YEREMIA 32:19 - Biblía Axweesantá Hhohho' ar Mungú 2004

¹⁹ Kuúng an hara'ayusmoó úr nee aleesleemusmo baraá mura' tlehhtuuwo. Ilaawók lohdaá muu ngin ga/ayá', umuú heewo un bú' ar har qoomoó adoodá' hotaawós i dirii'iya', nee adoodá' tlehhmi'iiwós i dirii'iya'.

YEREMIA 32:19 Iomraidhean Croise

1 WAAWITÁ 8:32

na'ás, kuúng iiárií qaaseek gawaá doorí wa alé, kuúng qaa/oó mukók tsateek. Heé dakuúsár koóm sakwasleemuteek ar harqoomoó dakuúsarós i diri', nee heé dakuúsár koomaaká maweek, ku gurtleér adoodár iialooeesarós i diri'.

2 QOM'I 16:9

Asma AAKOÓ MUNGÚ daanduú yaamu sleémeero gu tsee/aarín as kudá' inkihhimuú koomá' dirose ngiwa /uurií doogi. Ala kuúng daktu'uma aga tléhh, gawaá adoorihe slaqwara i lakitká baraá ayaawoge.»

YOBU 34:11

Mungú hee gun buu' ar har qoomoó tlehhmi'iiwós, nee umuú heewo ar i slay a tidá' lohduuwós wá hariim.

YOBU 34:21

Asma Mungú lohdaá muu gin ga/áy nee tlehhmi'ii'ín sleémeero gin ga/áy.

WARA'AMI 111:2

Muruú AAKOÓ MUNGÚ i tlehhahhiiti ku urén, muruudá' ku ló'wa aldakuut nee mukdá' taa qwal/atís.

WARA'AMI 34:15

Asma ilaá AAKOÓ MUNGÚ i dír mukdá' hota ganaa'á', nee firor'ín ga axamiis.

WARA'AMI 62:12

Nee sla'aaridá' warqawaaká i dirók, AAKOÓ MUNGÚ. Asma kuúng umuú heewo un bú' ar adoodá' tlehhmi'iiwós i dirii'iya'.

WARA'AMI 92:6

Heé daktani muruuwí gu tsaahhiiká, tam heé tliíf ga xuiiká sleeme.

TI'INAANGW 15:11

Aá AAKOÓ MUNGÚ, Mungú adór kuúng baraá munguiiwo a gaalá? Baraá hhohhoarto oo xirfuú koóm adór kuúng a gaalá? Kudá' xirfuuwós ta ilaiwawa/i tlehhma'aá waa/oo/amo gi tlehhiít.

AXWEESANOÓ SAGALOOA 5:21

Asma tlehhma'aá hee dír AAKOÓ MUNGUHE ki geehhoo', inós umuúqo gár hee i tleehhi gan ga/áy.

AXWEESANOÓ SAGALOOA 8:14

Aníng gurbu'uungw u koóm, nee sagalooaro, tsaahha a koóm sleeme nee /uuruuwo.

DAHARUSMO 12:14

Asma Mungú tlehhmi'iirén sleémeero gin sakwasleemuut, tam kudá' taa naaqo tlehhiitaán, tam ki hhó' laqaá ki tlákw.

ISAYA 28:29

Xu'utirí sleémeero amór i dahh a amór AAKOÓ MUNGÚ Aleesleemusmo. Hara'ayaarós i waa/oo/amór koón, sagalooarós i ló'wa ganá'.

ISAYA 40:13

Heé AAKOÓ MUNGÚ gwaa fuquraangw gwa/atis a heemá? Laqaá hara'ayusmoó inós gu intsaahhatís a heemá?

ISAYA 59:18

Wakuuse ga muux har afiqoomoó tlehhmi'ii'ín. Buhhtaawós nee li/aywo gin buu' gawaá wakuuseerós, tam múk ayeemaá afaá tlawi sleeme gun muux.

ISAYA 9:6

Asma na/aay kwaa xwaylúy as atén, na/oó garma kunguna haniís. Inós aleesleemuú waawuti'iima gu kón. Umuuwós kuri bay, Hara'ayusmoó waa/oo/amo, Munguú /uuruú koóm, Baabuú alhhe'eesay wásl, Waawutmoó Wayda.

YEREMIA 16:17

Asma aníng tlehhmi'ii'ín sleémeero i ga/áw. Gár aninge aa nahhat i káhh. Tlehhmi'ii'ín sleémeero dír geeraaeene ki geehhoo'.

