YEREMIA 32:18 - Biblía Axweesantá Hhohho' ar Mungú 2004

¹⁸ Kuúng gár ta harslaaqat i káhh, nee múk kumér yaariir ugwa sla'aarirók ar warqawaakií laqaán, ala sleeme kuúng muu un múx as tlakweemaá xwayliitér'ín. Kuúng an Munguú úr oo /uuruú koóm, nee umuuwók an AAKOÓ MUNGÚ Aleesleemusmo.

YEREMIA 32:18 Iomraidhean Croise

IIMU/UUNGW 49:24

Tam adoorihe, ga/aleerós ka amohhoo', nee dabaawós sleeme i /uuruú slaslayá', ar aleesleemuú Munguú duú /uuruú koóm oo Yakobo, ar aleesleemuú umuú De'eemusmo, inós an Tlaa/ár Israeli.

2 WAAWITÁ 9:26

AAKOÓ MUNGÚ ina oó', ‹Tseerér Naboti nee ar na/iiwós tidá' /isá' naa ár, looeemaawo aníng lo'o aga /aáy án li/oó tseereerí u buú' baraá qaymoorí.› Gawaá adoorihe, tuuár Yoram kwahheek baraá qaymór Naboti ar adoodá' AAKOÓ MUNGÚ ngira oó'.»

NEHEMIA 1:5

Niri oó', «Un firiím kuúng AAKOÓ MUNGÚ, Munguú doori, Munguúdá' Úr, kudá' ta da'ayumiiti, kudá' alqadoorós ga gawdemiís nee sla'aarirós ar warqawaaká dír kudá' inós ngu sla'a'a, nee awa hara'ayaarós nga oohi'i.

WARA'AMI 50:1

AAKOÓ MUNGÚ, Munguú Aleesleemusmo, in axwees, múk baraá hhapeemo sleémeero gun amoorós i ateetín da/aáw wa tleemu ay /uwa.

WARA'AMI 89:9

Kuúng tlawtá aa leexwaandut an bál, kuúng gwaanduú ma'aay un xasltimís.

TI'INAANGW 34:6

AAKOÓ MUNGÚ iri waaraáhh ar dír geeraá Mose, iri malé oó', «Aníng a AAKOÓ MUNGÚ, a AAKOÓ MUNGÚ, a Munguú gurtleemuuwo haáts nee oo gurhhoó', aníng ti inslahheeká buhhtaawo, nee a haáts sla'aarír warqawaakahe nee inkihhimuwo.

TI'INAANGW 34:7

Aníng sla'aarir'eé' ar warqawaaká an komkaakoóm ay nángw sagaáwa kumér kúm, aníng múk iringér koóm nee tlakweema nee dakumisuuwo un gurtlatláw. Ala heé tlakusmo u harafaaraaká tawa adór heé gana'amuú koóm, aníng li/oó tlakweemaá xwayliité un buú' dír na/ii'ín, nee na/aá nangw'ín tam ay nángw sagaáwa tám laqaá tsiyáhh.»

ISAYA 10:21

Panoó Yakobo kudá' aa meet i kii/ amór Munguú /uuruú koóm.

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

ISAYA 9:6

Asma na/aay kwaa xwaylúy as atén, na/oó garma kunguna haniís. Inós aleesleemuú waawuti'iima gu kón. Umuuwós kuri bay, Hara'ayusmoó waa/oo/amo, Munguú /uuruú koóm, Baabuú alhhe'eesay wásl, Waawutmoó Wayda.

YEREMIA 10:16

Ala Munguú Yakobo a adór slaqsi'iikaeeká, asma inós umuú gaaro gana tleéhh, nee múk Israeli guna tsawaár tawa xooroorós. Umuuwós an AAKOÓ MUNGÚ Aleesleemusmo.

YEREMIA 10:6

Aá AAKOÓ MUNGÚ, oo adór kuúng i kaahh tumu wák, kuúng tu úr, umuuwók i /uuruú kón.

