YEREMIA 31:9 - Biblía Axweesantá Hhohho' ar Mungú 2004

⁹ Muk'eé' ni kii/ ar hhirhheeri, ngi ki/ís as ngiwa gurkwa/as, aníng i geerahaár ay dír duxuú ma'aay, ar baraá loohír dukuutse ngiwa tuu'utká. Asma aníng a baabá dír múk Israeliwo, nee Efraimu a na/ay'eé' oo baris.

YEREMIA 31:9 Iomraidhean Croise

1 QOM'I 29:10

Aluuwo Daudi AAKOÓ MUNGÚ gway diidi'iís dír geeraá muu sleémeero wa ale, iwa kaahi, «Aá AAKOÓ MUNGÚ, Munguú taati'iirén awa Israeli, kuúng tu diidi'iimaamisi ay alhhe'eesay wasle.

WARA'AMI 107:7

Gina geerahaár ar baraá loohír ganaa', tari hardáh ay dír gixsár ta hooti.

WARA'AMI 23:2

Aníng in hungu/uus baraá qawtantá gitsór naa/, in geerahaar afaá dahhsantá yaaeero.

WARA'AMI 89:27

Aníng inós un bariismooeé' tleéhh, un waawuti'iimár i haniís ta waawituú daanduú yaamuwo.

TI'INAANGW 4:22

Kuúng Farao ku beer: AAKOÓ MUNGÚ i kaahi, ‹Israeli a garmaaeé' oo baris.

ISAYA 42:16

Aníng múk taampu un geerahaár ar loohír i baloó xuiaaká. Inooín in geerahaár baraá loohír ni xuiaaká, Giwtír geeraaín an warqeés tawa gwa/aateema, yaamaá wa/eeraá koomá' in tlapu tleéhh. Adoorí an adór ni tleehh. Nee án inooín i geexawaaká.

ISAYA 43:20

Makaá sla/a aníng iri ilaiwawa/iyá' intsaawe nee sakweluuwo, asma aníng ma'aay ngin baraá darmuú wa duúx, yau ngin baraá xaanxáy wa wa/ás. As muk'eé' kudá' naa tsawaár ma'aá wahaangw ngiwa slay.

ISAYA 45:11

AAKOÓ MUNGÚ kudá' hhoohhoó' oo Israeli nee tleehharusmoó Israeli, i kaahi, «Xáy, aníng kuúng inqo yaahása daanduú na/iieene? Laqaá inqo gaa beéra daanduú gadiyér'eé' ar ni tlehhiita?

ISAYA 57:14

AAKOÓ MUNGÚ iri ooi, «Loohi tleehhaak, tleehhaak, amohhe'eesaak, dukuutse hingesaak baraá loohír muk'eene.»

ISAYA 63:13

Inós inooín gina geerahaár baraá iloodá' sawene, adór faraásír baraá xaanxaay, tam ya'aaín ngaa tunqala/ani'iiká.

ISAYA 63:16

Asma kuúng an baabuúrén, tam Abrahamu atén ti xuiikahe nee tam Israeli ti tsatsahhankahe. Kuúngú AAKOÓ MUNGÚ an baabuúrén, kuúng an gweerusmoorén, iimír aange umuuwók an kwí.

ISAYA 64:8

Hám daxta AAKOÓ MUNGÚ, kuúng an baabuúrén, atén an tleei, kuúng an tleeusmoorén, atén sleémeero a gadiyér dabaawók.

YEREMIA 3:19

Aníng ngiwa xuu' geeraawo, kuúng un adór na/ay'eé' tleéhh, yaamaá sla'atimiisá' ngiri kuúngií haniís, aalír ló'wa hhoohhoo' baraá xoorduuwo, ngiwa xuu' geeraawo kuúng in baabuúwógár atét, nee kuúng in baloó meeraaká eeharto.

YEREMIA 3:4

Aqo hamír kilá' iga atetkáhe tawa kat, «Kuúng a baabuúeé', ina slá' iimír tawa na/oó niiná.

YEREMIA 31:20

Israeli an garmaaeé' kuduú sla'aarusmoówóke? Inós an na/ay'eé' kudá' ni ló'wa slá'aáke? Umuú daqto bur iigahhaatár wa slaá', aqo gurtleemu un insláw, guruueé' in tlatláy as inós, nee looeemaawo nguri gurtláw. Anuú AAKOÓ MUNGÚ tí ngina oó'.

YEREMIA 50:4

AAKOÓ MUNGÚ, Munguú Israeli i kaahi, «Qoomaadae nee daqtadae, múk Yuda ta buruumburiit dinkwaárí ale nee tari kii/ ar /aa/e tawa anuú AAKOÓ MUNGÚ, Munguúín leelehhiiti.

