YEREMIA 32:22 - Biblía Axweesantá Hhohho' ar Mungú 2004

²² inooín kiri yaamuukií hanís, kuúng kiri diihhooár ilwa nee daneérí hanís, adoodá' aáng kara qaro alqadiín dír baabi'ii'ín.

YEREMIA 32:22 Iomraidhean Croise

IIMU/UUNGW 13:15

Asma yaamuká' sleémeero ta ga/eer, án ngi kuúngií haniís nee xwaylarók ay kureér.

IIMU/UUNGW 24:7

AAKOÓ MUNGÚ, Munguú doori, kudá' aníng iga duux amór doó baabuúeé' wa alé, baraadá' ti laqwaál, ina aníng i axweés, iri al'axweesántí haniís iwa kaahi, yaamuká' ngi xwaylarógí haniís. Inós malaykamoowós ngu ya/aaw geeraawók wa alé, kuúng garmaaeé' nguri harér i sleér amoosíng wa alé.

IIMU/UUNGW 50:24

Yosefu hhaeewós giri báy, «Án hám gwa'arar'eé' naa hamát. Ala Mungú niqo hardah dirhúng i alé, as nuwa duuxi baraá yaamuká' Misriro ay dír yaamuudá' aa oó' dír Abrahamu nee Isaka nee Yakobo.»

NEHEMIA 9:15

«Qoomár tawa qwariiti, ina muruú /aymár gawaá dooraá daáhh i hanís. Qoomár tawa waxiít, ma'aá wahaangw ina baraá tlaa/ár wa dúx. Sleeme kiri ádbeér yaamuudá' taa al'axwés kiwa aali.

TI'INAANGW 13:5

Bál barnaxés AAKOÓ MUNGÚ kuungá' naa hardahaás baraá yaamaá múk Kana'ani, nee awa Hiti, nee awa Amori, nee awa Hifi, nee awa Yebusi, ar adoodá' ngira al'axweés dír baabi'iihúng, yaamaá diihhooár ilwa nee dane ngiwa kuungá' i haniisi. Baalaarí niwa ti'ité' baraá lawaali'iimaro ka insleerá' umuúqo kurko.

TI'INAANGW 3:17

Aníng adór kuungá' nur duúx baraá slahh'amusuú yaamaá Misriro aga oó', nuri dahaás baraa yaamaá xoorór Kana'ani nee ar Hiti, nee ar Amori, nee ar Perisi, nee ar Hifi nee ar Yebusi, yaamaá diihhooár ilwa nee dane.

TI'INAANGW 3:8

Aníng nina hardáh asma inooín ngiwa tuu/ baraá dabaá múk Misri wa alé, nee in huúw ay baraá yaamaá hhooá', yaamaá iintlaaxw, yaamaá diihooár ilwa nee dane, yaamuudá' ta hooti nee xoorór Kana'ani, nee ar Hiti, nee ar Amori, nee Perisi, nee Hifi, nee ar Yebusi.

YEREMIA 11:5

Múk Israeli bar adoorí ngaa tleéhh, aníng al'axweesantadá' naa baabi'ii'ín báw an boo/eés, tidá' niwa káh, «Yaamaá diihhooár ilwa nee dane i inooín i haniís adór hám laarí i dirii'iya! Aníng niri oó', ‹Masók an adoosíng, AAKOÓ MUNGÚ.› »

ESEKIELI 20:15

Tam adoorihe aníng lo'o ana huúw baraá xaanxáy wa ale niwa káh, ‹I dahiaaká baraá yaamuudá' naa inooín i haniís, yaamaá dane nee ilwa, yaamaá ló'wa hhoohhoo' ta yaamu sleémeerowo.›

ESEKIELI 20:6

Baldá' lo'o ngiwa /aáy ina báw, ‹Aníng kuungá' nu duúx yaamaá Misrír wa alé nee nuri geerahaár ay baraá yaamaá naa kuungá' i tsawaár, yaamaá ilwa nee dane, yaamaá ak hhoohhoo' ta yaamaá hatlá' sleémeero.›

FAARO 14:16

‹AAKOÓ MUNGÚ mukós guna baraá xaanxáy tsuú/ asma gina harslaaqaát ngiwa huwi baraá yaamuudá' aa al'axweés as ngiwa inooín i haniisi.›

FAARO 14:30

oo dáh baraá yaamuudá' naa lo'ór wa /aáy ngiwa dirhúng haniis i kaahh, aqo har Kalebu garmoó Yefune nee Yoshua garmoó Nuni.›

DABE 1:35

‹Hee tumu wák baraá qartahunge oo hardáh baraá yaamuudá' naa al'axweés dír baabi'iihúng i kaahh.

DABE 1:8

Ga/aawaak, yaamuuká' sleémeero nga geeraahúng i qaás. Gimsé', yaamuuká' aalaak, anuú AAKOÓ MUNGÚ lo'o aga /aáy yaamuuká' ngiwa haniis dír baabi'iihúng, Abrahamu, nee Isaka, nee Yakobo, nee xwaylar'ine.› »

DABE 6:10

«AAKOÓ MUNGÚ, Munguúhúng adoodá' lo'o ngira /aáy dír baabi'iihúng Abrahamu, nee Isaka, nee Yakobo, inós kuungá' nu dahaas baraá yaamaá gixsadu uren nee hhohho', kudá' kuungá' taa tlehhi'iiká.

DABE 6:18

Gár AAKOÓ MUNGÚ gu sla'atamis na tleehhaak, daqaní kuungá' diihhooa a sleerá'. Kuungá' daqaní yaamuudá' hhoohhoo' AAKOÓ MUNGÚ aa lo'ór wa /aáy dír baabi'iihúng i ala'.

DABE 6:23

Atén tina baraá yaamaá Misrír wa tuú/, tiri dír yaamuuká' i huúw adoodá' aáng ngira lo'ór wa /aáy as ngiwa haniisi dír baabi'iirén.

DABE 7:13

Kuungá' nuri slaa' nee nuri tsuuq, kuungá' tari ló'wa tláhh, nee na/iihúng niri tlahhiyá', qamuuhúng giri tsuuq as kuungá' balaangw kuwa sleera', nee difaái, nee di/to, kuungá' nu tsuuq as hikwa nee bee/aangw ngiwa haniisi baraá yaamuudá' aa al'axweés.

DABE 8:1

«Hara'ayaarí naa dirhúngí hara'ayiím ooharo harmagahhaak, as kuungá' daqaní hota kiwa sleera' nee tawa tlahha', nee daqaní ta datá' baraá yaamuudá' AAKOÓ MUNGÚ aa lo'ór wa /aáy dír baabi'iihúng.

YOSHUA 1:6

Gimáy piíhh nee ilakaahareés ló' wa alé, asma kuúng mukwí un dahás baraá yaamuudá' aníng naa lo'ór wa /aáy ngiwa haniis dír baabi'ii'ín i alé.

YOSHUA 21:43

Adoorí an adór xoorór Israeli yaamu sleémeero ngira ál, kudá' taa haniís dir'íní ale nee AAKOÓ MUNGÚ ar adoodá' ngira alqadín dír taati'ii'ín. Inooín yaamuudá' ngiri aaliyé', niri baraadá' wa hootiyé'.