YEREMIA 20:11

Ala kuúng AAKOÓ MUNGÚ a dinkwa nee aníng. Dir'eene kuúng a adór migusmoó dae tlaáq. Gawaá adoorihe kuká' aníng i baramaanuusá' i dukuutsiyá', baaliro i aleeslay'aaká. Ki ló'wa mureekees, asma i baalina'aaká. Murér alhhe'eesay wasle ngin slayá', ar taqo baloó gunqareesiiká.

YEREMIA 31:35

Adoorí an adoodá' AAKOÓ MUNGÚ i kaahi. «Anuú AAKOÓ MUNGÚ Aleesleemusmo, aníng an kudá' gaa qoomees tsee/amá iwa gwa/aati tlaatla/ango, xweeraawo slahhaangw nee tsatse/ iwa gwa/aatiya', kudá' tlawi gaa gwaanduú ma'áy tleehh.

YEREMIA 33:2

AAKOÓ MUNGÚ kudá' yaamu gaa tleehh, nee kudá' iihhafirír yaamu ga kumiitiís, kudá' umuuwós ta bay AAKOÓ MUNGÚ, inós aníng iri báy,

YEREMIA 50:34

Ala ba/amusmooín oo /uuruú koóm, AAKOÓ MUNGÚ Aleesleemusmo an umuuwós. Inooín gin aleekalaa/, giri amohhooárií haniis baraá yaamuwo, ala yaamuloouusér Babuloni amoqwanaay gway sleér.»

DANIELI 2:45

Tlaa/a ana aán ar naa kilós tsatit gawaá tloomár wa alé, ar hee aa kwatitiiká. Muqslír aáng gana suwaawá', nee muqslír sirdaa/aate nee tleeiro nee muqslidár peesaaro nee sahaábuwo. Gawaá adoorihe Munguúdá' úr kaangwí ngwa dirógí xu'utís, waawutámo, a kángw tlehharuút aluúwaá ale. Tlataaká' awa ló', nee gár i kaahiya' ar ló' sleeme.»

HABAKUKI 1:12

«Kuúng, AAKOÓ MUNGÚ, Munguúeé' Kudá' hhoohhoó', kuúng an daadeer iimír iimu/uungw wasle, nee an baloó alhhe'eesoó koondaaká. Kuúng AAKOÓ MUNGÚ, múk Kaldayo nguna tlés amooréní ale as tiwa sakwasleemuutiya'. Kuúng Tlaá/a, mukdá' ugwa aleesleemuú hanís as atén tiwa muxiya'.

FAARO 14:18

‹Anuú AAKOÓ MUNGÚ ti inslaahheeká buhhtaawo, nee sla'aarír warqawaaká a koóm. Tlakweema nee dakumis in gurtlatláw. Ala tam adoorihe tlakweemaá xwayliité in buú' dír na/ii'ín tam ay nángw sagaáwa tám laqaá tsiyáhh.›

Matayo 27:25

Muu sleémeero iri oó', «Tseereerós atén nee na/iirene ti i ki/.»

Luka 6:38

Muruú ta koonda'a muu qaqawaak, kuungá' tundu qáy. Qoomoó taa hatsiís, kway tiíl, kway /umamaa', iri yaamií waa/, an kudá' muu ni kuungí haniisi. Asma qoomaydá' tar qoomeemesa', an kudá' tindi kuungí qoomeesi.»

DABE 10:17

Asma AAKOÓ MUNGÚ, Munguúhúng inós an Munguú munguaá hatlá' gi baál, nee inós an Aakoó bariise. Inós an Munguú úr nee oo /uuruú koóm nee oo dae tlaáq, inós i barqaantír konká laqaá i slukumár /ayiiká.

DABE 7:21

Gimsé', mi da'ayumiitaara', asma AAKOÓ MUNGÚ, Munguúhúng i baraá tla/angwhúng i dirii'. Inós an Munguú úr nee kudá' dae tlaaq.