YEREMIA 32:5 - Biblía Axweesantá Hhohho' ar Mungú 2004

⁵ Sedekia kun ar tláy ay yaamaá Babuloni, inós iri hoot amoodá' wa alé ay dír aníng ngway artá aw. Tam geeraawo Sedekia ti muxiia nee múk Kaldayo i baloó baalinká. Anuú AAKOÓ MUNGÚ tí ngina oó'.› »

YEREMIA 32:5 Iomraidhean Croise

2 QOM'I 13:12

Ga/aawaak, Mungú inósuú kilá' an geeraharusmoorén, nee kaahamuusér Mungú i taruumbetadaá koón, taa amohhe'és ufahharo, as tawa layár slaqwara imu/uuma nee kuungá'. Kuungá' múk Israeli, ma slaqwara' nee AAKOÓ MUNGÚ, Munguú baabi'iihúng, asma kuungá' a baloó baalinda'aaká.»

2 QOM'I 24:20

Qeeruú Mungú Sekaria garmoó kaahamusmoó Mungú Yehoyada guri i hardáh. Sekaria iri sihhiít geeraá múkwí ale, giri báy, «Ahaá waáy, gár hara'ayár AAKOÓ MUNGÚ kasa sié' a milá? An gár hamí kuungá' gár ta slasleera' is kahh, asma inós kuungá' una sié', nee inós kuungá' naa máy sleeme.»

AXWEESANOÓ SAGALOOA 21:30

Sagalooa i káhh tam tsaahha i káhh sleeme, laqaá tam gurbua i káhh sleeme ar ta tleehhi a dimbé nee tidá' AAKOÓ MUNGÚ i slai.

YEREMIA 2:37

Nee slám ni amoodá' wa kí/ daba' kiwa gawaá ságw i qás as mure. Anuú AAKOÓ MUNGÚ kudá' kuúng ta haraxu' aníng iga sií', slám alee/isay'ín gár uwa bui i káhh, ala kuúng alee/iisaro u aleeslayká.

YEREMIA 27:22

Xooslasíng kan ar tláy ay yaamaá Babuloni nee iri amooqá' i mét ay dír ngay sa daawiit. Daqaní qoomaarí an qoomaadá' ngiwa ki/is nee ngay malé qaás diirí. Anuú AAKOÓ MUNGÚ tí ngina oó'.»

YEREMIA 32:24

«Ga/aaweek, múk Kaldayo gixsa gaa harweér ar ufér hhape, as kawa haraadahi nee kawa hayoohi, asma mukwí kuna baraá dabaá múk Kaldayo i qaás ar slaqwara nee giyeé nee tiqtír pu/i. Tidá' kuúng taa kát, ga/aaweek, naa hardát nee ilaawoge aga aán.

YEREMIA 32:6

Yeremia iri oó', AAKOÓ MUNGÚ ina axweés nee aníng iwa kaahi,

YEREMIA 33:5

Muu slaqwarár nee múk Kaldayo ga iiar ala aqo tawo, tuaá múk taa tsuú/ as buhhtaaeé' boheedá' taa foól ngin dalaa/iyá'. Asma inooín sleémeero tlakweema ngina tleehhiyé', aníng gixsarí ngiri sií'.

YEREMIA 37:10

Kuungá' slaqwaruuseedár Kaldayo sleémeero, tidá' nee kuungá' slaqwá' tam bala'a, nee múk taa hariaa'áy iri meet baraá slumooín, mukdá' taa hariaa'áy nin baraadá' wa sihhiitiyá', gixsarí kari daa/ ar asla.»

YEREMIA 39:4

Qoomár Sedekia waawutmoó Yuda nee slaqwaruuseerós sleémeero mukwí kuwa ár, tari xweeraá /akumiít tsee/aá gixsa ar loohír asalmoó waawutmo, tidá' waaraahh ar dír koo/i ti dók, tari tláy ay Araba.

YEREMIA 39:5

Ala slaqwaruusér Kaldayo mukwí guri aluú wa eehát, Sedekia nguri aleeslayé' baraá xatsatá Yeriko. Ala nguwa oohiyé', nguri huwiyé' dír Nebukadnesa waawutmoó Babuloni, amór Ribla baraá yaamaá Hamati. Inós guri sakwasleemuút.

YEREMIA 39:7

Aluuwo ilaá Sedekia giri tu/ún guri daba tseék ar tlaatlawi as nguwa yaamaá Babuloni i huwi.

WA/AA/I 1:14

«Tlakweemaaeé' sleémeero gina burumburaarín, giri gawaaeénií qaás, giri dinkwárí tseék ar dakós, ngiri gawaá istaeéní tarereé', aníng iri al'iloouyé', Aako aníng iga qaás gawaá dabaá múk aníng tlaampa'aasaro ni aleeslawaaká.

ESEKIELI 12:12

Waawutmooín huwaarós ga gagaar qoomár xweeraawo, iri ti'iit as iwa gowi, koo/i gan fee/, iri tsee/ií ti'iit ar didá' gitsee/aawós gi tuuntuuk as yaamu mingiwa ár ilaawose.

ESEKIELI 12:13

Ala aníng tsaxweeli a qaás nee inós guri ót. Aníng nguri huúw Babuloni, yaamaá múk Kaldayo, inós amoodae iri gwaa', tam adoorihe yaamuudá' gi ariiká.

ESEKIELI 17:15

Ala waawutmoodá' /abén aa qaás waawuti'iimár waawutmoó Babuloni gana sií', muu gway ya/aáw ay Misri as alee/isoó faras nee oo slaqwaruusér yaariir nguwa firór ay. Xáy, waawutmoowí ga aleesláya? Xáy, oo adoorí ga tleéhh nee oo al'axweesantí gaa sii', sakwasleemaro i kotsóti?›

FAARO 14:41

Ala Mose iri oó', «Ahaá waáy, kuungá' mas malé kumitá' hara'ayár AAKOÓ MUNGÚ siaasiuwo? Adoosinge kuungá' dír ta eera' i káhh tam ar niiná!