aaweek, Hanameli garmoó Shalumu, maamáywók, ni amoorók i hardah i kaahi, ‹Qaymor'eé' tlaxweek, tidár baraá yaamaá Anatoti, asma kuúng an mar'afmooeé' ló'wa alé, nee a hariín kawa tu/.› »

YEREMIA 33:1

Axweesantá AAKOÓ MUNGÚ Yeremia gana malé axaás, qoomár iwa dír afeenír xuumuuseérí kahhi.

YEREMIA 37:12

Yeremia ina Yerusalemúr wa tláy ay yaamaá Benyamini as yaamuuwós ngiwa oohi.

ESEKIELI 12:7

Naagáy adoodá' taa báy ngiri tleéhh. Baldae qoomár tlaatla/aango huwar'eé' ngiri tseék, adór huwár heé aa goow, tsiindowo koo/ír do' ngiri feé/, nee qoomár iimi iwa giwaagip niri ti'iít, huwar'eé' i gawaá suuma, nee muu sleémeero i ga/áy.

SEKARIA 11:11

Kari geeqáy baalaadár kilae, halaanuuseedár bee/aangw amor'eé' ga/aw ngiri tsaahhiyé' adór AAKOÓ MUNGÚ ira axweés ar tlehhmi'iieé'.

Yohana 4:53

Baabá gari tsaáhh adór tar siiwadaádár kilá' inós kuwa báy nee Yesu, «Na/aywók i slaaf.» Inós nee múk do'ose Yesu kuri haratlintií'.