YEREMIA 17:10

Anuú AAKOÓ MUNGÚ inslawoó muu un tsee/ariím, nee munér muu an iiaraa'ár, as kahhó' umuúqo heewo nguwa buu' ar adoodá' ir hotaatin, nee adoodá' tlehhmi'iiwós i dirii'iya'.»

YEREMIA 21:14

Ala aníng kuungá' nun muúx ar har qoomoó tlehhmi'iihúng kudá' taa tlehhé'. Anuú AAKOÓ MUNGÚ an kah, Asla a oohiís baraá darmuuhúng, asltí umuú gaaro ar baraá yaamuudae dáw gari /ák.»

YEREMIA 23:24

Xáy, hee nahhaata gaqo aleesláya ngway qo tsuwa araaká? Ahaá, anuú AAKOÓ MUNGÚ a kudá' dawaakáhe umuú diiro, gawaá doori nee baraá yaamuwo? Anuú AAKOÓ MUNGÚ tí ngina oó'.

YEREMIA 25:14

Múk Babuloni tari lawaalér xoordaá hatlá', nee kiri sawaawuti'ín nee waawitá. In buú' ar har qoomoó tlehhmi'ii'ín kudá' naa tlehhiitiyé'.› »

DANIELI 2:45

Tlaa/a ana aán ar naa kilós tsatit gawaá tloomár wa alé, ar hee aa kwatitiiká. Muqslír aáng gana suwaawá', nee muqslír sirdaa/aate nee tleeiro nee muqslidár peesaaro nee sahaábuwo. Gawaá adoorihe Munguúdá' úr kaangwí ngwa dirógí xu'utís, waawutámo, a kángw tlehharuút aluúwaá ale. Tlataaká' awa ló', nee gár i kaahiya' ar ló' sleeme.»

DANIELI 4:35

Yaamuloouusér daanduú yaamu a gaarooká dirose. Dír malaykedá' gawaá doorí diriia adór i slai gan tlehhiit tam dír múk baraakaá yaamuwo. Heé dakós gu ilaá/ i kaahh tumu wák, laqaá heé gu báw, ‹Gár adoosíng kas tlehhit a milá?›

SEKARIA 9:1

Kaangwí an geehhooemaá axweesantá AAKOÓ MUNGÚ daanduú gixsár yaamaá Hadraki, nee awa Damasko, asma gixsaduukaá Aramu awa AAKOÓ MUNGÚ, adór tlahh'aá Israeli sleémeero tar kós.

Matayo 16:27

Asma Garmoó Hee i hardah ar baraá xirfuú Baabuúwós dinkwa nee malaykeerós. Qoomaadá' an qoomár umuú heewo nguwa bui ar qoomoó tlehhemi'iiwós.

Yohana 5:29

Nee inooín tindiri ti'iit. Mukdá' tlehhema'aá hho' gaa tleehh, kun waasle/atis tari dah baraá slafiingw, ala mukdá' tlehhema'aá tlakw gaa tleehh, kun waasle/atis kuri sakwasleemuut.»

2 korinto 5:10

Asma atén sleémeero gár tiwa hariím an sihhiitaán dír geeraá Kristó i alé, as tiwa sakwasleemuuti nee inós, as masók umuúqo heewo kuwa bui ar tlehhemi'iiwós kudá' aa tlehhiít baraá slafiingós oo baraakaá yaamuwo, barnaxes ki hho' laqaá ki tlakw.

Efeso 1:11

Tam atén sleeme baraá Kristowo tina aaluuse tleéhh, adoodá' inós aa qaroó slaá', inósuudá' mura' sleémeero gu tlehhiít ar sla'aarirós.

Ebrania 4:13

Umuúqo gaaro ar Mungú i harslaaqati arto i káhh. Mura' sleémeero i kístí dirii', nee ku geehhoó' dír ilaawose, nee atén adór tara hootaán an dír geeraawósií kwalilimaán.

Geehhoeemaá 2:23

Nee aníng na/iiwós i faák tsu/utaaro. Nee múk kríshaanáy sleémeero gari xuu' adór aníng tar kudá' munér muu ga tsee/ariím nee inslawaywo. Nee aníng umuúqo heewo baraahunge un buú' ar adoodá' inós wa hariím as tlehhemi'iiwós kudá' aa tlehhiít.

Geehhoeemaá 22:12

«Ga/aaweek, aníng ni hardáh ar gaanslaay, nee slaqwer'eé' i dinkwa nee aníng, as umuúqo heewo nguwa buu' ar adoodá' tlehhmi'iiwós i dirii'iya'.