YEREMIA 32:24 - Biblía Axweesantá Hhohho' ar Mungú 2004

²⁴ «Ga/aaweek, múk Kaldayo gixsa gaa harweér ar ufér hhape, as kawa haraadahi nee kawa hayoohi, asma mukwí kuna baraá dabaá múk Kaldayo i qaás ar slaqwara nee giyeé nee tiqtír pu/i. Tidá' kuúng taa kát, ga/aaweek, naa hardát nee ilaawoge aga aán.

YEREMIA 32:24 Iomraidhean Croise

2 SAMUELI 20:15

Muu sleémeero dinkwa nee Yoabuwo tana tláy, Sheba kuri /amatseék baraá gixsár Abeli ar Bet-ma'aka. Ufe kari tleéhh, kari dalaá/, kari harweér ar gixsa, koo/ír aáng kari male iimu/ún fe/ituwo as kawa yaamií dahhi.

ISAYA 37:33

«Gawaá adoorihe AAKOÓ MUNGÚ daanduú waawutmoó Ashuruwo i kaahi, ‹Waawutmoodá' i baloó baraá gixsárí dahiiká, tam mahaangw gu baraakií tsaxaariiká, sleeme ni dír gixsarí tseewuyká ar gaambu.

YEREMIA 16:4

‹Mukwí i qaatl ar tiqtír pu/i nee heé tsuunqumiís i kaahh, laqaá heé gi foliít i kaahh. Tu'uuín nin tlufaafuiyá' adór tsuunkáy daanduú yaamuwo. Mukwí ku hhaamiis ar paánga nee qwari, nee tu'uuín a muruú /aymár tsir/o nee makaá sla/a.› »

YEREMIA 20:5

Slám daqaari'iima sleémeero baraá gixsarihe, nee slaasláwarós sleémeero, nee muruudá' sleémeero oo afhhamít, dinkwa nee qaasidár waawituú Yuda taa tatsi, aníng an haniís dír wakuuser'ín, nee umuú gaaro kari ar tláy ay Babuloni.

YEREMIA 24:10

Aníng inooín in hhaamiís ar slaqwara, nee qwari nee tiqtír pu/i ay dír nay hhana' baraá yaamuudá' aníng naa haniís dir'ín nee dír baabi'ii'ín.› »

YEREMIA 29:17

Anuú AAKOÓ MUNGÚ Aleesleemusmo a kah, ‹Qaytsité', aníng slaqwara an huúw, nee qwari, nee tiqtír pu/i. Aníng i adór /aantsito'ór aa kufut tleéhh, tam /ayma ga ya/aandaaká.

YEREMIA 29:18

Aníng in aldáh ar slaqwara, nee giyeé nee tiqtír pu/i. Inooín ngiri adór gár ta waki tleéhh baraá waawuti'iima sleémeero ar yaamuwo. Inooín tari gár ta lu'umisi, nee gár waa/oo/amór huwahuuw nee gár ta waaqaaqai baraá xoordu sleémeero kudá' ngay guusi.

YEREMIA 32:25

Tam adoorihe Aakoó MUNGÚ kuúng aníng ina beér, ‹Qaymo tlaxweek ar peésa nee lamabu'uuse ka qás,› tam gixsa kaa hayoohi nee múk Kaldayo.»

YEREMIA 32:28

Gawaá adoorihe anuú AAKOÓ MUNGÚ a kah: Gixsarí aníng an haniís baraá dabaá múk Kaldayo nee baraá dabaá Nebukadnesa, waawutmoó Babuloni, inós gari hayoh.

YEREMIA 32:3

Asma Sedekia waawutmoó Yuda Yeremia guna tseék iwa kaahi, «Ahaá waáy, kuúng mas aariiriín tawa kat, AAKOÓ MUNGÚ i kaahi, ‹Ga/aaweek, gixsarí a haniís gawaá dabaá waawutmoó Babuloni, inós gari hayoh.

YEREMIA 32:36

Hám daxta AAKOÓ MUNGÚ, Munguú múk Israeli, i kaahi, Yeremía, mukwí i kaahi, «Gixsarí ka haniis baraá dabaá waawutmoó Babuloni ar loohír slaqwara nee giyeé nee tiqtír pu/i, ala aníng a kah,

YEREMIA 32:5

Sedekia kun ar tláy ay yaamaá Babuloni, inós iri hoot amoodá' wa alé ay dír aníng ngway artá aw. Tam geeraawo Sedekia ti muxiia nee múk Kaldayo i baloó baalinká. Anuú AAKOÓ MUNGÚ tí ngina oó'.› »

YEREMIA 33:4

Asma anuú AAKOÓ MUNGÚ, Munguú Israeli, a kah daanduú maraá gixsár Yerusalemuro nee maraá waawituú Yudawo, marayká' kina feé/ as kahhó' kiwa ufér hhapérár tlehha', as tiwa xuunda' nee mukdá' slaáqw oo gixsa ngaa harweer.

