YEREMIA 32:28 - Biblía Axweesantá Hhohho' ar Mungú 2004

²⁸ Gawaá adoorihe anuú AAKOÓ MUNGÚ a kah: Gixsarí aníng an haniís baraá dabaá múk Kaldayo nee baraá dabaá Nebukadnesa, waawutmoó Babuloni, inós gari hayoh.

YEREMIA 32:28 Iomraidhean Croise

2 WAAWITÁ 25:11

Nebusaradani, geeraharusmoó xuumuusér waawutmo, muu sleémeero kudá meet baraá gixsa, nee kudá' sleémeero daber'ín ngaa haniisiye' dír waawutmoó Babuloni, guna loohatís.

2 QOM'I 36:17

Gawaá adoorihe, AAKOÓ MUNGÚ waawutmoó Kaldayo guri amor'ín i tleés. Inós masoombar'ín gari tsuú/ baraá guruú dooín kudá' hhoohhoó' i aleeró, slám hee tumu wák oo taa gurtláy i kaahh, tam dasi laqaá garma, laqaá heé aa din, laqaá oo liitlakusmo. AAKOÓ MUNGÚ muu sleémeero guna haniís gawaá dabaá waawutmoó múk Kaldayo.

ISAYA 29:2

Tam adoorihe, aníng Yerusalemu a slahh'eemiís, tari /aa/amín nee tari tsuunqumiis, gixsarí iri kitángw ilahhooa tleehhít.

YEREMIA 20:5

Slám daqaari'iima sleémeero baraá gixsarihe, nee slaasláwarós sleémeero, nee muruudá' sleémeero oo afhhamít, dinkwa nee qaasidár waawituú Yuda taa tatsi, aníng an haniís dír wakuuser'ín, nee umuú gaaro kari ar tláy ay Babuloni.

YEREMIA 21:10

Aníng aga ístí tsaát gixsarí ngiwa amotlakweérí huuw, ala a hhooeemáy tleehhaaká, anuú AAKOÓ MUNGÚ an kah. Gixsarí an haniís baraá dabaá waawutmoó Babuloni, inós gari hhaamiis ar asla.»

YEREMIA 32:24

«Ga/aaweek, múk Kaldayo gixsa gaa harweér ar ufér hhape, as kawa haraadahi nee kawa hayoohi, asma mukwí kuna baraá dabaá múk Kaldayo i qaás ar slaqwara nee giyeé nee tiqtír pu/i. Tidá' kuúng taa kát, ga/aaweek, naa hardát nee ilaawoge aga aán.

YEREMIA 32:3

Asma Sedekia waawutmoó Yuda Yeremia guna tseék iwa kaahi, «Ahaá waáy, kuúng mas aariiriín tawa kat, AAKOÓ MUNGÚ i kaahi, ‹Ga/aaweek, gixsarí a haniís gawaá dabaá waawutmoó Babuloni, inós gari hayoh.

YEREMIA 32:36

Hám daxta AAKOÓ MUNGÚ, Munguú múk Israeli, i kaahi, Yeremía, mukwí i kaahi, «Gixsarí ka haniis baraá dabaá waawutmoó Babuloni ar loohír slaqwara nee giyeé nee tiqtír pu/i, ala aníng a kah,

YEREMIA 34:2

Anuú AAKOÓ MUNGÚ, Munguú Israeli, a kah, «Tláw, waawutmo Sedekia oo Yuda ku beer, ‹Anuú AAKOÓ MUNGÚ gixsarí a qaás baraá dabaá waawutmoó Babuloni, nee gari daa/ ar asla.

YEREMIA 34:3

Kuúng a baloó kotsoqotká dirose, ala looeemaawo, kuúng tu oh, turi baraá dabaawós i qaas. Iltók nee tós ti doogiyá', nee tari axwesá' nee inós, aluuwo kuúng turi ar tláy ay Babuloni.›