HOSEA 12:4

Tina tlaampa'asiyé' nee malaykamo guri ar baá/, guna i /aa/amín gurtleemu guri firín. Inós nee Mungú tiri doogiyé' baraá Beteli, amoodae inós nee Mungú tari axweés.

HOSEA 3:5

Aluuwo múk Israeli i kii/, AAKOÓ MUNGÚ Munguúín kway leelehhiit, nee Daudi waawutmooín. De'emaá alhhe'eesaywo niri ki/iyá' amór AAKOÓ MUNGÚ nee hhooeemawós ar ilaiwa/ame.

SEKARIA 12:10

«Aníng múk doó Daudi nee yaamuloouusér Yerusalemu i qeeruú i haniís oo firo nee oo gurtleemu, gawaá adoorihe, qoomár kudá' naa mutiyé' burngwa i qaytsitiyé', inooín nguri satsuunqumisiyá', adór hee na/aywós oo kilós ngur santsuunqumisi, inooín nguri sa/a/amná' adór heé na/aywós oo baris ngur alee/aa/amaamin.

MALAKI 2:10

Xáy, atén sleémeero baabuúrén a wákeéke? Munguú taa tleehh a wákeéke? Ahaá baré umuúqo heewo hhiyaawós gun muruú tlákw i tlehhiit, alqadaá baabi'iirén in hhititimaán.

FAARO 2:18

«Múk xafay'ín gu tleéhh bihhaá /uwa a bohhuudaá dír bendeérár tlahhoó Efraimu. Geeraharusmoó tlahhoó Efraimu a Elishama garmoó Amihudi.

Matayo 3:3

Asma Yohanewí an kudá' kangós taa axweés nee aarusmo Isaya iwa kaahi, «Afór hee iiárií qaasaak ar tseeamiim baraá darmuú wa ale, ar kah, ‹Loohír Aako amohhe'eesaak, nee waarahhmawós gan'aasaak.› »

Matayo 5:4

Múk amohhoó' a kudá' gurhaamuút, asma inooín gurkwa/asa ngi slayá'.

Matayo 6:9

Gawaá adoorihe kuungá' bar firiiriindá', ta oa', ‹Baabuúrén oo gawaá doorí dirií', umuuwók i xirfuuti,

Luka 6:21

Múk amohhoó' a kuungaásíng qwariitá' hamí, asma a axá'. Múk amohhoó' a kuungaásíng /aa/amiimá' hamí, asma a qaseendá'.

Rumi 8:26

Qeeru sleeme atén tin alee/iimiis, asma atén gár ta aleeslawaan i káhh. Asma atén gár ta firimaan a xuanaaká ar atén wa hariim firooro, ala Qeeru inósuú kilá' atén ti aleefiriirín dír Munguhe ar /ifór uren, tidá' ooaro ta aleeslayká.

2 korinto 6:18

nee aníng tari Baabuúhúng, nee kuungá' tari daaqay'eé' nee dasuueé'. Adoorí an adoodá' Aakoó Aleesleemusmoó mura' sleémeero aa oó'.»

DABE 14:1

«Kuungá' a na/aá AAKOÓ MUNGÚ, Munguúhúng. Miti iree/imaara', laqaá se'engwhúng mu deequtaara' hee barnaxes aa gwaá'.

DABE 32:6

Aá daktána nee múk sage waslén, AAKOÓ MUNGÚ musa adoosír bué'? Inós a baabuúhungeekáhe, kudá' kuungá' naa tleehh, tleehharusmoohúng kudá' kuungá' naa gawdeesikáhe?

Ebrania 12:13

Lohudaá ya'aahúng qwatsaak, as yaaeedá' aa sol'ot miwa qét, ala masók a kan hungu/uus.

Ebrania 12:23

Kuungá' dír tay dir'a' a baraá boo/oó mukdá' qwal/uú koóm, dinkwaadár na/aá Mungú, kudaá baris umer'ín taa gooín gawaá doori. Kuungá' dír tawa sihhimita' a dír geeraá Mungú, kuduú sakwasleemusmoó muu sleémeero, nee dír geeraá qeereemaá mukdá' ganaá', kudá' taa hhoohhooeés.

Ebrania 5:7

Qoomár Yesu iwa baraakaá yaamuú wa hoót, Mungú guna i /aa/amín ar afór ur, nee ar hhirhheeri, guri firiirín nee nguwa ateetin. Asma Mungú inós gu aleesláy nguwa ba/amisi baraá gwa'araaro. Inós kuri iiárií qaás nee Mungú asma adoodá' tiwa niinaweés, nee adoodá' Mungú nguwa ilaiwawaá/.

Geehhoeemaá 7:17

Asma Deelmoó bee/i kwí tla/ángw kitángw aleesleemuú i dirií', inós inooín gi de'én, giri geeraharahaar didár kutloó ma'aá slafíngw koóm i dirii'i. Nee Mungú hhirhheeri'ín sleémeero gi fiits baraá ilaaine.»