YEREMIA 34:17

Hám daxta, anuú AAKOÓ MUNGÚ a kah, As kuungá' aníng iwa iialooeesi'iiká, as lawaaleedá' kawa gwedi'iiká. Ar ló', aluuwo aníng kuungá' nu gweér, aníng kuungá' nu gweér as tunduwa tsu/i ar paánga, nee giyeé nee tiqtír pu/i. Aníng xoordu sleémeero i dae tsaát, qoomár birnga axaasiyé' tidá' ni tleehh.

YEREMIA 52:4

Bál slahhángw mibaangw tawa mibaangw, oo kurkú gwaleél iimír Sedekia tawa waawutmo, waawutmo Nebukadnesa oo Babuloni nee slaqwaruuserós tana haratláy amór gixsár Yerusalemu, gixsa kari /amatseék bihhe sleémeerowo.

YEREMIA 52:6

Bál slahhángw tsiyáhh tawa gwaleél, qwari ina ló'wa tsimaamiíhh baraá gixsaro, asma muruú /aymár mukós i /ayi iwa faák.

YEREMIA 6:6

AAKOÓ MUNGÚ Aleesleemusmo i kaahi, «Xaaiwós tsataak, koo/ír Yerusalemu ka hhapeérí ki/isá' bihhe sleémeero. Gixsarí i hariín kawa sakwasleemuti, asma gár aa hats baraawose a /ayta.

ESEKIELI 14:21

«Ala anuú Aakoó MUNGÚ a kah, qoomár bar Yerusalemu aga slaáhh ar muruuwí tsiyáhh oo sakwasleemar'eé' tidá' ló'wa xaraasl, ngiri sakwasleemuút ar slaqwara nee qwari, nee makaá xaraaslá' nee tiqtír pu/i, as muu nee makaywo ngiwa hhaamiis baraakae.

ESEKIELI 21:22

Mahangwdá' aa dakós oo doó /iyáy huu', gár i laqaaqan a kángw Yerusalemu. Xooslár gixsa fee/a gari amohhe'ees, kángw tsu/uta nee tsimaahhír slaqwara guri oo', xooslár afkú gixsa fee/a kaa amohhe'eés, slumaá gixsa ngaa harweeriye' nee /aampu kina tleéhh.

ESEKIELI 21:27

Hhituru'uuma! Hhituru'uuma! Tam gár wák ar ni meetiis i káhh baraá gixsarihe. Ala geeraá tihe heedaádá' naa ya/aamár muxtaárí haniís ni hardah, as sakwasleema ngiwa tleehhi, kudá' aníng ni gixsarí haniis.»

ESEKIELI 26:8

Inós gixsadaá inslaawaywók kudá' baraá aya giri hhaamiis. Kiíng tiri haraweel badu sleémeero adór koo/i, ufér hhape kari dalaa/ dír koo/irók, kari tuuntuuk ar gaambu as tiwa baraadií ilaa/i.

ESEKIELI 4:2

Laqaameek, adór kara harweér. Slaqsoó koo/irós nee slumtós bihhaawósí gooimeek, slumaá slaqwaruuse bihhaawós i tleehheek, nee gufteeraá gixsa kar fe/iiti.

HABAKUKI 1:10

Inooín waawitá ngun niqiná', nee múk urén kuri harneet, koo/ír gixsa dir'ine a gár waaniqaay, ngin hhapeérí dalaa/iyá', gixsadá' kari hayoh.

SEKARIA 1:6

Ala axweesante'eé' nee kaahir'eé' tidá' naa hara'ayiím dír sagadiyuuser'eé' tidár aaruuse, ahaá aa bo/káhe dír baabi'iihúng i ale, inooín nay hhu'uu'uné', ta kaahi, ‹Adoodá' AAKOÓ MUNGÚ Aleesleemusmo ni atén i tleehhi ar qoomoó lohduurén nee ar qoomoó tlehhmi'iirén, an adór tii tleéhh.»›

Matayo 24:35

Doori nee yaamu i waaraahhiyá', ala axweesante'eé' i baloó waarahhká.»

DABE 4:26

aníng laarí Munguú doori nee yaamu un ateét as tawa lamabu'usmo daanduuhunge, aníng kuungá' nun babaw, kuungá' a hhaandá' wa'aá wák ar ale baraá yaamuudá' ta ala'a amoodár gayuú yaaér Yordani. Kuungá' a tleeresaaká amoodae, aqo tundun ló'wa hhaamiis.