YEREMIA 32:34 - Biblía Axweesantá Hhohho' ar Mungú 2004

³⁴ Inooín muruudá' ta waki nguna qaasiyé' baraá do'owí ta umuuér ateetin, nee nguri meetagaasiyé'.

YEREMIA 32:34 Iomraidhean Croise

2 WAAWITÁ 21:1

Waawutmo Manase waawuti'iima ngiwa iimu/ún kureeriiwós a mibaá nee tsár. Inós baraá waawuti'iimaro kureeri ngaa /aáy a mibeeri kooán nee kooán baraá gixsár Yerusalemuro. Umuú aayoorós a Hefsiba.

2 WAAWITÁ 23:6

Inós Ashera gana hingeés baraá doó AAKOÓ MUNGÚ wa alé, gari kwaáhh tsee/aá Yerusalemu ay Kidroni, gari daá/ baraá xatstá Kidroni, gari naasúy, giri adór teeri tleéhh, teeridá' gari kwaáhh gawaá /aantá muu.

2 QOM'I 33:15

Inós baraá Doó AAKOÓ MUNGUHE, munguiidaá hatlá' nee murslaaqatuuwo giri hingeés, dinkwa nee kiteeriidá' aa tleéhh gawaá tloomadár Doó AAKOÓ MUNGÚ, giri hingeés, nee baraá Yerusalemuro, giri kwaáhh tsee/aá gixsa.

2 QOM'I 36:14

Tam kaahamuusér Mungú tidá' uren sleémeero nee muu sleémeero, niri inkihhimu wasleesiyé', asma tlehhmi'iidá' ta waki awa xoordaá hatlá' ngina eehariyé', tam doó Mungú nguri meetagaasiyé', kudá' inósuú kilá' aa hhoohhooeés oo baraá Yerusalemu.

YEREMIA 19:4

Asma mukwí aníng iga geexáy, nee yaamuuká' nga meeta gaasiyé' ar da/aa/ángw mooyaangw dír munguaá hatlá', munguiidá' inooín nee baabi'ii'ín, laqaá waawitaáín ta baloó xuiiká. Nee sleeme yaamuuká' nga hatsiisiyé' tseerdaá múk dakuús wasle.

YEREMIA 23:11

AAKOÓ MUNGÚ i kaahi, «Aaruuse nee kaahamuusér Munguhe Mungú ngu ilaiwawa/iaaká. Tam ay baraá dooeene tlakweemaaín iga ár.

YEREMIA 30:14

Sla'aaruuserhúng sleémeero kuungá' naa gunqaarés, kuungá' nu baloó gár i xuiiaaká. Aníng kuungá' naa slaáhh adór wakusmo, kuungá' tundu muux ar gurtleemu wasle, asma dakuúsarhúng ka ló'wa ur, tlakweemaahúng ki ló'wa yaariir.

YEREMIA 34:15

Ala deelór niina aa waarahhi, kuungá' inslawayhúng kuwa warqesé', aníng ina qwal/asé'. Kuungá' mukhúng oo Israeli kuwa gwedé', nee alqado kari qasé' dír geeraaeé' wa alé, dír Do'odá' taa umuueénár ateetin.

YEREMIA 44:4

Tam adoorihe aníng sagadiyuuser'eé' ar aaruuse ya/abtooro aga mawiiká, niwa kah, ‹Muruuwí ta waki mu tlehhiitara, kwí aníng ni ahhiit!›

YEREMIA 7:10

Naagáy kuungá' niri baraá dooeé' hardatá', niri geeraaeéní sihhtá' baraá do'owí taa umuuér ateét, tawa kata', ‹Atén naa tu/uutaán.› Ala laatí kuungá' a kumitá' muruudá' án ni waak.

YEREMIA 7:30

AAKOÓ MUNGÚ i kaahi, «Xwaylár Yuda tlakweema gaa tléhh dír ilaeene. Inooín muruuín kudá' án ni waak ngwaa baraá dooeé' i qaasiyé'. Dooeé' kudá' taa umuuér ateét ngway meetagaasiyé'.

YEREMIA 7:31

Kitángw ilahhooa ki hanmiisi nguri tleehhiyé' didár gawa ta bay Tofeti, baraá xatstá garmoó Hinomu, as na/ii'ín awa daaqaay nee awa dasu kiwa da/aa/an ilahhooár wa ale. Gaarí aníng aga baloó dir'ín i hara'ayimiiká, sleeme aga inslawiiká.