YEREMIA 32:10 - Biblía Axweesantá Hhohho' ar Mungú 2004

¹⁰ Aníng gooidár aali ngiri gooiím ngiri dugunií qaás, lamabu'uuse ngiri ateét as ilooeemaá shekeélidá' kiwa qoomeesi ar qoomaay.

YEREMIA 32:10 Iomraidhean Croise

IIMU/UUNGW 23:16

Abrahamu nee Efroni axweesani ngiri faakiyé', Abrahamu har afi qoomaadá' gari qoomeés dír geeraá múk Hiti wa ale, shekeélír tsiire tsiyáhh ar muqslír /awaak ar ta peésár tlehhaahhiti, ar de'eemudae ta halaanu'uumár ar tlehhahhiti.

IIMU/UUNGW 23:20

Qaymo nee mar'idá' baraadií dirii' múk Hiti gari weeriís dír Abrahamu, tawa dír mukós nguy foliiti.

YOBU 14:17

Tlakweemaeé' geeraawo iga baraá tlakwáy hara tsék, kuúng geeraawo dakuúsar'eé' aga tuuntúk.

DAA'AANGW 8:6

Aníng baraá muunaáwók i qaasáng adór laya. Masók a adór laya baraá dabaawoge. Asma sla'aari i /uuruú koón adór gwa'ara, Da/i i dae tláq adór /aanta, ohmaá sla'aari a adór ohmángw asla. In tsaara'aamís adór tsángw asla.

ISAYA 30:8

Mungú aníng iri báy, «Tláw /aymi'iiká' gooimeek gawaá peehhi, dír geeraaín tiwa gooiin baraá kitaábu ti dahas, as kahhó' iwa lamabu'uungw tleehhitiyá' de'emaá hi'iita'a ay alhhe'eesay wasle.

ISAYA 44:5

Oo wák iri ooi, ‹Aníng oo AAKOÓ MUNGÚ.› Kooko in ooi, ‹Aníng oo doó Yakobo.› Oo hatlá' /aymuuwí guri gawaá dakós i gooín, ‹Anuú doó AAKOÓ MUNGÚ.› Umuú tlahhaywós guri bay, hhay Israeli.»

YEREMIA 32:12

Gooidá' taa gooín as qaymoodá' tlaxwa ngay haniís dír Baruku garmoó Neria garmoó Ma'aseya, dír geeraá garmoó maamáy'eé' Hanameli nee lamabu'uuse, tidá' duguno gwa qas gawaá gooidá' taa gooín as qaymo tlaxwa. Adoorí kana tleéhh dír geeraá muu sleémeero oo Yahudi, kudá' aa iwiit dír matla/ángw xuumuuse.

YEREMIA 32:25

Tam adoorihe Aakoó MUNGÚ kuúng aníng ina beér, ‹Qaymo tlaxweek ar peésa nee lamabu'uuse ka qás,› tam gixsa kaa hayoohi nee múk Kaldayo.»

YEREMIA 32:44

Muu qamu gin tlaxún ar peésa, gooidá' qamu kir aali kan gooín nee kari dugenií qaas nee lamabu'uuseero. Adoorí kan tleehh baraá yaamaá Benyamini, nee iisaapoó Yerusalemu, nee baraá gixsadaá yaamaá Yuda, nee baraá gixsadaá yaamaá tlom'i, nee baraá gixsadaá Shefela, nee baraá gixsadaá xaanxoó Negebu. Asma aníng inooín i malé diihhooárí ki/ís. Anuú AAKOÓ MUNGÚ tí ngina oó'.»

DANIELI 8:26

Iigu'utudú ilahhooár tsiindo nee matlaatle tinda kuúngií oó' oo ló'. Hamí ala maweek baraá naaqórí ale, asma hardahamuuwós ku baloó tseeweeká oo iwa boo/i.

Matayo 27:66

Tari tláy, duguno kuri qaás gawaá tlaa/adá'. Askaári kari qaás as /aantadá' ngiwa xuun.

Yohana 3:33

Heé lamabu'uungós gwa ya/an, duguno gwa qaás adór Mungú tar looeema.

Yohana 6:27

Muruú /aymaadá' hhitiruút mu sagadiyuusara', ala kudá' hotaatiím oo slafíngw alhhe'eesay wásl ngu huúw na sagadiyuusaak. Muruú /aymaarí Garmoó Hee ngu kuungá' i haniis. Asma Mungú Baabá inós gwa ya/án, guri aleesleemuuwós i haniís.»

2 korinto 1:22

Nee slám tiri layaarós i qaás, nee Qeeruuwós nguri haniís baraá muneerén i alé as inós tawa arhaánirén.

Efeso 1:13

Kuungá' sleeme baraawose kángw looeema ugwa axasé', kangwdá' hhó' oo ba/amarhúng. Slám inós ugwa haratlintié', Qeeruú hhoohhoó' oo Mungú kudá' aa diréní al'axweés, nuri dugunií qaás.

Efeso 4:30

Qeeruú hhoohhoó' oo Mungú mu gurhaamír ar awaara'. Asma Qeeruuwós an duguno direne oo atén tir tsaahhi adór tar mukós, bál deeloodá' inós atén tiwa gweeri.

DABE 32:34

Xáy, aníng sakwasleemar'ín aga amohhe'eesiikáhe? Xáy, aníng adór inooín ngir sakwasleemuút a xuaakáhe?

YOSHUA 18:9

Hhawaateedá' tari tláy, yaamu sleémeero kiri aldáh tsawtsawumisuuwo, kángw yaamu kuri gooín baraá kitaábu, nee adór kir ka'aasi baraá ayeemo faánqwí ale dinkwa nee gixsaduuine, tari wayaá' amór Yoshua baraá xafayduú Shilo.

Geehhoeemaá 7:2

Nee malaykamoó hatlá' nguri malé ár oo tsa/a/ám amoodá' looa niwa tsiirarihh. Inós i layár kón ar Munguú slaáf. Inós malaykeedá' tsiyáhh gari i tseé' ar afór ur, tidá' aleesleemu gwa sleer yaamu ngiwa hhitiin nee tlawi.

Geehhoeemaá 9:4

Kiri báy, «Gitsór yaamu ma hhitiimara', laqaá umuúqo gár naa/a, laqaá tam umuúqo xa'anoowo, ala a mukdá' layár Mungú ga koomaaká gawaá gitsee/er'ine.»

RUTI 4:1

Boasi ina tláy amór afkú gixsa, didár kwasleema, iri didí iwiít. Naxés heedaádá' kangós Boasi aa oó' dír Ruti, iri didár waaraáhh. Inós an kuduú guruú doó Elimelekí tseéw. Boasi guri báy, «Xáy gan, qwaláng, diirí iwiitang.» Aluuwo inós nay hardáh, iri didí iwiít.